જૂનાગઢ જિલ્લામાં દલિત યુવક પર અત્યાચાર, વીડિયો વાયરલ

જૂનાગઢઃ રાજ્યમાં દલિતો પર અત્યાચારનો વધુ એક મામલો સામે આવ્યો છે. આ ઘટના જૂનાગઢ જિલ્લાના ભેંસાણના મેંદપરા ગામે બની છે. એક યુવકને જાનવરની જેમ ચલાવાયો હતો. આ સમગ્ર ઘટનાનો વીડિયો સામે આવ્યો છે. આ વીડિયો સામે આવ્યા બાદ બે વ્યક્તિ વિરુદ્ધ એટ્રોસિટીની ફરિયાદ નોંધાઇ છે. તેના પર જાતિ વિરુદ્ધ ટિપ્પણી કરીને મારમારવાનો આરોપ લગાવાયો છે. 

આરોપ લગાવી માર્યો માર
પ્રાપ્ત વિગત અનુસાર આ દલિક યુવક રીક્ષા ચલાવે છે. તેના પર મુકેશ રાઠોડે કારખાનામાં કામ કરતી યુવતીની છેડતીનો આક્ષેપ કર્યા બાદ માર માર્યો હતો. ત્યારબાદ તેને રસ્તા પર પશુની જેમ ચલાવવામાં આવ્યો હતો. આ મામલે કારખાનાના માલિક કૌશિક પટેલ અને તરૂણ પટેલ વિરુદ્ધ ફરિયાદ નોંધવામાં આવી છે. 

શું છે વાયરલ વીડિયોમાં
આ વીડિયોમાં જોઈ શકાય છે કે દલિત યુવક મુકેશને ચાર પગે ચલાવામાં આવે છે. આ દરમિયાન કારખાનેદાર દ્વારા તેના માર મારવામાં આવે છે. આ વીડિયોમાં કેટલિક મહિલાઓ અને પુરૂષ પણ દેખાઈ છે. 

જુઓ વીડિયો