જીમમાં ટ્રેડમિલ પર કાપડના વેપારીને આવ્યો હાર્ટ એટેક, CPR મળતા પહેલા મોત આવ્યું

Heart Attack In Gym સુરત : એક તરફ યુવા વયમાં હાર્ટ એટેકના કિસ્સા વધી રહ્યાં છે, તો બીજી તરફ જીમમાં હાર્ટ એટેકના કિસ્સાઓ વધી રહ્યાં છે. આવામાં સુરતના એક કાપડ વેપારીને જીમમાં હાર્ટ એટેક આવતા તેમનું ઘટના સ્થળે જ મોત નિપજ્યુ હતું. 

સુરતના ભટાર વિસ્તારની આ ઘટના છે. ભટાર વિસ્તારના કાપડના એક વેપારીની હાર્ટ એટેકથી મોતની ઘટના જીમના કેમેરામાં કેદ થઈ છે. ભટારના કાપડના વેપારી વહેલી સવારે નિત્ય સમય મુજબ જીમમાં પહોંચ્યા હતા. તેઓ ટ્રેડમિલ પર તેઓ ચાલી રહ્યા હતા અને અચાનક ઢળી પડ્યા હતા. જીમમાં હાજર અન્ય લોકોએ તાત્કાલિક જ વેપારીને બચાવવાનો પ્રયત્ન કર્યો. તેમણે વેપારીને બચાવવા માટે તાત્કાલિક CPR આપ્યું, છતાં વેપારીનો જીવ બચાવી શકાયો નહીં. આ સમગ્ર ઘટના સીસીટીવીમાં કેદ થઈ છે. 

સુરતમાં કાપડના વેપારી ટ્રેડમિલ પર ચાલતાં- ચાલતાં અચાનક ઢળી પડ્યા, CPR આપ્યો છતાં જીવ ન બચ્યો...!#Gujarat #Surat #Viral #ViralVideo #Trending #TrendingNow #India #HeartAttack pic.twitter.com/RGIVEIqY0i

— Zee 24 Kalak (@Zee24Kalak) October 15, 2024

જીમમાં કેમ આવી રહ્યાં છે હાર્ટ એટેક 
સોશિયલ મીડિયા પર જિમ દરમિયાન કાર્ડિયાક અરેસ્ટને કારણે મૃત્યુના ઘણા વીડિયો ફરતા થઈ રહ્યા છે. જો કે, પ્રશ્ન એ છે કે જ્યારે શારીરિક કસરત હૃદયને સ્વસ્થ રાખવા માટે માનવામાં આવે છે, તો પછી હાર્ટ એટેક અને કાર્ડિયાક અરેસ્ટના કેસ કેમ વધી રહ્યા છે? આવી સ્થિતિમાં જિમ ન જવું જોઈએ? ચાલો આ વિશે સમજીએ.

આગામી 24 કલાક ભારે : 10 થી વધુ જિલ્લામાં ગાજવીજ સાથે ભારે વરસાદ ત્રાટકશે, નવી આગાહી

એક્સપર્ટનું કહેવું છે કે, હાર્ટ એટેક અને કાર્ડિયાક અરેસ્ટના વધતા જતા કેસ માટે ઘણા કારણો જવાબદાર હોઈ શકે છે. જીમમાં શારીરિક પ્રવૃત્તિ વધી જતા બ્લડ પ્રેશર ઝડપથી વધે છે, જે કાર્ડિયોવેસ્ક્યુલર સિસ્ટમ પર અચાનક તણાવનું કારણ બને છે. જે લોકો પહેલાથી જ હાઈ બ્લડ પ્રેશર, હાઈ કોલેસ્ટ્રોલ અથવા કોરોનરી આર્ટરી ડિસીઝ જેવી કોઈ બીમારી ધરાવે છે, તેઓ વધુ જોખમમાં હોઈ શકે છે.

આવું થાય તો તરત કસરત બંધ કરો 
હૃદય સંબંધિત મોટાભાગની સમસ્યાઓમાં, છાતીમાં દુખાવો સૌથી સામાન્ય લક્ષણ માનવામાં આવે છે. જો તમને કસરત દરમિયાન ક્યારેય ભારેપણું, જકડાઈ કે દુખાવો થાય તો તરત જ કસરત બંધ કરો અને શરીરને આરામ આપો. હાર્ટ એટેકના કિસ્સામાં, એ નોંધવું જોઈએ કે છાતીમાં દુખાવો હાથ, ગરદન, જડબા અથવા પીઠ સુધી ફેલાય છે. જો તમને આ પ્રકારની સમસ્યા હોય તો તરત જ ડોક્ટરની સલાહ લો.

ચૂંટણી પંચ બપોરે કરશે મોટી જાહેરાત, મહારાષ્ટ્રની સાથે ગુજરાતમાં પણ આવશે ચૂંટણી

શ્વાસ લેવામાં તકલીફની સમસ્યા ગંભીર બની શકે છે
વ્યાયામ દરમિયાન શ્વાસ લેવામાં તકલીફ થવી એ સામાન્ય બાબત છે, જો કે, જો તે અતિશય અથવા કંટાળાજનક બની જાય, જેમ કે તમારે શ્વાસ લેવા માટે ખૂબ જ મહેનત કરવી પડી રહી છે, તો તે લાલ ધ્વજ ગણી શકાય. જો તમને વ્યાયામ દરમિયાન શ્વાસ લેવામાં તકલીફ અથવા ઘોંઘાટ લાગે છે, તો તે હૃદયની અંતર્ગત સમસ્યાની નિશાની હોઈ શકે છે. આ સ્થિતિમાં તરત જ કસરત કરવાનું બંધ કરો અને જિમની બહાર ખુલ્લી હવામાં શ્વાસ લો. આ વિશે શક્ય તેટલી વહેલી તકે ડૉક્ટરની સલાહ લો.

આ સંકેતો પર પણ ધ્યાન આપો
જો તમને કસરત દરમિયાન અથવા પછી ચક્કર આવવા, માથામાં ચક્કર આવવા, બેહોશ થવા જેવી સમસ્યાઓ અનુભવાય છે, તો આ પણ હૃદય સંબંધિત સમસ્યાનો સંકેત હોઈ શકે છે. જો તમને આ લક્ષણો લાગે તો તરત જ કસરત કરવાનું બંધ કરો અને પાર્ટનરની મદદથી ડૉક્ટર પાસે જાઓ. આ બધા લક્ષણોના કિસ્સામાં ડૉક્ટરની સલાહ વિના કસરત કરવાનું ટાળવું જોઈએ.

જો કોઈને જીમમાં હાર્ટ એટેક આવે તો સમય બગાડ્યા વિના તેને CPR આપો અને તેને તાત્કાલિક ઈમરજન્સી મેડિકલ કેરમાં લઈ જાઓ.

બાબા સિદ્દીકી અને સલમાન બાદ લોરેન્સ ગેંગના નિશાના પર છે આ સ્ટાર કોમેડિયન