Railway મંત્રાલય ડીઝલનો વપરાશ ઘટાડવા માટે 2023-24 સુધીમાં સંપૂર્ણ રેલ્વે રૂટનું 100% વીજળીકરણ કરશે

નવી દિલ્હી: રેલવે (Railway) મંત્રાલય ડીઝલ (Diesel) નો વપરાશ ઘટાડવા માટે 2023-24 સુધીમાં સંપૂર્ણ રેલવે રૂટનું 100% વીજળીકરણ કરવાનું વિચારે છે. દર 100 આરકેએમના વિદ્યુતકરણના પરિણામે વાર્ષિક ચાર મિલિયન લિટર ડીઝલની બચત થશે. સંપૂર્ણ ભારતીય રેલવે રૂટનું સંપૂર્ણ વીજળીકરણ વિદેશથી આયાત કરવામાં આવતી ડીઝલ (Diesel) ની પરાધીનતાને ઘટાડશે અને ગ્રીનહાઉસ વાયુઓ અને વાયુ પ્રદૂષણના ઉત્સર્જનમાં પણ મદદ કરશે. વીજળીકરણથી ગુડ્સ અને મુસાફર ટ્રેનોનું સંચાલન સુધરશે, જે વધારે ક્ષમતાને કારણે હશે. 

ઇલેક્ટ્રિક (Electric) એન્જિનના ઉત્તમ ગતિ નિયંત્રણ સાથે, ગુડ્સ અને મુસાફર ટ્રેનો (Trains) નો સરેરાશ દોડવાનો સમય ઘટાડવામાં આવશે. રેલ્વે સંપત્તિનો મહત્તમ ઉપયોગ સુનિશ્ચિત કરવામાં આવશે. વિધુતીકરણના પરિણામ સ્વરૂપ દરિયાકાંઠે ઈલેકટ્રીક સ્થાનો દ્વારા પુનર્જીવન ને લીધે વીજળી નો બચાવ થશે.

Railway News: મુસાફરોની માંગ અને સુવિધા માટે દોડાવાશે વધુ 7 સ્પેશિયલ ટ્રેનો

2023-24 સુધીમાં સંપૂર્ણ વીજળીકરણના લક્ષ્યાંકને પહોંચી વળવા રેલવે ઇલેક્ટ્રિફિકેશન યુનિટ અમદાવાદ (Ahmedabad) સખત મહેનત કરી રહ્યું છે. આ દિશામાં, રાજકોટ-હાપા વિભાગમાં વીજળીકરણનું કામ પૂર્ણ થયું હતું અને સીઆરએસ અધિકૃતતા મેળવી લેવામાં આવી હતી.

હવે રાજકોટ ડિવિઝનના હાપા-ભાટિયા વિભાગ 109 આરકેએમ, 133 ટીકેએમ સાથે વીજળીકરણનું કામ પૂર્ણ થયું છે. હાપા-ભાટિયા વિભાગની સીઆરએસ નિરીક્ષણ 18.03.2021 અને 19.03.2021 ના ​​રોજ હાથ ધરવામાં આવ્યું હતું અને 19.03.2021 ના ​​રોજ ઇલેક્ટ્રિક લોકો સાથેની ગતિ પરીક્ષણ પૂર્ણ થયું હતું.

આ ટ્રેનો ડાયવર્ટ રૂટ ઉપર દોડશે તો ગાંધીનગર અને કલોલ રેલ્વે ક્રોસિંગ રહેશે બંધ

રાજકોટ (Rajkot) વિભાગના આ વિભાગમાં લગભગ 05 સાઈડિંગ છે. હાપા-ભાટિયા વિભાગના વીજળીકરણનું કામ પૂર્ણ કરીને તે ઇલેક્ટ્રિક ટ્રેક્શન દ્વારા કનેક્ટિવિટી પ્રદાન કરશે જેના સ્વરૂપ પરિવહન ક્ષમતામાં વધારો થશે જે રેલવેની આવકમાં વધારો કરશે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube