Vav Byelection Result Live Update : મતગણતરી ચાલુ, જાણો વાવમાં કમળ ખીલશે કે ગુલાબ?

Vav Assembly By Election 2024 : વાવ વિધાનસભા પેટા ચૂંટણીનું આજે પરિણામ જાહેર થવા માટે થોડી ક્ષણો બાકી છે. વાવના ત્રિપાંખિયા જંગનું આજે પરિણામ જાહેર થશે. જગાણા એન્જિનિયરિંગ કોલેજ ખાતે મતગણતરી ચાલી રહી છે. ભાજપ, કોંગ્રેસ અને અપક્ષ વચ્ચે ત્રિપાંખિયો જંગ છે. સ્વરૂપજી ઠાકોર, ગુલાબસિંહ રાજપૂત અને માવજી પટેલ મેદાને છે. ત્રણેય ઉમેદવારોના ભાવિનો આજે ફેંસલો થશે. 

પરિણામના લાઈવ અપડેટ 

• વાવ વિધાનસભાની પેટા ચૂંટણીની મતગણતરી ચાલી રહી છે. જ્યાં અપક્ષ ઉમેદવાર માવજીભાઈ પટેલ મતગણતરી કેન્દ્ર ઉપર પહોંચ્યા હતા જ્યાં તેમને પોતાની જીતનો વિશ્વાસ વ્યક્ત કરતા કહ્યું હતું કે ભલે હું હાલ પાછળ ચાલતો હોય, પણ મારી જીત જ થશે હાલ જે બુથો ખુલી રહ્યા છે તે પછીના બુથોમાં મને વધુ મતો મળશે. શંકર ચૌધરીની સભા બાદ મારા વોટ વહેંચાયા એ ફક્ત વાતો છે. તમે હજુ પરિણામ આવવા દો જીત મારી નિશ્ચિત જ છે.
• 11 રાઉન્ડના અંતે કોંગ્રેસના આગેવાન ઠાકરશી રબારીએ જીતનો વિશ્વાસ વ્યક્ત કર્યો. તેમણે કહ્યું કે, ગુલાબસિંહ રાજપૂતની સતત લીડ જળવાઈ રહેશે. મત ગણતરીના અંતે ગુલાબસિંહ 10 થી12 હજારની લીડથી જીતશે. વાવ વિસ્તારમાંથી ખૂબ લીડ મળી છે, સુઈગમમાંથી પણ લીડ મળશે. ભાજપના એજન્ટ પણ માની રહ્યા છે કે હવે લીડ નહિ કપાય. 
• સવારે 11.38 કલાકે ૧૨૭૭૪ મતથી ૧૧ રાઉન્ડના અંતે કોંગ્રેસ આગળ. અગિયારમાં રાઉન્ડના અંતે કોંગ્રેસને ૪૦૭ ની લીડ મળી 
• સવારે 11.24 કલાકે 10 રાઉન્ડના અતે ગુલાબસિંહને ૪૮૨૫૩ મત અને સ્વરૂપજી ઠાકોરને ૩૫૮૮૬ મત મળ્યાં. કોંગ્રેસ ૧૨૩૬૭ થી આગળ. દસમા રાઉન્ડમાં કોંગ્રેસની લીડ થોડી ઘટી 
• સવારે 11.02 કલાકે આઠમા રાઉન્ડના અંતે કોંગ્રેસ 12752 મતોથી આગળ
• સવારે 10.55 કલાકે સાત રાઉન્ડના અંતે કોંગ્રેસ 11 હજાર કરતાં વધારે મતથી આગળ. 
• સવારે 10.35 કલાકે છઠ્ઠા રાઉન્ડના અંતે કોંગ્રેસને 4989 મતોની લીડ. ગુલાબસિંહને 29862, સ્વરૂપજી ઠાકોરને 22072 મત
• સવારે 10.26 કલાકે પાંચ રાઉન્ડના અંતે 2716 મતથી કોંગ્રેસ આગળ. પાંચમા રાઉન્ડમાં કોગ્રેસને 5622 મત, ભાજપને 4311 મત અને અપક્ષ ઉમેદવાર માવજી પટેલને 342 મત મળ્યાં. 1311 મતની કોંગ્રેસને લીડ
• સવારે 10.07 કલાકે ચોથા રાઉન્ડમાં પણ કોંગ્રેસના ગુલાબસિંહ આગળ નીકળી ગયા. ચાર રાઉન્ડના અંતે ગુલાબસિંહ રાજપૂત 1400 કરતા વધારે મતથી કોંગ્રેસ આગળ
•  
• 
•  
• 1 થી 9 રાઉન્ડમાં વાવ તાલુકાના ગામના મતોની ગણતરી. 10 થી 15 રાઉન્ડમાં સુઈગામ તાલુકાના ગામોના મતોની ગણતરી. 16 થી 23મા રાઉન્ડમાં ભાભર તાલુકાના ગામોના મતોની ગણતરી. વાવ વિધાનસભા પેટાચૂંટણીમાં કુલ 23 રાઉન્ડમાં ગણતરી થશે. 
• સવારે 9.50 કલાકે ત્રીજા રાઉન્ડના અંતે 1173 મતે કોંગ્રેસ આગળ. ત્રણ રાઉન્ડના અંતે ગુલાબસિંહને 12360 મત, સ્વરૂપજી ઠાકોરને 11187 મત અને માવજી પટેલને 6510 મત મળ્યા. કોંગ્રેસના ગુલાબસિંહ 1173 મતથી આગળ ચાલી રહ્યાં છે 
•  
• 
•  
• સવારે 9.23 કલાકે બીજા રાઉન્ડના અંતે કોંગ્રેસની લીડ ઘટી. બીજા રાઉન્ડમાં કોંગ્રેસના ઉમેદવાર ગુલાબસિંહ રાજપૂત 46 મતોથી આગળ. અત્યાર સુધી  કોંગ્રેસના ગુલાબસિંહ રાજપૂત 297 મતથી આગળ

• સવારે 9.00 કલાકે પ્રથમ રાઉન્ડના અંતે ૪૧૯૭ કોંગ્રેસ, ૩૯૩૯ ભાજપ અને ૨૧૧૯ માવજી પટેલ.... કોંગ્રેસના ઉમેદવાર ગુલાબસિંહ ૨૫૮ મતથી આગળ 

ચૂંટણીમાં મળ્યો છે લોકોનો અપાર સાથ, અપક્ષ ભલે ગમે તે દાવા કરે પરંતુ જીત અમારીઃ ભાજપ ઉમેદવાર સ્વરૂપજી ઠાકોર#BJP #VavAssembly #swaroopjithakor #Banaskantha #assemblyelections2024 #byelection #Gujarat #resultsonzee #ZEE24Kalak pic.twitter.com/u1F6rs3w5J

— Zee 24 Kalak (@Zee24Kalak) November 23, 2024

સ્વરૂપજીએ મહાદેવના દર્શન કર્યાં
આજે વાવ વિધાનસભાની પેટા ચૂંટણીની આજે મતગણતરી ચાલી રહી છે તે પહેલાં ભાજપના ઉમેદવાર સ્વરૂપજી ઠાકોરે પાલનપુર પહોંચી પાતાશ્વર મહાદેવના દર્શન કર્યા હતા. જોકે તે બાદ પાલનપુરના લક્ષ્મીપુરા ગામે પહોંચેલા ભાજપના ઉમેદવાર સ્વરૂપજી ઠાકોરે ઝી 24 કલાક સાથ વાત કરતા જીતનો વિશ્વાસ વ્યક્ત કરતા કહ્યું કે, લોકોએ મને અપાર સાથ આપ્યો છે. કોંગ્રેસ અને અપક્ષ ભલે ગમેતે દાવા કરે પણ જીત મારી જ થશે. મોદી સાહેબના વિકાસના કામોની જીત થશે.હું સારા મતોથી જીતીશ અને જીત્યા બાદ વાવના અનેક ખેડૂતો, પાણી, સિંચાઈ અને કેનાલોના કામો બાકી છે તે પહેલાં કરીશ. મારો જીતનો વરઘોડો મતગણતરી કેન્દ્રથી પાલનપુર થઈને ગેળા હનુમાન જશે અને ભગવાનના દર્શન કરીને વાવ જશે.

મતગણતરી શરૂ
વાવ વિધાનસભાની પેટા ચૂંટણીને લઈને પાલનપુરની જગાણા એન્જીનીયરીંગ કોલેજ ખાતે ચુસ્ત પોલીસ બંધોબસ્ત વચ્ચે મતગણતરી શરૂ થઈ ચૂકી છે. સો પ્રથમ 130 બેલેટ પેપરની મતગણતરી હાથ ધરાઈ છે. 14 ટેબલ ઉપર 23 રાઉન્ડમાં મતગણતરી હાથ ધરાઈ છે. જેમાં બેલેટ પેપર બાદ 321 મતદાન મથકોના એવીએમ મશીનના મતોની ગણતરી હાથ ધરાશે, જેને લઈને આ મતગણતરી પ્રક્રિયામાં 160 જેટલા અધિકારી અને કર્મચારીઓ જોડાયા છે. બપોર સુધી આ મતગણતરી પૂર્ણ થઈ જતા ભાજપ કોંગ્રેસ અને અપક્ષ સહિત 10 ઉમેદવારોનું ભાવિ નક્કી થઈ જશે અને સ્પષ્ટ થઈ જશે કે વાવની જનતા કોને પોતાના ધારાસભ્ય તરીકે પસંદગી કરે છે.