AAP ગુજરાતના 10 કોર્પોરેટર્સે પડખું ફેરવી લેતા ઈસુદાન ગઢવીએ ગિન્નાયા, જાણો શું કહ્યું

Isudan Gadhvi : સુરત આમ આદમી પાર્ટીમાં મોટું ભંગાણ સર્જાયું છે. જેથી ગુજરાતમાં રાજકીય ઉથલપાથલ જોવા મળી રહી છે. સુરતમાં AAP ના 10 કોર્પોરેટરોએ કેસરિયો ધારણ કરતા ખળભળાટ મચી ગયો છે. પહેલાં 4 અને હવે વધુ 6 કોર્પોરેટરના રાજીનામા આપ્યા છે. આમ, કુલ 10 કોર્પોરેટરોએ કેસરિયા કર્યાં છે. ગૃહરાજ્ય મંત્રી હર્ષ સંઘવીની હાજરીમાં તમામ 10 કોર્પોરેટરોએ ખેસ પહેર્યો છે. ત્યારે આ મુદ્દે ઈસુદાન ગઢવીએ કહ્યું કે, અમારા કોર્પોરેટરોને લોભ-લાલચ આપવામાં આવી છે. ભાજપ આમ આદમી પાર્ટીથી ડરી ગઈ છે.

મહત્વનું છે કે થોડા સમય અગાઉ ભાજપના 4 કોર્પોરેટરે રાજીનામા આપ્યા હતા. હવે વધુ 6 કોર્પોરેટરે આપથી કંટાળીને રાજીનામા ધરી દીધા છે. ત્યારે ઉધનામાં આવેલા ભાજપના કાર્યાલય ખાતે હર્ષ સંઘવી સહિતના નેતાઓની હાજરીમાં આ તમામ 10 કોર્પોરેટરોએ ભાજપને ખેસ ધારણ કરી લીધો છે. 

આજથી ગુજરાતમાં મકાન ખરીદવું મોંઘું બનશે, નવી જંત્રીનો અમલ આજથી લાગુ

અગાઉ કોણે રાજીનામા આપ્યા હતા તેવી વાત કરીએ તો 

• વોર્ડ નં 2ના ભાવનાબેન સોલંકી 
• વોર્ડ નં 3ના રૂતાબેન ખેની
• વોર્ડ નં 8ના જ્યોતિબેન લાઠિયા
• વોર્ડ નં 16ના વિપુલ મોવલિયા

વધુ જે 6 કોર્પોરેટરે રાજીનામા આપ્યા છે તેમના નામની વાત કરીએ તો, 

• વોર્ડ નં 4ના ઘનશ્યામ મકવાણા 
• વોર્ડ નં 4 ધર્મેન્દ્ર વાવલિયા 
• વોર્ડ નં 5 અશોક ધામી 
• વોર્ડ નં 5 કિરણ ખોખાણી 
• વોર્ડ નં 5નિરાલી પટેલ 
• વોર્ડ નં 17 સ્વાતિ ક્યાડા 

ઈસુદાનના ભાજપ પર પ્રહાર
સુરતમાં AAPના 10 કોર્પોરેટરો ભાજપમાં જોડાયા તે અંગે ગુજરાત AAPના પ્રદેશ અધ્યક્ષ ઈસુદાન ગઢવીએ જણાવ્યું કે, અમારા કોર્પોરેટરોને લોભ-લાલચ આપવામાં આવી છે. ભાજપ આમ આદમી પાર્ટીથી ડરી ગઈ છે. ભાજપ પાસે ભ્રષ્ટાચારના કરોડો રૂપિયા હોવાનો ઈસુદાન ગઢવીએ આરોપ લગાવ્યો. તો સાથે જ કહ્યુ કે, અમારા નબળા, પોચા મનના લોકોને ડરાવવામાં આવી રહ્યાં છે. આમ આદમી પાર્ટીને ખતમ કરવાનું કાવતરું રચવામાં આવ્યું.