Zodiac Nature: ജീവിതത്തിൽ നല്ല സുഹൃത്തുക്കളെ കിട്ടുക എന്നത് വളരെ ഭാഗ്യമുള്ള കാര്യമാണ്. ചില ആളുകൾ ജന്മം കൊണ്ട് തന്നെ വളരെ സത്യസന്ധരും എല്ലാവരോടും സൗഹൃദം നിലനിർത്തുന്നവരുമായിരിക്കും. ജ്യോതിഷത്തിൽ ഈ 5 രാശിയിലുള്ളവർ സൗഹൃദം നിലനിർത്തുന്നതിൽ വളരെ മികച്ചവരാണെന്നാണ് പറയുന്നത്. മാത്രമല്ല ഇങ്ങനെയുള്ള സുഹൃത്തുക്കളെ ലഭിക്കുന്നവർ ഭാഗ്യവാന്മാർ.
ഇടവം രാശിക്കാർ നല്ല സുഹൃത്തുക്കളാണെന്ന് തെളിയിച്ചവരാണ്. ഇവർ തന്റെ സുഹൃത്തുക്കളെ എപ്പോഴും പരിപാലിക്കുകയും അവരെ പിന്തുണയ്ക്കുകയും ചെയ്യും. സൗഹൃദം നിലനിർത്താനും തെറ്റുകളിൽ നിന്ന് സുഹൃത്തിനെ രക്ഷിക്കാനും അവർ ഏതറ്റം വരെയും പോകും. ഇവർക്ക് മിഥുനം, കന്നി, മകരം രാശിക്കാരുമായി നല്ല യോജിപ്പുണ്ടാകും. കൂടാതെ മേടം, ഇടവം എന്നീ രാശിക്കാരുമായും നല്ല ബന്ധമുണ്ടാകും.
മിഥുനം രാശിക്കാരും വിശ്വസിക്കാൻ പറ്റുന്ന ആളുകളാണ്. അതുകൊണ്ടുതന്നെ നിങ്ങളുടെ എല്ലാ രഹസ്യങ്ങളും ഇവരുമായി പങ്കിടാം. ഇവർ തങ്ങളുടെ സുഹൃത്തുകളുമായി നല്ല ബന്ധം സ്ഥാപിക്കുന്നവരാണ്. കൂടാതെ അവർ എന്തെങ്കിലും കുഴപ്പങ്ങളിൽ ചെന്ന് പെട്ടാൽ അവരെ രക്ഷിക്കുകയും ചെയ്യും. ഒരു സുഹൃത്തിന് എന്തെങ്കിലും ബുദ്ധിമുട്ട് വന്നാൽ അതിൽ നിന്നും അവർ പുറത്തുവരുന്നതുവരെ അവരോടൊപ്പമുണ്ടാകും. കൂടാതെ ഈ രാശിക്കാർ കന്നി, ചിങ്ങം, തുലാം, വൃശ്ചികം എന്നീ രാശികളുമായി നന്നായി ചേരും. അതുപോലെ ഇടവ രാശിക്കാരുമായും ഇവർക്ക് നല്ല ബന്ധമുണ്ടാകും.
കർക്കടക രാശിക്കാർക്ക് തന്റെ സുഹൃത്തുക്കളോട് വളരെയധികം സ്നേഹമുണ്ടായിരിക്കും. സൗഹൃദത്തിൽ വളരെ അർപ്പണബോധമുള്ളവരാക്കും. സുഹൃത്തുക്കളുടെ എണ്ണം വളരെ കൂടുതലായിരിക്കും. ഈ രാശിക്കാരുടെ സുഹൃത്തുക്കളും ഇവരുടെ നല്ല ഗുണങ്ങൾ കാരണം ഇവരെ വിട്ടു പോവില്ല. ഇവർക്ക് എല്ലാ സാഹചര്യങ്ങളേയും നന്നായി കൈകാര്യം ചെയ്യാനുള്ള കഴിവുണ്ട്.
ചിങ്ങം രാശിക്കാർ സുഹൃത്തുക്കൾക്ക് വേണ്ടി ജീവൻ കൊടുക്കാൻ പോലും തയ്യാറുള്ളവരാണ്. ഇവരുടെ സുഹൃത്തുക്കളുടെ ലിസ്റ്റ് വളരെ നീണ്ടതാണ്. സുഹൃത്തുക്കൾക്കായി ധാരാളം സമയം ചെലവഴിക്കും. ഒരു സുഹൃത്ത് കുഴപ്പത്തിലായാൽ അവരെ രക്ഷിക്കാൻ ഏതറ്റം വരേയും പോകും. ചിങ്ങം രാശിക്കാർക്ക് മേടം, കർക്കടകം, മിഥുനം, വൃശ്ചികം, ധനു, കന്നി, മീനം എന്നീ രാശികളുമായി നല്ല സൗഹൃദമുണ്ടാകും.
മകരം രാശിക്കാരുടെ സുഹൃത്തുക്കളുടെ എണ്ണം വളരെ കുറവായിരിക്കുമെങ്കിലും ഇവർ ആരുമായൊക്കെ സുഹൃത്തുക്കളാണോ അവരൊക്കെ ശരിക്കും ഭാഗ്യവാന്മാർ എന്നാണ് പറയുന്നത്. ഈ രാശിക്കാരുമായി സൗഹൃദം സ്ഥാപിക്കുന്നത് വളരെ നല്ലതാണ്. എത്ര കഷ്ടപ്പെടേണ്ടി വന്നാലും അവർ ആ ചങ്ങാത്തം ഒരിക്കലും ഉപേക്ഷിക്കില്ല. ഇവർ ഇടവം, മിഥുനം, കന്നി, തുലാം, കുംഭം എന്നീ രാശിക്കാരുമായി നല്ല യോജിപ്പിലായിരിക്കും. (Disclaimer: ഇവിടെ നൽകിയിരിക്കുന്ന വിവരങ്ങൾ പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്)
