പട്ടം പോലെ എന്ന ചിത്രത്തിൽ നായികയായെത്തി മലയാളികളുടെ മനം കവർന്ന നടിയാണ് മാളവിക മോഹനൻ.
Malavika Mohanan latest photos: 2013 ൽ അഭിനയ രംഗത്തിലേക്ക് എത്തിയ മാളവികയ്ക്ക് സോഷ്യൽ മീഡിയയിൽ ഒട്ടേറെ ആരാധകരാണുള്ളത്.
ചലച്ചിത്ര ഛായാഗ്രാഹകനായ കെ യു മോഹനന്റെ മകളാണ് മാളവിക.
കണ്ണൂർ ജില്ലയിലെ പയ്യന്നൂരിൽ നിന്നുള്ള കുടുംബമാണെങ്കിലും മാളവിക വളർന്നത് മുംബൈയിലാണ്.
'പട്ടംപോലെ' എന്ന സിനിമയിൽ ദുൽഖർ സൽമാന്റെ നായികയായിട്ടായിരുന്നു അരങ്ങേറ്റം.
അതിനുശേഷം നിർണ്ണായകം എന്ന ചിത്രത്തിൽ ആസിഫ് അലിയുടെ നായികയായി. ഈ ചിത്രത്തിലെ അഭിനയത്തിന് ജേസി അവാർഡിന്റെ പ്രത്യേക ജൂറി പുരസ്‌ക്കാരം ലഭിച്ചു.
ക്രിസ്റ്റി ആണ് മാളവിക ഒടുവിലായി മലയാളത്തിൽ അഭിനയിച്ച ചിത്രം.
ഇറാനിയൻ ചലച്ചിത്രസംവിധായകനായ മജീദ് മജീദിയുടെ ആദ്യ ഇന്ത്യൻ ചലച്ചിത്രമായ ബിയോണ്ട് ദി ക്ലൗഡ്‌സ് എന്ന ഹിന്ദി ചിത്രത്തിലും അഭിനയിച്ചു.
രജനികാന്ത് ചിത്രം 'പേട്ട' ആണ് മാളവികയുടെ ആദ്യ തമിഴ് ചിത്രം. മലയാളത്തിനും തമിഴിനും പുറമെ തെലുങ്കിലും സാന്നിധ്യമാകുകയാണ് മാളവിക.
