New PF withdrawal rule: EPFOમાંથી રૂપિયા ઉપાડવાના બદલાઈ ગયા નિયમો, 1 એપ્રિલથી લાગુ થશે

નવી દિલ્હીઃ જો તમે પણ પીએફ ખાતાધારક છો, તો તમને જણાવી દઈએ કે 1 એપ્રિલ, 2023થી સરકારે EPFમાંથી પૈસા ઉપાડવાના નિયમોમાં ફેરફાર કર્યો છે. EPFOમાંથી ઉપાડને લઈને બજેટ 2023માં મોટો નિર્ણય લેવામાં આવ્યો હતો. નાણામંત્રી નિર્મલા સીતારમણે પ્રોવિડન્ટ ફંડમાંથી ઉપાડ અંગેના ટેક્સ નિયમોમાં ફેરફાર કર્યો છે. હવે જો PAN લિંક નથી, તો ઉપાડ દરમિયાન 30 ટકાને બદલે 20 ટકા TDS વસૂલવામાં આવશે. 

આ નિયમ 1 એપ્રિલ 2023થી લાગુ થશે. બદલાયેલા નિયમનો લાભ એવા પીએફ ધારકોને મળશે, જેમના PAN હજુ અપડેટ થયા નથી. વાસ્તવમાં જો કોઈ ખાતાધારક 5 વર્ષની અંદર પૈસા ઉપાડે છે, તો તેણે TDS ચૂકવવો પડશે. જ્યારે 5 વર્ષ પછી કોઈ TDS વસૂલવામાં આવતો નથી.

આ સિવાય બજેટ 2023માં TDS માટે 10,000 રૂપિયાની ન્યૂનતમ થ્રેશોલ્ડ મર્યાદા પણ દૂર કરવામાં આવી છે. જો કે, લોટરી અને પઝલના કિસ્સામાં રૂ. 10,000ની મર્યાદાનો નિયમ લાગુ રહેશે. નાણાકીય વર્ષમાં કુલ 10 હજાર જેટલી રકમ સુધી TDS કાપવામાં આવશે નહીં. ત્યાર બાદ TDS કપાશે.

જાણો શું છે નવા નિયમો
જે લોકો પાસે પાન કાર્ડ છે તેમણે ઓછો TDS ચૂકવવો પડશે. જો કોઈનું PAN કાર્ડ EPFOના રેકોર્ડમાં અપડેટ નથી થયું, તો તેણે 30% સુધી TDS ચૂકવવો પડશે. હવે તેને ઘટાડીને 20 ટકા કરી દેવામાં આવ્યો છે.

આ પણ વાંચોઃ ગુજરાતમાં જમીન અને મકાનોના વધી જશે ભાવ, રાજ્ય સરકારે લીધો મોટો નિર્ણય

TDS ક્યારે લેવામાં આવે છે
ઉપરોક્ત પરિસ્થિતિ સિવાય, જો કોઈ વ્યક્તિ EPFO ​​ખાતું ખોલ્યાના 5 વર્ષની અંદર પૈસા ઉપાડે છે, તો તેણે TDS ચૂકવવો પડશે. જો 50,000 રૂપિયાથી વધુની રકમ ઉપાડવામાં આવી રહી છે અને પાન કાર્ડ ઉપલબ્ધ હશે તો 10% TDS વસૂલવામાં આવશે, પરંતુ જો PAN ન હોય તો તેણે હવે 30%ને બદલે 20% TDS ચૂકવવો પડશે.

તમે PFના પૈસા ક્યારે ઉપાડી શકો છો?
પીએફ ખાતામાં જમા રકમ આંશિક અથવા સંપૂર્ણ રીતે ઉપાડી શકાય છે, તેને પીએફ ઉપાડ પણ કહેવાય છે. જ્યારે કર્મચારી નિવૃત્ત થાય અથવા સતત 2 મહિનાથી વધુ સમય સુધી બેરોજગાર રહે ત્યારે EPFની રકમ ઉપાડી શકાય છે. તે જ સમયે, મેડિકલ ઈમરજન્સી, લગ્ન, હોમ લોન પેમેન્ટ જેવા સંજોગોમાં આ ફંડમાં જમા રકમનો અમુક ભાગ અમુક શરતો હેઠળ ઉપાડી શકાય છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube