હવે પુત્રવધૂ આસારામના પરિવાર માટે મુસીબત બની, માત્ર નારાયણ સાંઈથી છૂટાછેડા જ નહીં, 5 કરોડ માગ્યા
આસારામ બાપુના પુત્ર નારાયણ સાંઈને કોણ નથી જાણતું. પિતાની જેમ નારાયણ સાંઈ પણ જેલમાં બંધ છે. સુરતની લાજપુર જેલમાં બંધ નારાયણ સાંઈના ગુનાઓ તેના પિતા કરતા ઓછા નથી.
Trending Photos
- 5
- 6
- 5
- 7
)
ઝી બ્યુરો/અમદાવાદ: આસારામ અને તેમના પરિવારની મુસીબતો સતત વધી રહી છે. બળાત્કાર કેસમાં સજા ભોગવી રહેલા આસારામ માટે હવે તેમની વહુ મુશ્કેલી બની ગઈ છે. પુત્રવધૂએ નારાયણ સાંઈ પાસેથી છૂટાછેડા સાથે 5 કરોડ રૂપિયા માગ્યા છે.
અહીં કર્મની સજા મળે છે અને જો તમે ગુનો કર્યો હોય તો તમને કાયદામાં ચોક્કસ સજા મળશે. આસારામ બાપુ બળાત્કારના બે કેસમાં દોષિત સાબિત થયા હતા અને જેલના સળિયા પાછળ સજા ભોગવી રહ્યા છે. 82 વર્ષીય આસારામ બાપુ જોધપુર જેલમાં બંધ છે, પરંતુ જેલમાં હોવા છતાં તેમની મુશ્કેલીઓ ઓછી થતી જણાતી નથી. પહેલાં એક બળાત્કાર સાબિત થયો, પછી બીજો બળાત્કાર અને હવે આસારામની વહુએ પરિવાર માટે મુશ્કેલી ઊભી કરી છે.
આસારામ બાપુના પરિવારની મુશ્કેલી ફરી વધી
આસારામ બાપુના પુત્ર નારાયણ સાંઈને કોણ નથી જાણતું. પિતાની જેમ નારાયણ સાંઈ પણ જેલમાં બંધ છે. સુરતની લાજપુર જેલમાં બંધ નારાયણ સાંઈના ગુનાઓ તેના પિતા કરતા ઓછા નથી. 2013ના બળાત્કારના કેસમાં નારાયણ સાંઈને 26 એપ્રિલ 2019ના રોજ સુરત કોર્ટે આજીવન કેદની સજા ફટકારી હતી. મતલબ કે નારાયણ સાંઈ પણ તેના પિતાની જેમ જ બળાત્કારનો દોષી છે. જ્યારે નારાયણ સાંઈને સજા થઈ ત્યારે તેની પત્નીએ ખુશી વ્યક્ત કરી હતી. ઈન્દોરની રહેવાસી જાનકી હરપલાની ઉર્ફે શિલ્પીએ કોર્ટના નિર્ણયનું સ્વાગત કર્યું અને કહ્યું કે નારાયણ સાંઈને આજીવન કારાવાસની સજાનો નિર્ણય એ તમામ લોકો માટે એક મોટો પાઠ હશે જેઓ ધર્મના નામે મહિલાઓ સાથે દુષ્કર્મ કરે છે.
નારાયણ સાંઈની પત્નીએ છૂટાછેડા માટે અરજી કરી હતી
હવે જાનકી હરપલાણી ફરી એકવાર નારાયણ સાંઈ અને તેના પરિવાર માટે મુશ્કેલી ઉભી કરતી જોવા મળી રહી છે. જાનકી ઉર્ફે શિલ્પીએ છૂટાછેડા માટે અરજી કરી હતી. આસારામની પુત્રવધૂએ તેના પતિથી અલગ થવા માટે ફેમિલી કોર્ટમાં અરજી કરી છે અને પાંચ કરોડ રૂપિયાની મોટી રકમની માંગણી પણ કરી છે. જાનકીના વકીલના જણાવ્યા અનુસાર કોર્ટ આ મામલે બે સપ્તાહમાં સુનાવણી કરશે.
