Video : ભાજપા નેતા સ્મૃતિ ઈરાનીએ બંને હાથમાં ખુલ્લી તલવાર સાથે કર્યા કરતબ

વિપુલ બારડ/ભાવનગર :કેન્દ્રીય મંત્રી સ્મૃતિ ઈરાની (Smiriti Irani) આજે ભાવનગરના મહેમાન બન્યા હતા. ત્યારે એક કાર્યક્રમમાં સ્ટેજ પર ચઢીને તેઓએ તલવારબાજી (Dance with Sword) કરી હતી. તલવારબાજી કરીને કેન્દ્રીય મંત્રીએ અનોખું શૌર્ય બતાવ્યું હતું. ભાવનગર (Bhavnagar) માં સ્વામિનારાયણ ગુરુકુલ સંસ્થા ખાતે મૂર્તિ પ્રતિસ્થા મહોત્સવ યોજાયો હતો. જેમાં કેન્દ્રીય મંત્રી સ્મૃતિ ઈરાની મુખ્ય મહેમાન બન્યા હતા. ત્યારે તેઓએ બધાના આશ્ચર્ય વચ્ચે તલવારરાસમાં ભાગ લીધો હતો. કાર્યક્રમમાં ગુરુકુળની વિદ્યાર્થીનીઓ તલવારબાજી કરી રહી હતી, ત્યારે સ્મૃતિ ઈરાની વિદ્યાર્થીનીઓ સાથે જોડાઈ ગયા હતા. તેઓએ બન્ને હાથમાં ખુલ્લી તલવારો લઈને તલવારબાજી કરી હતી. 

ભાવનગરમાં એક કાર્યક્રમમાં કેન્દ્રીય મંત્રી સ્મૃતિ ઈરાનીએ કરી તલવારબાજી, જુઓ સ્પેશિયલ #VIDEO pic.twitter.com/9loEXnPvCV

— Zee 24 Kalak (@Zee24Kalak) November 15, 2019

આ ઘટનાનો વીડિયો સામે આવ્યો છે. જેમાં ડર્યા વગર કેન્દ્રીય મંત્રી બંને હાથમાં તલવાર લઈને રાસ કરી રહ્યાં છે. ઉપસ્થિતિ લોકોએ પણ તેમના આ ઉત્સાહને બિરદાવ્યો હતો. 

સમગ્ર ગુજરાતના લેટેસ્ટ સમાચાર, જુઓ LIVE TV : 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાવો : facebook | twitter | youtube