સારાએ છોડી ‘લવ આજકલ’ની સિક્વલ, કાર્તિક આર્યન છે કારણ ?

મુંબઈ : બોલિવૂડ એક્ટ્રેસ સારા અલી ખાન વિશે એવી ચર્ચા હતી કે તે 2009માં આવેલી ફિલ્મ ‘લવ આજ કલ’ની સીક્વલમાં હશે. આ ઉપરાંત તેના પિતા સૈફ અલી ખાન પણ સારાના રીલ ફાધર તરીકે જોવા મળશે. જોકે, પછી એ સ્પષ્ટ થયું કે સૈફ આ ફિલ્મનો ભાગ નહી હોય. હવે એવું કહેવામાં આવે છે કે સારા આ ફિલ્મ નહી કરે.

મીડિયા રિપોર્ટ્સ અનુસાર ફિલ્મ ‘કેદારનાથ’ અને ‘સિંબા’ કર્યા પછી સારા પાસે ઈમ્તિયાઝ અલીની ફિલ્મ ‘લવ આજ કલ 2’નો પ્રસ્તાવ આવ્યો હતો. એવા ન્યૂઝ પણ હતાં કે સારા સામે આ ફિલ્મમાં કાર્તિક આર્યન કામ કરશે. તેના પિતાની ભૂમિકા રિયલ લાઈફ ફાધર અને એક્ટર સૈફ અલી ખાન કરશે. રિપોર્ટ્સ અનુસાર સારા હવે આ ફિલ્મ નથી કરવાની. એવું કહેવામાં આવી રહ્યું છે કે સારાને આ ફિલ્મની સ્ક્રિપ્ટ પસંદ ન આવી. જોકે, હવે તે ઈમ્તિયાઝ અલી સિવાય અન્ય પ્રોજેક્ટ્સ વિશે વિચારી રહી છે. જોકે એક ચર્ચા એવી છે કે આ ફિલ્મમાં કાર્તિક આર્યન લિડ રોલ કરી રહ્યો હોવાના કારણે સારાએ આ ફિલ્મ છોડવાનો નિર્ણય કર્યો છે. 

જે ગર્લફ્રેન્ડ માટે અર્જુને રાતોરાત છોડી દીધો આટલો પ્રેમાળ પરિવાર એ છે સુપરહોટ, જુઓ PIC

હકીકતમાં સારા અલી ખાને કોફી વિથ કરણ પર જાહેરાત કરી હતી કે તે કાર્તિક આર્યનને ડેટ કરવા માંગે છે. સિમ્બાની અભિનેત્રીએ કહ્યું કે તે રાહ જોઈ રહી છે કે કાર્તિક આર્યન ક્યારે તેને ડેટ પર લઈ જાય. બીજી બાજુ કાર્તિક આર્યને સારા સાથે કોફી પીવા જવાની હા પાડી હતી અને સારાનો ફોન નંબર માંગ્યો હતો. હવે સારા એ બીજો ધડાકો કર્યો છે કે તે કાર્તિકને ઈન્સ્ટાગ્રામ પર મેસેજ નહિં કરે કારણ કે તેની માતાએ તેને આમ કરવાની ના પાડી છે. સારાએ તાજેતરમાં આપેલા ઈન્ટરવ્યુમાં કહ્યું- “હું તેને ઈન્સ્ટાગ્રામ પર મેસેજ નથી કરતી. ના ના ના… કેટલી વાર? મેં બધે જ કહ્યું છે. હું એટલી ડેસ્પરેટ નથી. મમ્મીએ કહ્યું કે મારે રાહ જોવી જોઈએ એટલે હું રાહ જોઈ રહી છું.”

આ સમાચાર પછી એક્ટર રણવીર સિંહે સારા અને કાર્તિકની જોડી બનાવવાનો નિર્ણય કર્યો હતો. હાલમાં જ એક ઈવેન્ટ દરમિયાન રણવીરની મુલાકાત કાર્તિક આર્યન સાથે થઈ. તેણે કાર્તિકને વિશ કર્યુ અને તેના કાનમાં કંઈક કહ્યું અને હાથ પકડીને સારા પાસે લઈ ગયો. સારા પાસે આવીને તેણે સારાનો હાથ પકડ્યો અને કાર્તિકના હાથમાં આપીને કહ્યું, ફાઈનલી યુ ગાઈઝ હેવ મેટ અને બાદમાં તેણે પાતાના હાથ દ્વારા હાર્ટની સાઈન કરી. આ જોઈને કાર્તિક અને સારા પણ શરમાઈ ગયા. આ સમગ્ર ઘટનાનો વીડિયો એક ઈન્સ્ટાગ્રામ પેજ પર શેર કરવામાં આવ્યો હતો. જોકે, બોલિવૂડમાં ચાલતી ગોસિપ અનુસાર કાર્તિક આર્યન અને અનન્યા પાંડે (ચંકી પાંડેની દીકરી) વચ્ચે ખીચડી રંધાઈ રહી છે. તે બંને ડેટ નાઈટ પર જતા હતા ત્યારે કેમેરામાં ઝડપાઈ ગયા હતા. બંનેએ ન્યુ યરની ઉજવણી પણ સાથે જ કરી હતી.

બોલિવૂડના સમાચાર જાણવા માટે કરો ક્લિક...