એક ભારતીય અબજોપતિએ લંડનમાં ખરીદ્યું સૌથી મોંઘુ ઘર! કિંમત જાણીને તમે પણ ચોંકી જશો

London Mansion News: બ્રિટનની રાજધાની લંડનમાં એક ભારતીય અબજોપતિએ એવો આલીશાન બંગલો ખરીદ્યો છે કે બંગલાની ભવ્યતા જોઈને તમારું માથું ચકરાઈ જશે. આ બંગલામાં દરેક સુવિધા છે જે વ્યક્તિની લક્ઝરી લાઈફ માટે જરૂરી છે. આ બંગલાની ચર્ચા એટલા માટે પણ થઈ રહી છે કારણ કે તેનું લોકેશન ઘણું સારું છે. મીડિયા રિપોર્ટ્સ અનુસાર, આ આલીશાન બંગલો લંડનના બકિંગહામ પેલેસથી થોડા કિલોમીટર દૂર છે. તમને જણાવી દઈએ કે આ બંગલો ભારતીય અબજોપતિ રવિ રુઈયાએ ખરીદ્યો છે. તેની કિંમત 1200 કરોડ રૂપિયા છે.

 
ભારતીય અબજોપતિઓનું પ્રિય સ્થળ છે લંડન 

લંડન ભારતના ઘણા અબજોપતિઓનું પ્રિય સ્થળ છે. લક્ષ્મી નિવાસ મિત્તલથી લઈને અનિલ અગ્રવાલ પણ લંડનમાં રહે છે. હવે તેમાં વધુ એક ભારતીય ઉદ્યોગપતિનું નામ જોડાઈ ગયું છે, ભારતીય અબજોપતિ રવિ રુઈયાનું આગામી ડેસ્ટિનેશન લંડન બનવા જઈ રહ્યું છે. Essar ગ્રુપના માલિક રવિ રુઈયાએ બકિંગહામ પેલેસ પાસે પોતાનો ડ્રીમ પેલેસ ખરીદ્યો છે. સમાચાર મુજબ, આ આલીશાન બંગલો રવિ રુઈયાએ એન્ડ્રી ગોંચરેન્કો પાસેથી ખરીદ્યો છે. પ્રોપર્ટી ઇન્વેસ્ટર એન્ડ્રી ગોંચરેન્કો એક રશિયન કંપની છે.

145 મિલિયન ડોલર 

રવિ રુઈયાનો 1200 કરોડનો બંગલો લંડનના 150 પાર્ક રોડ પર સ્થિત છે, જેનું નામ હેનોવર લોજ મેન્શન છે. રવિ રુઈયાએ આ બંગલાના સમગ્ર સોદા માટે 113 મિલિયન પાઉન્ડ એટલે કે 145 મિલિયન ડોલરનો ખર્ચ કર્યો છે. તમને જાણીને આશ્ચર્ય થશે કે હેનોવર લોજ તેમાંથી એક છે જે લંડનની સૌથી મોંઘી ખાનગી રહેણાંક મિલકત હોવાનું કહેવાય છે. રવિ રુઈયાનો બંગલો બકિંગહામ પેલેસથી થોડી મિનિટો દૂર છે. આ બંને વચ્ચે માત્ર 5.31 કિલોમીટરનું અંતર છે. અગાઉ આ બંગલાની માલિકી પ્રોપર્ટી રોકાણકાર ગોંચરેન્કો પાસે હતી.

આ પણ વાંચો:
દેશના આ રાજ્યોમાં હજી 5 દિવસ ચાલશે મેઘતાંડવ, હવામાન વિભાગે કરી ભયંકર વરસાદની આગાહી
બુધના રાશિ પરિવર્તનથી આ 3 રાશિના લોકોને થશે સૌથી મોટો લાભ, ઓક્ટોબર સુધી સમય અતિશુભ
ખૂબ જ કામનો છે તીખા લાલ મરચાંનો ટોટકો, કિસ્મત મારી શકે છે ગુલાંટી
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube