યુએન મહેતા હોસ્પિટલના RMO ની ધરપકડ, ફેક એકાઉન્ટ બનાવી હોસ્પિટલને બદનામ કરી

મૌલિક ધામેચા/અમદાવાદ :અમદાવાદ સિવિલ હોસ્પિટલના કેમ્પસમાં આવેલી યુએન મહેતા હોસ્પિટલના RMO ની સાયબર ક્રાઈમે ધરપકડ રકી છે. તેની સામે હોસ્પિટલ વિરુદ્ધ સોશિયલ મીડિયામાં બદનામ કરવાનો આરોપ લાગ્યો હતો. ડો. કૌશિક બારોટે ખોટા આઈડી પરથી હોસ્પિટલને બદનામ કરતું લખાણ લખ્યુ હતું. ત્યારે તેમની ધરપકડથી ખળભળાટ મચી ગયો છે. 

લાંબા સમયથી સોશિયલ મીડિયામાં યુએન મહેતા હોસ્પિટલને બદનામ કરતી પોસ્ટ કરાતી હતી. જે મામલે યુએન મહેતા હોસ્પિટલના ડાયરેક્ટર આર કે પટેલે સાઇબર ક્રાઇમને ફરિયાદ કરી હતી. પોલીસે તપાસ કરતા સામે આવ્યુ કે, કૌશિક બારોટ અલગ-અલગ સોશિયલ મીડિયા એકાઉન્ટ બનાવીને હોસ્પિટલ અને અન્ય લોકોની બદનામી કરતા હતા. તપાસમાં ખૂલ્યુ કે, તેઓ બીજાના નામે સીમકાર્ડ રાખતા હતા. તેમજ મોબાઈલમાં એવી એપ્લિકેશન રાખતા હતા કે ફોન કરવાથી સામી વ્યક્તિને મોબાઈલ નંબર ન દેખાય. એટલુ જ નહિ, સામી વ્યક્તિને યુવકને બદલે યુવતીનો અવાજ સંભળાતો હતો. પોતાનું નામ બહાર ન આવે તે રીતે તેઓ હોસ્પિટલની બદનામી કરતા હતા. 

આ પણ વાંચો : અત્યંત શોકિંગ!!! ખેડામાં મોબાઈલ ગેમ રમવા સગીર ભાઈએ 11 વર્ષના ભાઈની હત્યા કરી 

અમદાવાદની યુ.એન. મહેતા હોસ્પિટલને બદનામ કરવાના ઇરાદે થઈ રહેલી સોશિયલ મીડિયા પોસ્ટ અંગે સાઇબર ક્રાઇમ અમદાવાદને ફરિયાદ મળી હતી. આ ફરિયાદ અંગે તપાસ કરતા સામેં આવ્યું કે હોસ્પિટલ અંગે બદનામી કરતું લખાણ અન્ય કોઈએ નહી પણ હોસ્પિટલના જ કર્મચારી દ્વારા લખવામાં આવ્યું છે. જેને પગલે હોસ્પિટલના ડાયરેક્ટર આર કે પટેલે સાઇબર ક્રાઈમમાં ફરિયાદ  નોંધાવતા કાયદેસર કાર્યવાહી હાથ ધરી યુ એન મહેતા હોસ્પિટલના  RMO તરીકે ફરજ બજાવતા ડોક્ટર કૌશિક બારોટની ધરપકડ કરવામાં આવી. 

આ પણ વાંચો : 20 દિવસ ઓક્સિજન ન મળતા વડોદરાના સુપ્રસિદ્ધ તળાવમાં 5000 માછલાના મોત, 55 કોથળા ભરાયા 

પોલીસ ફરિયાદમાં ડો. કૌશિક બારોટ વિરુદ્ધ આરોપ લાગ્યો છે કે સોશિયલ મીડિયા મારફતે ખોટા નામે એકાઉન્ટ બનાવીને હોસ્પિટલ અને અન્ય લોકોની બદનામી કરતી પોસ્ટ ડોકટર દ્વારા પોસ્ટ કરવામાં આવી હતી. એટલું જ નહીં ડો.કૌશિક બારોટે બીજાના નામે સિમકાર્ડ પણ ખરીદેલા હોવાનું પોલીસના ધ્યાને આવ્યું છે. મહત્વનું છે આરોપી ડોકટરના મોબાઈલ તપાસતા  એક ખાસ પ્રકારની વોઇસ ચેન્જર એપ્લિકેશન પણ હોવાની માહિતી મળી હતી. ડોકટરે સોશિયલ મીડિયામાં પણ ડિરેક્ટર અને યુ એન મહેતા હોસ્પિટલમાં ટ્રીટમેન્ટ કરવી સારી નથી એવું લખેલું હતું જેથી ધરપકડ કરી સાઇબર ક્રાઈમે વધુ તપાસ હાથ ધરી છે.

આ પણ વાંચો : 

શિક્ષક પર હેવાનિયતનું ભૂત સવાર થયું, વિદ્યાર્થીનીનો વોશરૂમનો વીડિયો ઉતારી બ્લેકમેલ કરીને દુષ્કર્મ કર્યુ