એક નિશાન, 700 CCTVની તપાસ અને 24 કલાકમાં ઝડપાયો સુરતમાં મહિલાઓની છેડતી કરનાર આરોપી

Two Girls Molested In Surat: સુરત શહેરમાં શરમજનક ઘટના મંગળવારે બની હતી. સુરતમાં અસામાજિક તત્વો બેફામ બન્યા છે અને સુરતમાં કાયદા અને વ્યવસ્થાનો ખૌફ ઉડી ગયો હોય તેવો વધુ એક પુરાવો મળ્યો છે. સુરતમાં મહિલા ગરિમા સાથે સરેઆમ ખિલવાડ થતા દ્રશ્યો જોવા મળ્યયા હતા. જ્યાં એક યુવક દ્વારા મહિલાઓની છેડતી કરવામાં આવી હતી. પરંતુ ગણતરીની કલાકોમાં પોલીસે આ આરોપીને ઝડપી લીધો છે.

શું હતી ઘટના
સુરતના ઉધનામાં આવેલી એક સોસાયટીના સીસીટીવી થયા વાયરલ અને આ વાયરલ સીસીટીવીએ ચકચાર મચાવી દીધી કેમકે આ સીસીટીવીમાં એક નરાધમ સગીરાઓની સરાજાહેર છેડતી કરતો દેખાઈ રહ્યો હતો..જેને શોધવા પોલીસે આકાશ પાતાળ એક કર્યા અને આખરે તેને ઝડપવામાં પોલીસને સફળતા મળી છે..

સુરતના ઉધના વિસ્તારમાં આઠમી ડિસેમ્બરના રોજ બે બાળકીની સાથે છેડતી થઈ હતી આ સમગ્ર ઘટના સીસીટીવી કેમેરામાં કેદ થઈ ગઈ હતી જે રીતે આ ગંભીર ઘટના બની હતી ત્યારબાદ ઉધના પોલીસ દોડતી થઈ ગઈ હતી આ મામલાની તપાસ કરતા ઉધના પોલીસે અંદાજિત 700થી વધુ સીસીટીવી ફૂટેજના આધારે આરોપી સુધી પહોંચી હતી અને આરોપી અરમાનની ધરપકડ કરી હતી સૌથી મહત્વની વાત એ છે કે અરમાનનો ડાબો હાથ થોડો વાંકો હોવાના કારણે પોલીસ તેની સુધી પહોંચી હતી.

સુરતના ઉધનામાં સગીરાઓની છેડતી કરનાર નરાધમ અરમાનની ધરપકડ; ઘટનાના CCTV ફૂટેજ થયા હતા વાયરલ #Surat #Gujarat #News pic.twitter.com/tLbThzQvpM

— Zee 24 Kalak (@Zee24Kalak) December 11, 2024

જે રીતે સીસીટીવી સામે આવ્યા હતા તે જોતા પોલીસની કામગીરી ઉપર અને પેટ્રોલિંગ ઉપર અનેક સવાલો ઊભા થઈ રહ્યાં હતા.. પોલીસે આ વિસ્તારના અલગ અલગ 700થી વધુ સીસીટીવી કેમેરાની તપાસ હાથ ધરી,,આ દરમિયાન પોલીસે ઉન પાટીયા વિસ્તારમાં રહેતા આરોપી અરમાનના ઘર સુધી પહોંચી હતી પરંતુ અરમાન ઘરે મળ્યો ના હતો અને તેની સાથે રહેતા સાથીદારોની પૂછપરછ કરવામાં આવી ત્યારે તેઓએ જણાવ્યું હતું કે તે ઉન પાટીયા નજીક બેઠો છે જેથી પોલીસે અલગ અલગ ટીમો બનાવીને ઘટના સ્થળે પહોંચી હતી અને આરોપી અરમાનની ધરપકડ કરી હતી અરમાન અગાઉ ભાથેનાં વિસ્તારમાં કામ કરતો હતો અને ત્યારબાદ ઉનપાટીયા વિસ્તારમાં તે કામ કરતો હતો અરમાન ભાઠેના વિસ્તારથી વાંકેફ હતો..

આ પણ વાંચોઃ લવ જેહાદી સુધરી જજો, નહીં તો ચાલશે 'દાદા'નો ડંડો! દીકરીને હેરાન કરી તો હવે ખેર નહીં

તો આખરે નરાધમ પોલીસ સકંજામાં આવતા સ્થાનિકોએ રાહતનો શ્વાસ લીધો છે કેમકે જે પ્રકારે કોઈના પણ ડર વગર આ હેવાન યુવક યુવતિઓની છેડતી કરતો હતો તેને લઈને શહેરમાં મહિલા સુરક્ષા પર પણ સવાલો ઉભા થવા લાગ્યા હતા જો કે હાલ તો આ નરાધમને પકડીને તેના વિરુધ્ધ કડક કાર્યવાહી કરવાની શરુ કરી દેવાઈ છે.