ક્યારે ઘટશે Petrol-Diesel ના ભાવ? પેટ્રોલિયમ મિનિસ્ટરે આપ્યો આ જવાબ

નવી દિલ્હીઃ પેટ્રોલિયમ મંત્રી ધર્મેન્દ્ર પ્રધાન (Dharmendra Pradhan) એ પેટ્રોલ અને ડીઝલ (Petrol-diesel) ના વધતા ભાવ પર કહ્યુ કે, આવુ આંતરરાષ્ટ્રીય બજારમાં આવેલી તેજીથી થયું છે. તેમણે એક ન્યૂઝ ચેનલ સાથે વાત કરતા કહ્યું કે, જ્યારે કોરોના આવ્યો તો દુનિયામાં ડિમાન્ડ ઘટી ગઈ. સપ્લાઈ બંધ થઈ ગઈ. છ મહિના પહેલા ઓપેકે દાવો કર્યો હતો કે જાન્યુઆરીમાં સપ્લાઈ વધારી દેશું. તેનાથી વિપરીત તેણે સપ્લાઈ ઘટાડી દીધી. છ-આઠ મહિના પહેલા જે પ્રોડક્શન લેવલ હતું, તેને પણ ઘટાડી દેવામાં આવ્યું. આ ડિમાન્ડ-સપ્લાઈનો મુદ્દો છે. આ કારણે ભારતમાં ભાવ વધારો થયો છે. 

પેટ્રોલમિયમ મિનિસ્ટરે કહ્યુ, કાચા તેલના રિફાઇનિંગ ખર્ચ સિવાય વિકાસના કામો માટે પણ પૈસાની કમી હતી. જનકલ્યાણ વિકાસ માટે સંસાધન જોઈએ. તેના કારણે સેસ લગાવવામાં આવ્યો. અમે પ્રોડક્શન કરતા દેશોને કહ્યું છે કે ગ્રાહક દેશોના હિતનું વિચારે. તેને પર તે કોઈ પગલા ભરશે. 

આ પણ વાંચોઃ સરકાર મફતમાં આપે છે LPG કનેક્શન અને 1600 રૂપિયા, જાણો તમને કેવી રીતે મળશે?

બજેટમાં લાગેલા એગ્રીકલ્ચર સેસ પર પ્રધાને કહ્યુ, પ્રથમવાર થયું છે કે સેસ એગ્રીકલ્ચરમાં જાય, શું સિંચાઈ ન થવી જોઈએ, એમએસપીમાં વધારો ન થવો જોઈએ. પ્રથમવાર કિસાનોના હિતમાં પૈસા ખર્ચ થઈ રહ્યાં છે. તે માટે સરકારે રણનીતિ બનાવી છે. પ્રધાને કહ્યુ કે, 2012-13મા યૂપીએ સરકારે 33 હજાર કરોડની એમએસપી આપી હતી જે આ વર્ષે 1 લાખ 75 હજાર કરોડ રૂપિયા થઈ ગઈ છે. આ સ્થિતિ કઠોળ અને ડાંગરની છે. આ પૈસા કિસાનોના ખાતામાં ગયા. આ સિવાય કિસાન સન્માન નિધિ હેઠળ કરોડો કિસાનોને છ હજાર રૂપિયા આપવામાં આવ્યા. 

આ પણ વાંચોઃ SBI YONO નો કરો છો ઉપયોગ તો આપો ધ્યાન, શરૂ થવા જઈ રહ્યા છે Super Saving Days

છતાં કિસાન આંદોલન કરી રહ્યાં છે, આ સવાલ પર પેટ્રોલિયમ મિનિસ્ટરે કહ્યુ કે, અનાજનો પાક આંધ્ર પ્રદેશ, ઓડિશાથી પણ ખરીદવામાં આવ છે. ઘઉં યૂપીથી પણ આવે છે. તેથી તે કહેવું ખોટુ છે કે માત્ર પંજાબથી ખરીદી કરવામાં આવી રહી છે. 

ખેડૂત આંદોલન પર વધુ સમાચારો વાંચવા માટે કરો ક્લિક...

કોરોના વાયરસ પર તમામ સમાચારો જાણવા માટે કરો ક્લિક...

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube