ખળભળાટ મચ્યો: ટીવી અભિનેત્રીનો ખુલાસો, એકવાર ટીચરે મારી સાથે ગંદુ કૃત્ય કર્યું હતું અને પછી...

નવી દિલ્હીઃ ટીવી એક્ટ્રેસ દેવોલિના ભટ્ટાચાર્જી (Devoleena Bhattacharjee) એક્ટિંગ સાથે સ્પષ્ટવક્તા માટે જાણીતી છે. તે દરેક મુદ્દા પર ખુલીને વાત કરે છે. હવે તેણે પોતાની સાથે બનેલી એક એવી ઘટના વિશે વાત કરતા ખળભળાટ મચ્યો છે. જેને સાંભળીને કદાચ તમારા પણ હોંશ ઉડી જશે. દેવોલીનાએ જણાવ્યું કે એકવાર ટીચરે તેની સાથે ગંદું કૃત્ય કર્યું હતું. તે શિક્ષકની પોલીસમાં ફરિયાદ કરવા માંગતી હતી પરંતુ તે કરી શકી નહોતી, કારણ કે માતાપિતા ઇચ્છતા ન હતા.

વીડિયો થઈ રહ્યો છે વાયરલ
જોકે, 'લેડીઝ વર્સીજ જેન્ટલમેન સીઝન 2'ના એક પ્રમોશનલ વીડિયો વાયરલ થઈ રહ્યો છે, જેમાં દેવોલિના (Devoleena Bhattacharjee)એ આ ઘટનાનો ઉલ્લેખ કર્યો છે. વીડિયોમાં દેવોલીનાએ જણાવ્યું કે, 'તે ગણિતના ખૂબ સારા શિક્ષક હતા. બધા વિદ્યાર્થીઓ ત્યાં ટ્યુશન ભણવા જતા. મારા બે સારા મિત્રો પણ ત્યાં જતા. પરંતુ તેણે એક અઠવાડિયા પછી અચાનક જવાનું બંધ કરી દીધું. મને સમજાતું નથી કે તેઓએ આવું શા માટે કર્યું.

મિત્રોએ ટ્યુશન છોડી દીધું હતું
દેવોલિના (Devoleena Bhattacharjee)એ આગળ જણાવ્યું કે, 'હું એક અઠવાડિયા પછી ગઈ ત્યારે તેણે (શિક્ષક) મારી સાથે ગંદું કામ કર્યું. ઘરે ગયા પછી મેં મારી માતાને જણાવ્યું. પછી અમે બધા સરના ઘરે ગયા અને તેમની પત્નીને ફરિયાદ કરી. પણ હું મોટું એક્શન લેવા માંગતી હતી, કારણ કે કદાચ મારા બે મિત્રો સાથે પણ આવું જ થયું હતું, જેના કારણે તેઓએ ટ્યુશન જવાનું બંધ કરી દીધું હતું.

વાલીઓએ પોલીસમાં ફરિયાદ કરી ન હતી
તેણેએ વધુમાં જણાવ્યું હતું કે, 'મારા મિત્રોએ મને કહ્યું નહીં કે તેઓએ ટ્યુશનમાં જવાનું કેમ બંધ કર્યું. કદાચ તેઓએ વિચાર્યું હશે કે સમાજ શું કહેશે? લોકો શું વિચારશે? મારો પરિવાર પણ આવું જ વિચારતો હતો. એટલા માટે તે પોલીસ પાસે ગયો ન હતો કે ન તો કોઈ કડક કાર્યવાહી કરી હતી. પરંતુ આજે મને લાગે છે કે હવે મારે મારા માટે ઊભા થઈને પગલાં લેવા પડશે. મારી સમાજ અને માતા-પિતાને પણ એક સલાહ છે કે જ્યારે પણ તમારા બાળકો સાથે આવું કંઇક બને તો કૃપા કરીને પગલાં લો.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube