Navratri Fashion Trends: નવરાત્રિમાં છવાઈ જવા માટે અપનાવો આ શાનદાર ફેશન ટ્રેન્ડ

Navratri Fashion Trend: કોરોનાકાળ બાદ આવી રહેલી નવરાત્રિમાં ગરબે ઘુમવા માટે ખેલૈયાઓમાં ભારે ઉત્સાહ જોવા મળી રહ્યો છે. ગરબા રસીકો અત્યારે વિવિધ પાર્ટીપ્લોટ અને કલબ હાઉસમાં જઈને ગરબાની પ્રેક્ટિસ કરી રહ્યાં છે. 26 સપ્ટેમ્બરથી નવરાત્રિ શરૂ થઈ રહી છે. આ પ્રસંગે એક તરફ લોકો દેવી દુર્ગાના નવ સ્વરૂપોની ભક્તિમાં તરબોળ થઈને માતાની પૂજા-અર્ચના કરશે. તો બીજી તરફ માતાને રીઝવવા ગરબા અને દાંડિયા પણ રમાશે. ગરબા પરંપરાની સાથે નવરાત્રિ ફેશનનો એક મોટો ભાગ બની ગયો છે. તેથી જ નવરાત્રિ દરમિયાન માત્ર પૂજા પંડાલોમાં જ નહીં પરંતુ ક્લબો અને રિસોર્ટમાં પણ ગરબા અને દાંડિયા નાઈટ્સના કાર્યક્રમોનું આયોજન કરવામાં આવે છે. નવરાત્રિમાં રંગ જમાવવા માટે લોકો ફેશનના ટ્રેન્ડ ધ્યાનમાં રાખીને પરંપરાગત રીતે પોશાક પહેરવા માંગે છે. આવી સ્થિતિમાં, તે ગરબા અને દાંડિયા નાઈટ્સમાં શું પહેરવું તે અંગે ખૂબ જ મૂંઝવણમાં રહે છે. તો ચાલો તમારી મૂંઝવણને હલ કરીએ અને જણાવીએ કે તમે કેવી રીતે તૈયાર થઈ શકો.

હેર સ્ટાઈલ-
જૂની ફિલ્મોની હિરોઈનની જેમ બન કે પોનીટેલમાં મોટાં ફૂલ મૂકવાની ફેશન પણ ટ્રેન્ડમાં છે. તમારી સુંદરતા વધારવા માટે તમે તમારા બન અથવા વેણીમાં ફૂલો મૂકી શકો છો. તે તમને ટ્રેડિશનલ લુકની સાથે ક્લાસી લુક આપવામાં પણ મદદ કરશે.

ટેટૂનો ટ્રેન્ડ-
ફેશનના આ યુગમાં ટેટૂની ફેશન પણ ખૂબ જ ટ્રેન્ડમાં છે. જો તમે બેકલેસ બ્લાઉઝ પહેરવાનું પસંદ કરો છો, તો તમે તમારી પીઠ, ગરદન અને કમર પર કાયમી અથવા ટેમ્પરરી ટેટૂ કરાવી શકો છો.

ચણીયા ચોળી-
ગરબા અને દાંડિયા નાઈટ્સ માટે, તમે કચ્છી ભરતકામથી શણગારેલી રાજસ્થાની ચણીયા-ચોળી પહેરી શકો છો. તેમની ડિઝાઇન વિશે વાત કરીએ તો, તેમને મોટા પેચવર્ક સાથે હેવી લુક આપવામાં આવ્યો છે. આજકાલ બેકલેસ કચ્છ એમ્બ્રોઇડરીવાળા બ્લાઉઝ ખૂબ જ ફેશનમાં છે. જો તમે ઇચ્છો, તો તમે તેને સાડી સાથે પણ ટ્રાય કરી શકો છો.

વોટરપ્રૂફ મેકઅપ-
તમારી સ્ટાઈલ અને સુંદરતા વધારવા માટે તમે વોટરપ્રૂફ મેકઅપ લગાવો. આ સાથે, જ્યારે તમે ગરબા અથવા દાંડિયા રમો છો, ત્યારે તમારે પરસેવાના કારણે મેકઅપ બગડવાની ચિંતા કરવાની જરૂર રહેશે નહીં.

બંગડીઓ અને કમરબંધ-
તમારી સુંદરતામાં વધારો કરવા ઉમેરવા માટે, તમે તમારા ડ્રેસ સાથે મલ્ટીકલર અથવા મેચિંગ બંગડીઓ અને કમરબંધનો પણ સહારો લઈ શકો છો. આ બંને વસ્તુઓ તમને ફેશનેબલ તેમજ ટ્રેડિશનલ લાગશે.

ચપ્પલ-
તમારા ટ્રડિશનલ ડ્રેસ સાથે કોલ્હાપુરી અથવા રાજસ્થાની ચપ્પલ અને મોજડી તમારી ફેશનમાં વધારો કરશે. આનાથી તમને માત્ર સારો લુક જ નહીં મળે પરંતુ ડાન્સ કરતી વખતે તમારા પગને પણ આરામદાયક લાગશે.