Income Tax Saving: 10 લાખ રૂપિયાની કમાણી બાદ પણ નહીં આપવો પડે ટેક્સ, ઉદાહરણથી સમજો

નવી દિલ્હીઃ કોરોના મહામારી અને લોકડાઉનની અસરો સામે ઝઝૂમી રહેલા કરદાતાઓને આગામી કેન્દ્રીય બજેટ 2022-23થી ઘણી આશાઓ છે. ઘણા લોકો એવી પણ અપેક્ષા રાખે છે કે નાણામંત્રી તેમના ટેક્સ બોજને ઘટાડવા માટે ટેક્સ સ્લેબમાં ફેરફાર કરે, જો કે આ માંગ દૂરની લાગે છે. જો આમ થશે તો કરદાતાઓને રાહત મળશે. પરંતુ, જો તેમ ન હોય તો પણ, વર્તમાન કર કાયદામાં એવી ઘણી જોગવાઈઓ છે જેનો યોગ્ય રીતે ઉપયોગ કરવામાં આવે તો કરના બોજને નોંધપાત્ર રીતે ઘટાડી શકાય છે.

જેઓ વર્ષે 10 લાખ રૂપિયા કમાય છે તેઓ પણ ઝીરો ટેક્સની યોજના બનાવી શકે છે. ધારો કે વ્યક્તિની પગારની આવક વાર્ષિક રૂ. 10 લાખ છે અને વ્યાજની આવક રૂ. 30,000 છે. સરળ શબ્દોમાં કહીએ તો, સ્ટાન્ડર્ડ ડિડક્શનના કારણે વાર્ષિક આવક ઘટીને રૂ. 9.7 લાખ કરપાત્ર આવક પર આવી જશે.

આ સિવાય કલમ 80સી હેઠળ ટેક્સ સેવિંગમાં રોકાણ કરી યોગ્ય આવકને 1.50 લાખ રૂપિયા સુધી ઓછી કરી શકે છે. કલમ 80CCD(1b) હેઠળ રાષ્ટ્રીય પેન્શન યોજનામાં રોકાણ કરી વધુ 50,000 બચાવી શકાય છે. આ બંને ઘટાડા બાદ યોગ્ય આવક 7.7 લાખ રૂપિયા પ્રતિ વર્ષ થઈ જશે. 

આ પણ વાંચોઃ Gold Price Today: રેકોર્ડ લેવલથી 7,984 રૂપિયા સસ્તું મળી રહ્યું છે સોનું, ચાંદીના ભાવમાં પણ ઘટાડો, જાણો નવી કિંમત

હોમ લોન કપાત (જો કોઈ હોય તો) સંભવિતપણે કરપાત્ર આવકમાંથી અન્ય નોંધપાત્ર ભાગ લઈ શકે છે. ધારી લો કે હોમ લોન અથવા હાઉસ રેન્ટ એલાઉન્સ (HRA) કરપાત્ર આવકમાં રૂ. 2 લાખનો ઘટાડો કરશે, અસરકારક કરપાત્ર આવક હવે ઘટીને રૂ. 5.7 લાખ થશે.

સ્વાસ્થ્ય વીમો જે કોવિડ બાદ વિશેષ રૂપથી મહત્વપૂર્ણ થઈ ગયો છે, કર યોગ્ય આવકને વધુ 25 હજાર સુધી ઘટાડી શકાય છે. એક કરદાતા અલગથી વૃદ્ધ માતા-પિતાના વીમા માટે ચૂકવણી કરેલ અન્ય 50 હજાર રૂપિયાનો દાવો પણ કરી શકે છે. આ બંને ઘટાડાનો દાવો કર્યા બાદ યોગ્ય આવક ઘટીને 4.95 લાખ રૂપિયા થઈ જશે. 

એકવાર યોગ્ય આવક 5 લાખ રૂપિયાથી ઓછી થવા પર તેના પર ટેક્સ લાગશે નહીં કારણ કે આ કલમ 87A હેઠળ મહત્વપૂર્ણ છૂટ માટે પાત્ર છે. આ તમામનો ઉપયોગ કર્યા બાદ એક કરદાતા દર વર્ષે 10 લાખ રૂપિયાની સાથે પોતાના કરવેરાને પ્રભારી રીતે શૂન્ય કરી શકે છે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube