ચીને ફરી ચોરી Tataની ડિઝાઇન, કોપી કરતાં રંગેહાથ પકડાઇ ગઇ કાર કંપની

નવી દિલ્હી: બીજા દેશોના ઉત્પાદનોની ડિઝાઇન ચોરવી ચીન (China) માટે કોઇ મોટી વાત નથી. નકલ કરવામાં આમ તો ચીનનું નામ હંમેશાથી અવ્વલ રહ્યું છે. ફરી એકવાર ચીને ભારતીય કારની ડિઝાઇન ચોરી કરી છે. Tata Motors ની એક કારની ડિઝાઇન ચીની કાર નિર્માતા કંપનીએ ચોરી કરી છે. તમને જણાવી દઇએ કે આ બીજીવાર ટાટાની ડિઝાઇન ચોરવાનો કિસ્સો સામે આવ્યો છે.  

Tata Nixonનીડિઝાઇન ચોરી
ચીન્નની નિર્માતા કંપની Fengsheng એ Maple 30X નામથી એક કાર બજારમાં ઉતારી છે. તેની ડિઝાઇન એકદમ Tata Nexon SUV સાથે મેચ થાય છે. તેની ફ્રંટ ગ્રિલ પણ Nexon ના પ્રી-ફેસલિફ્ટ વર્જનવાળી છે. તેના બોનેટ લિડની વાત કરીએ તો તેમાં Nexon EV વાળું જ બોનેટ જોવા મળી શકે છે. તેમાં સ્પષ્ટ જોવા મળે છે કે ચીનની કંપનીએ ગાડી બનાવતી વખતે દિમાગ અને રચનાત્મકતાનો ઉપયોગ કર્યો નથી. ચીનમાં Tata Nexon SUV સમાન ડિઝાઇનવાળી ગાડી ઇલેક્ટ્રિક વેરિએન્ટમાં ઉપલબ્ધ છે જેની કિંમત RMB 68,800 (લગભગ 7.5 લાખ રૂપિયા) છે. 
 
પહેલાં પણ થઇ છે ટાટાની ડિઝાઇન ચોરી
જાણકારોનું કહેવું છે કે ચીની કંપનીઓ કાર બનાવવાનું તો જાણે છે પરંતુ ડિઝાઇનના મામલે હંમેશા ચોરીનો સહારો લે છે. થોડા સમય પહેલાં એક ચીની કંપનીને ટાટા મોટર્સની લક્સરી કાર મેકર જેગુઆર લેન્ડ ઓવર (Jaguar Land Rover)ની ડિઝાઇન ચોરવાના ગુનામાં ભારે દંડ ભરવો પડ્યો હતો. આરોપ હતો કે ચીનની લોક કંપની જિયાંગલિંગ મોટર્સ  (Jiangling Motors Corp)એ આ કારના ઘણા ફીચર્સ સંપૂર્ણપણે કોપી કરી લીધા હતા. 

તમને જણાવી દઇએ કે ચીની કંપનીઓ પર હંમેશા ડિઝાઇન ચોરી કરવાનો આરોપ લાગતો રહ્યો છે. ચીની કંપનીઓ અન્ય દેશોને પોપ્યુલર ડિઝાઇન ચોરીને કાર તૈયાર કરે છે અને અન્ય દેશોમાં વેચે છે. ઘણી મોટર સાઇકલોની ડિઝાઇન પણ ચીની કંપનીઓએ ચોરી કરી છે.