ന്യൂ ഡൽഹി : ഇന്ത്യയുടെ പ്രധാന ലീഗായ ഇന്ത്യൻ സൂപ്പർ ലീഗ് ഇനി ക്ലോസ്ഡ് ലീഗായി തുടരാനകില്ല. അടുത്ത സീസൺ മുതൽ ഇന്ത്യൻ ലീഗ് മത്സരങ്ങളായ ഐഎസ്എല്ലിലും ഐ-ലീഗിലും റെലിഗേഷനും പ്രൊമോഷനും ഏർപ്പെടുത്താൻ ഫിഫായുടെ എഎഫ്സിയുടെ അംഗീകാരം. ഇന്ത്യൻ ഫുട്ബോൾ ആരാധകർ ഏറെ നാളായി കാത്തിരുന്ന തീരുമാനമാണ് ഐഎസ്എല്ലിൽ റെലിഗേഷൻ ഏർപ്പെടുത്താനുള്ളത്.
ഫിഫയുടെയും എഎഫ്സിയുടെയും സംയുക്ത സംഘം ഇന്ത്യൻ ഫുട്ബോൾ ഫെഡറേഷന്റെ പ്രകടനം വിലയിരുത്താൻ വന്ന വേളയിലാണ് തീരുമാനം. 2022-23 സീസൺ മുതൽ റെലിഗേഷൻ പ്രൊമോഷൻ സംവിധാനം ഏർപ്പെടുത്തുമെന്ന് യോഗത്തിൽ തീരുമാനമായി. നേരത്തെ എഐഎഫ്എഫ് 2024-25 സീസണിൽ സംഘടിപ്പിക്കാനായിരുന്നു തീരുമാനിച്ചിരുന്നത്.
Massive news for #IndianFootball! Had a super impressive meeting with the representatives of @FIFAcom & @theafcdotcom today. The promotion-relegation process has now been officially confirmed from this season in @ILeagueOfficial & @IndSuperLeague! Super happy, excited & relieved. pic.twitter.com/R6dnNs4ihV
— Dipak Kumar Singh (@dipaklamb) June 23, 2022
ഇത് ഐഎസ്എൽ ക്ലബുകൾക്കിടെയിൽ മത്സരവീര്യം ഉയർത്തുന്നതിലുപരി ഐ-ലീഗ് ക്ലബുകൾക്ക് ഇന്ത്യ ഫുട്ബോളിന്റെ മോഹലീഗിലേക്ക് പ്രവേശിക്കാനുള്ള അവസരം കൂടി ഒരുക്കുകയാണ്. നേരത്തെയാണെങ്കിൽ ഒരു ഐ-ലീഗ് ക്ലബിന് ഐഎസ്എല്ലിലേക്ക് പ്രവേശിക്കാൻ ഒരു എൻട്രി ഫീസ് നിശ്ചിയിച്ചിരുന്നു.
റെലീഗേഷൻ പ്രൊമോഷൻ സംവിധാനം വരുമ്പോൾ ആ നടപടിക്രമം ഇല്ലാതെയാകും. അങ്ങനെയാണെങ്കിൽ ഐ-ലീഗിലെ ഇത്തവണത്തെ ചാമ്പ്യന്മാരായ ഗോകുലം കേരള എഫ്സി 2022-23 സീസണിൽ ഐഎസ്എലിൽ മത്സരിക്കും.
ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ Twitter, Facebook ലിങ്കുകളിൽ ക്ലിക്കുചെയ്യുക.
