આયુષ્યમાન લઈને આવી રહ્યો છે જબરદસ્ત ફિલ્મ, વિવાદાસ્પદ વાર્તામાં કોમેડીનો વઘાર

મુંબઈ : 2017માં રિલીઝ થયેલી આયુષ્યમાન ખુરાનાની ફિલ્મ શુભ મંગલ સાવધાને બોક્સઓફિસ પર જબરદસ્ત ધમાલ મચાવી હતી. આ ફિલ્મમાં આયુષ્યમાનની સાથે ભુમિ પેડનેકર જોવા મળી હતી. આ બંનેની કેમિસ્ટ્રી લોકોને બહુ પસંદ પડી હતી. હવે આ ફિલ્મની સિક્વલન વિશે સમાચાર આવી રહ્યા છે. આજે સવારે ફિલ્મના નિર્માતાઓએ સત્તાવાર જાહેરાત કરીને જાણકારી આપી છે કે આ સિક્વલ શુભ મંગલ ઝ્યાદા સાવધાન આવતા વર્ષે રિલીઝ થઈ રહી છે. આ ફિલ્મને આનંદ એલ રોય પ્રોડ્યુસ કરશે અને એનું ડિરેક્શન હિતેશ કેવલયા કરી રહ્યા છે. 

તારક મહેતા કા ઉલ્ટા ચશ્માના એક્ટર પર તુટ્યો દુખનો પહાડ, રમકડું ગળી જતા 2 વર્ષની દીકરીનું મોત

મળતી માહિતી પ્રમાણે આ ફિલ્મ સમલૈંગિક સંબંધો પર આધારિત હશે. આ ફિલ્મમાં આયુષ્યમાન એવા છોકરાનો રોલ કરી રહ્યો છે જેને બીજા છોકરા સાથે પ્રેમ થઈ જાય છે. હાલમાં આ ફિલ્મનું ટીઝર પણ લોન્ચ કરવામાં આવ્યું છે. આ ટીઝર જોઈને જ ખ્યાલ થઈ જાય છે કે આ વિવાદાસ્પદ વાર્તામાં કોમેડીનો વઘાર કરવામાં આવ્યો છે. આ ફિલ્મ આવતા વર્ષે વેલેન્ટાઇન્સ ડેના દિવસે થિયેટરમાં રિલીઝ થશે. 

મૂળ ફિલ્મ શુભ મંગલ સાવધાનમાં આયુષ્યમાને શીઘ્રપતન જેવા મુદ્દા પર ખુલીને વાત કરી છે. આ ફિલ્મમાં આયુષ્યમાન અને ભુમિ સિવાય વિજેન્દ્ર કાલા અને સીમા પાહવા જેવા સ્ટાર્સ હતા. આ ફિલ્મને લગભગ 22થી 25 કરોડ રૂપિયાના બજેટમાં બનાવવામાં આવી હતી અને એણે વર્લ્ડવાઇડ 64 કરોડ રૂપિયા કરતા વધારે કમાણી કરી હતી. 

બોલિવૂડના સમાચાર જાણવા માટે કરો ક્લિક...