ગુજરાતમાં કોણ લાવી રહ્યું છે ફરીથી કોરોના? આ લોકોથી બચીને રહેજો

RTPCR Compulsory At Gujarat Airports : ગુજરાતમાં સતત વધી રહેલા કોરોનાના કેસ હવે ચિંતા જગાવી રહ્યાં છે. જેને કારણે કોરોનાની નવી ગાઈડલાઈન બહાર પાડવામા આવી છે. ગુજરાતમાં વધતા કોરોનાને કેસોને કારણે આંતરરાષ્ટ્રીય મુસાફરો માટે નવી ગાઈડલાઈન્સ જાહેર કરાઈ છે. નવી ગાઈડલાઈન મુજબ, ચીન, સિંગાપોર, હોંગકોંગ, કોરિયા, થાઈલેન્ડ અને જાપાનથી આવનાર મુસાફરો માટે નવા નિયમો મૂકાયા છે. આ આદેશ અનુસાર, આ દેશોમાંથી આવનાર મુસઆફરો માટે આરટીપીસીઆર નેગેટિવ રિપોર્ટ હોવો જરૂરી છે. નેગેટિવ રિપોર્ટને જ એરપોર્ટ સુવિધા પોર્ટલ પર અપલોડ કરવાનો રહેશે. ગુજરાત સ્વાસ્થય વિભાગ દ્વારા અમદાવાદ અને સુરત એરપોર્ટ પર આ ગાઈડલાઈન જાહેર કરાઈ છે. 

માર્ચ મહિનામાં કોરોનાના કેસ વધ્યા
ગુજરાતમાં આંતરરાષ્ટ્રીય મુસાફરો માટે ગાઈડલાઈન જાહેર કરી છે. કોરોનાના કેસને લઈ સરકારે ગાઈડલાઈન બહાર પાડી છે. આ ગાઈડલાઈન માત્ર 6 દેશોથી આવતા મુસાફરો માટે જ છે. ચીન, સિંગાપુર, હોંગકોંગ, કોરિયા, થાઇલેન્ડ અને જાપાનથી આવનાર મુસાફરો માટે ગાઈડલાઈન બહાર પાડવામા આવી છે. જે મુજબ, પ્રવાસીઓએ ફરજિયાત RTPCRનો નેગેટિવ રિપોર્ટ બતાવવો પડશે. એર સુવિધા પોર્ટલ પર નેગેટિવ રિપોર્ટ અપલોડ કરવાનો રહેશે. આરોગ્ય વિભાગનો અમદાવાદ અને સુરત એરપોર્ટ ડાયરેક્ટરને પત્ર લખ્યો છે. 

ગુજરાત હાઈકોર્ટે કેજરીવાલને દંડ ફટકાર્યો, પીએમ મોદીના ડિગ્રીની માંગી હતી કોપી

બહારથી આવેલા 32 મુસાફરો કોરોના લઈ આવ્યા
આરોગ્ય વિભાગના અધિક નિયામક ડો.નિલમ પટેલે આ ગાઈડલાઈન અંગે કહ્યું કે, કોરોનાનો વેવ જાન્યુઆરી ફેબ્રુઆરીમા ઘટી ગયો હતો. ફેબ્રુઆરી મહિનામાં માત્ર ૨૮ કેસ હતા. પરંતું માર્ચ મહિનામાં કોરોનાના કેસ વધારો જોવા મળ્યો છે. હાલ સૌથી વધુ ૪૦૨ કેસ આવ્યા છે. ભારત સરકારની ગાઈડલાઈન મુજબ કામગીરી ચાલુ છે. મુખ્યમંત્રીની અધ્યક્ષતામાં બેઠક યોજાઇ હતી. જિલ્લા કોર્પોરેશન મુજબ સમીક્ષા કરાઈ છે. ટેસ્ટિંગનુ પ્રમાણ ભારત સરકાર મુજબ કરાય છે. ફ્લુના કેસોનુ પણ મોનિટરીંગ કરી રહ્યાં છીએ. ફ્લુથી દૂર રહેવા માટે લોકોએ ભીડવાળી જગ્યાઓ પર ન જવુ અને જવુ હોય તો માસ્ક પહેરવું. આંતરરાષ્ટ્રીય પ્રવાસીઓ પર કેન્દ્ર સરકારની ગત ડિસેમ્બરમાં ગાઈડલાઈન બહાર પાડવામાં આવી હતી. તેનો અમલ ગુજરાતમાં કરાયો છે. જાન્યુઆરીથી માર્ચ દરમિયાનના ત્રણ માસમાં 2 લાખ મુસાફરો ગુજરાતમાં આવ્યા છે, જેમાં 32 મુસાફરો કોરોનાના પોઝિટિવ આવ્યા છે. 