નારાયણ સાંઈની પત્નીએ પાંચ વર્ષ પહેલા કોર્ટમાં અરજી દાખલ કરી હતી કે નારાયણ સાંઈ તેના ભરણપોષણ માટે દર મહિને પૈસા આપે. આ પછી કોર્ટે નારાયણ સાંઈને જાનકીને દર મહિને 50,000 રૂપિયા આપવાનો આદેશ આપ્યો, પરંતુ જાનકીના કહેવા પ્રમાણે, નારાયણ સાંઈએ તે આપ્યા નહીં. હવે તેથી જ તેણે છૂટાછેડાની સાથે 5 કરોડ રૂપિયાની માંગણી કરી છે.
કોર્ટે આસારામની પત્ની અને પુત્રીને નોટિસ મોકલી છે
બીજી તરફ ગુજરાત હાઈકોર્ટે નારાયણ સાંઈની પત્ની અને તેની પુત્રી ભારતીને નોટિસ ફટકારી છે. આ નોટિસ આસારામની પત્ની અને પુત્રી સહિત પાંચ મહિલાઓ સામે બળાત્કારના કેસમાં કોર્ટે મોકલી છે. આ પાંચેય પર 2013ના બળાત્કારના કેસમાં ઉશ્કેરણી અને મદદ કરવાનો આરોપ હતો, પરંતુ પુરાવાના અભાવે કોર્ટે તેમને નિર્દોષ જાહેર કર્યા હતા. આ વર્ષે મે મહિનામાં કાયદા વિભાગે નિર્દોષ છૂટ સામે અપીલ દાખલ કરવાની સૂચના આપી હતી. જે અત્યાર સુધી બન્યું નથી અને તેથી આ નોટિસો આપવામાં આવી છે.
આસારામ પાસે છે 10 હજાર કરોડની સંપત્તિ, હવે કોણ હશે અસલી માલિક?
એવો દાવો કરવામાં આવી રહ્યો છે કે આસારામ પાસે હાલમાં દસ હજાર કરોડથી વધુની સંપત્તિ છે. આવા સંજોગોમાં મનમાં સવાલ ઉઠતો જ હશે કે પિતા-પુત્રના જેલમાં છે તો તેમના કરોડોના સામ્રાજ્યનો માલિક કોણ હશે. તો ચાલો જાણીએ કે પ્રોપર્ટીનો અસલી માલિક કોણ છે.
આસારામના 400થી વધુ આશ્રમો છે. 1500થી વધુ સેવા સમિતિઓ છે. અહીં 17000 થી વધુ બાળ સંસ્કાર કેન્દ્રો છે. આ ઉપરાંત 40 થી વધુ ગુરુકુલો છે. તમામ પ્રોપર્ટીની કિંમત આશરે 10,000 કરોડ રૂપિયા છે. આસારામ બાપુ અને પુત્ર નારાયણને જેલમાં ધકેલી દીધા બાદ આ સંપત્તિની દેખરેખ આસારામની પુત્રી ભારતીશ્રી કરી રહી છે.
આસારામનું પૂરું નામ આસુમલ થૌમલ સિરુમલાણી છે. આસારામનો જન્મ 17 એપ્રિલ 1941ના રોજ બ્રિટિશ ભારતના નવાબશાહ જિલ્લાના બેરાની ગામમાં થયો હતો, જે હવે પાકિસ્તાનનો એક ભાગ છે. માતાનું નામ મહાગરબા અને પિતાનું નામ થૌમલ સિરુમલાણી હતું. 1947માં ભારત-પાકિસ્તાનના ભાગલા વખતે આસારામનો પરિવાર અમદાવાદ, ગુજરાતમાં સ્થાયી થયો હતો.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
