തെന്നിന്ത്യയിലെ തിരക്കേറിയ നടിമാരിലൊരാളാണ് തമന്ന ഭാട്ടിയ. തെന്നിന്ത്യയിൽ മാത്രമല്ല അങ്ങ് ബോളിവുഡിലും തമന്ന സാന്നിധ്യം അറിയിച്ചു കഴിഞ്ഞു.
Tamannaah latest photos: സോഷ്യൽ മീഡിയയിലും സജീവമായ തമന്ന എന്ത് ചെയ്താലും അതെല്ലാം വൈറലാകുന്ന സ്ഥിതിയാണിപ്പോൾ. അത്തരത്തിൽ തമന്ന പങ്കുവെച്ച പുത്തൻ ചിത്രങ്ങളാണ് ഇപ്പോൾ ആരാധകർ ഏറ്റെടുത്തിരിക്കുന്നത്.
2005-ൽ ചാന്ദ് സാ റോഷൻ ചെഹ്‌റ (2005) എന്ന ഹിന്ദി ചിത്രത്തിലൂടെയാണ് തമന്ന അരങ്ങേറ്റം കുറിച്ചത്.
ഇതേ വർഷം തന്നെ ശ്രീ എന്ന ചിത്രത്തിലൂടെ തെലുങ്കിലും താരം അരങ്ങേറ്റം കുറിച്ചു.
2006-ലായിരുന്നു തമിഴ് സിനിമയിലെ തമന്നയുടെ അരങ്ങേറ്റം. കേഡി എന്ന ആദ്യ ചിത്രത്തിൽ തന്നെ തമന്ന മികച്ച പ്രകടനം പുറത്തെടുത്തു.
2007-ൽ തമന്ന അഭിനയിച്ച ഹാപ്പി ഡേയ്സ്, കല്ലൂരി എന്നീ രണ്ട് ചിത്രങ്ങളും നിരൂപക പ്രശംസ നേടി.
പടിക്കാത്തവൻ, സിരുത്തൈ, അയൻ, പയ്യ തുടങ്ങിയ നിരവധി വാണിജ്യ വിജയങ്ങൾ നേടിയ ചിത്രങ്ങളിലും തമന്ന വേഷമിട്ടു.
ബാഹുബലി, കെജിഎഫ് എന്നീ ബ്രഹ്മാണ്ഡ ചിത്രങ്ങളുടെ ഭാഗമാകാൻ അവസരം ലഭിച്ച ഒരേയൊരു നടിയാണ് തമന്ന.
ദിലീപിൻ്റെ നായികയായി ബാന്ദ്ര എന്ന ചിത്രത്തിലൂടെ മലയാളത്തിലും അരങ്ങേറ്റം കുറിക്കാനൊരുങ്ങുകയാണ് തമന്ന.