ગુજરાતમાં કોરોના વાયરસનો ખતરો વધી રહ્યો છે, જેના કારણે રાજ્ય સરકારે પણ સમીક્ષા બેઠક કરી છે. ત્યારે ગુજરાતમાં કોરોનાના નવા 381 કેસ નોંધાયા છે. રાજ્યમાં કોરોનાના કારણે એક દર્દીનું મોત થયું છે. કચ્છમાં આજે એક દર્દી કોરોના સામેનો જંગ હારી ચૂક્યો છે. જ્યારે સૌથી વધુ કેસ અમદાવાદમાં નોંધાયા છે. અમદાવાદમાં આજે કોરોનાના 123 કેસ છે. રાજ્યમાં કોવિડ 19થી સાજા થવાનો રેસિયો 98.96 ટકા નોંધાયો છે.

આબુ ફરવા જનારા ગુજરાતીઓને મોટો ઝટકો, આજ રાતથી વધી જશે તમારું ફરવાનું બજેટ

જોકે, ગાંધીનગર સ્થિત જીબીઆરસી (ગુજરાત બાયોટેકનોલોજી રિસર્ચ સેન્ટર) ખાતે એક મિહનામં 565 દર્દીઓના જીનોમ સિકવન્સ થયા હતા, જેમાંથી 46 ટકા દર્દીઓમાં XBB.1.16 વાયરસ જોવા મળ્યો છે. એટલે કે 262 દર્દીઓમાં XBB.1.16 વાયરસ મળી આવ્યો છે. આ વાયરલ ડેલ્ટાનો જ વેરિયન્ટ છે. 

આરોગ્ય વિભાગ પાસેથી મળેલી માહિતી અનુસાર, XBB.1.16 વેરિયન્ટનો પ્રથમ કેમ મહારાષ્ટ્રમાં જોવા મળ્યો હતો. ગુજરાતમાં અતાયર સુધી આ વેરિયન્ટના 333 કેસ જોવા મળ્યા છે. XBB.1.16 વાયરસ કોરોનાનો સૌથી વધુ ચેપી હોવાનું એક્સપર્ટસનું કહેવું છે. 

40 ટકા એક્ટિવ કેસ માત્ર અમદાવાદમાં
રાજ્યમાં 15 દિવસમાં કોરોનાના ઢગલાબંધ કેસ નોંધાય છે. જેમાંથી સૌથી વધુ કેસ અમદાવાદમાં છે. 29 માર્ચે ગુજરાતમાં 2247 એક્ટિવ કેસ નોંધાયા છે. જેમાં માત્ર અમદાવાદમાં જ 908 કેસ છે. જે આખા ગુજરાતના 40 ટકા છે. 

જુનિયર ક્લાર્કની પરીક્ષાના કોલ લેટરને લઈને બે મોટા અપડેટ આવ્યા

રાજ્યમાં હાલ કુલ દર્દીઓની વિગતની વાત કરીએ તો કુલ 2247 કોરોનાના એક્ટિવ કેસ છે. જેમાંથી 6 વેન્ટીલેટર પર છે અને 2241 દર્દીઓની હાલત સ્ટેબલ છે. રાજ્યમાં 1268563 દર્દીઓ ડીસ્ચાર્જ થઈ ચૂક્યા છે, જ્યારે 11054 લોકોના મોત થયા છે.

રાજ્યમાં આજે નોંધાયેલા કોરોના કેસની વાત કરીએ તો અમદાવાદમાં 3, અમદાવાદ કોર્પોરેશનમાં 120, અમરેલી 7, આણંદ 9, અરવલ્લી 1, બનાસકાંઠા 3, ભરૂચ 8,  ભાવનગર કોર્પોરેશન 3, બોટાદ 2, છોટાઉદેપુર 1, દાહોદ 1, ગાંધીનગર 3, ગાંધીનગર કોર્પોરેશન 6, ગીર સોમનાથ 3, જામનગર 2, જૂનાગઢ કોર્પોરેશન 2, ખેડા 2, કચ્છ 2, મહીસાગર 1, મહેસાણા 25, મોરબી 35, નવસારી 5, પાટણ 5, પોરબંદર 3, રાજકોટ 23, રાજકોટ કોર્પોરેશન 14, સાબરકાંઠા 11, સુરત 5, સુરત કોર્પોરેશન 32, સુરેન્દ્રનગર 2, વડોદરા 18, વડોદરા કોર્પોરેશન 20 અને વલસાડ 4 એમ કુલ 381 કેસ નોંધાયા છે.

આજ રાતથી દેશના તમામ હાઈવેના ટોલ ટેક્સમાં વધારો થશે, આટલા રૂપિયા વધુ ચૂકવવા પડશે