Love life and Zodiac Signs: ഒരു വ്യക്തിയെ സംബന്ധിച്ചിടത്തോളം തങ്ങളുടെ പങ്കാളികളുമൊത്തുള്ള ജീവിതം ഏറെ പ്രധാനമാണ്. അതായത്, ജീവിതത്തിലെ ഏറ്റവും സന്തോഷം നിറഞ്ഞ സമയങ്ങള്‍ സമ്മാനിക്കുന്നത് നാം സ്നേഹിക്കുന്നവരാണ്.
നമ്മുടെ പങ്കാളികളെ ജീവനുതുല്യം സ്നേഹിക്കുന്നവരാണ് എല്ലാവരും. എന്നാല്‍, ചിലര്‍ തങ്ങളുടെ പങ്കാളികളെഎത്ര സ്നേഹിച്ചാലും ആ സ്നേഹം അവര്‍ക്ക് തിരികെ ലഭിക്കില്ല. അതായത്, പങ്കാളിയെ ഒരുപാട് സ്നേഹിച്ചാലും ചില രാശിയില്‍പ്പെട്ടവര്‍ക്ക് ആ പ്രണയം തിരികെ ലഭിക്കില്ല. അതായത്, പ്രണയത്തിൽ ചിലപ്പോള്‍ ഇവര്‍ ചതിക്കപ്പെടാറുണ്ട്.
ജീവിതത്തില്‍ ഒരിയ്ക്കലെങ്കിലും പ്രണയിച്ചിട്ടില്ലാത്ത ഒരു വ്യക്തിയും ഉണ്ടാകില്ല, കാരണം പ്രണയം അത്ര മനോഹരമായ ഒരു വികാരമാണ്. എന്നാൽ, ജ്യോതിഷം പറയുന്നതനുസരിച്ച് പ്രണയത്തിന്‍റെ കാര്യത്തില്‍ ഹതഭാഗ്യരായ ചില രാശിക്കാര്‍ ഉണ്ട്. ഈ രാശിക്കാര്‍ അവരുടെ പങ്കാളികളെ ജീവനുതുല്യം സ്നേഹിക്കും, എന്നാല്‍, തിരികെ ലഭിക്കുന്നത് വഞ്ചനയായിരിയ്ക്കും. അതായത് ചില രാശിക്കാര്‍ പ്രണയത്തിന്‍റെ കാര്യത്തില്‍ ഭാഗ്യശാലികള്‍ അല്ല. ജ്യോതിഷത്തില്‍ ചില രാശിക്കാരുടെ പ്രത്യേകതയായി പറയുന്നത് പ്രണയത്തിന്‍റെ കാര്യത്തില്‍ ഭാഗ്യമില്ല എന്നാണ്. അത്തരം രാശിക്കാരെ അറിയാം...
ചിങ്ങം രാശി (Leo Zodiac Sign) ചിങ്ങം രാശിക്കാർ പ്രണയത്തില്‍ ദൗര്‍ഭാഗ്യക്കാരാണ് എന്നാണ് ജ്യോതിഷം പറയുന്നത്. കാരണം, ഇവര്‍ ദേഷ്യപ്പെടുന്ന സ്വഭാവമുള്ളവരാണ്. കൂടെക്കൂടെ ദേഷ്യപ്പെടുന്ന ഇവരുടെ സ്വഭാവം പങ്കാളികളുടെ അനിഷ്ടത്തിന് ഇടയാക്കുന്നു. കൂടാതെ, അവരുടെ ഈ സ്വഭാവം മൂലം പങ്കാളിയ്ക്ക് അവരോടുള്ള ഇഷ്ടം കുറയുന്നു. മെല്ലെ അവരുടെ ബന്ധം വഷളാകാന്‍ ഇത് ഇടയാക്കുന്നു.
മിഥുനം രാശി (Gemini Zodiac Sign) ജ്യോതിഷ പ്രകാരം, മിഥുന രാശിക്കാർ തങ്ങളുടെ പങ്കാളിയെ വളരെയധികം ശ്രദ്ധിക്കുകയും സ്നേഹിക്കുകയും സംരക്ഷിക്കുകയും ചെയ്യും. എന്നാല്‍, പ്രണയ ബന്ധത്തിന്‍റെ കാര്യത്തിൽ അവർ പലതവണ വഞ്ചിക്കപ്പെടും.
കുംഭം രാശി (Aquarius Zodiac Sign) ഈ രാശിക്കാർ തങ്ങളുടെ പങ്കാളിക്ക് വേണ്ടി സ്വയം സമർപ്പിക്കുന്നു, എന്നാൽ, തിരികെ അവര്‍ക്ക് ആ സ്നേഹം ലഭിക്കുന്നില്ല.
കന്നി രാശി (Virgo Zodiac Sign) ഈ രാശിയിലെ ആളുകൾ പെരുമാറ്റത്തിൽ വളരെ റൊമാന്‍റിക് ആണ്. ഒപ്പം അവര്‍ അവരുടെ പങ്കാളിയെ വളരെയധികം ശ്രദ്ധിക്കുകയും സ്നേഹിക്കുകയും ചെയ്യുന്നു. എന്നാൽ, ഉയർന്ന പ്രതീക്ഷകൾ ഇവര്‍ വച്ചു പുലര്‍ത്തുന്നതിനാല്‍ അവരുടെ ബന്ധം വഷളാകുന്നു.
