ടെലിവിഷന്‍ അവതാരകയായി എത്തിയ മലയാളികൾക്ക് പ്രിയങ്കരിയായി മാറിയ താരമാണ് ജുവൽ മേരി. അവതാരകയിൽ നിന്ന് നടിയായി മാറിയ ജുവൽ മേരിയുടെ പിറന്നാൾ ആഘോഷ ചിത്രങ്ങൾ സോഷ്യൽ മീ‍ഡിയയിൽ വൈറലായി മാറിയിരിക്കുകയാണ്.
Jewel Mary birthday photos: 33-ാം പിറന്നാൾ ആഘോഷമാക്കിയിരിക്കുകയാണ് ജുവൽ മേരി. കൂട്ടുകാർക്കൊപ്പമായിരുന്നു താരത്തിൻ്റെ പിറന്നാൾ ആഘോഷം.
1990 ജൂലൈ 11 ന് സെബിൻ ആന്റണിയുടെയും റോസ് മേരിയുടെയും മകളായി എറണാംകുളം ജില്ലയിലെ തൃപ്പൂണിത്തറയിലാണ് ജുവൽ മേരിയുടെ ജനനം.
സ്കൂൾ പഠന കാലത്ത് തന്നെ നാടകങ്ങളിലും പ്രസംഗ മത്സരങ്ങളിലും ജുവൽ മേരി പങ്കെടുത്തിരുന്നു.
കോളേജ് മുതൽ ഒപ്പമുള്ള സുഹൃത്തുക്കളുടെ കൂടെയാണ് ജുവൽ മേരി 33-ാം പിറന്നാൾ ആഘോഷിച്ചത്.
2015ല്‍ പുറത്തിറങ്ങിയ പത്തേമാരി എന്ന മമ്മൂട്ടി ചിത്രത്തിലൂടെയാണ് ജുവൽ മേരി അഭിനയ രംഗത്ത് അരങ്ങേറ്റം കുറിച്ചത്.
നിരവധി ചാനലുകളിലും സ്റ്റേജ് ഷോകളിലും അവതാരകയായി മിനി സ്ക്രീനിൽ ഇപ്പോഴും സജീവ സാന്നിധ്യമാണ് താരം.
സുരേഷ് ഗോപിയെ നായകനാക്കി ജോഷി സംവിധാനം ചെയ്ത ‘പാപ്പനി’ലാണ് ജുവൽ മേരി അവസാനം അഭിനയിച്ചത്.
ഉട്ടോപ്യയിലെ രാജാവ്, ഒരേ മുഖം, ഞാന്‍ മേരിക്കുട്ടി തുടങ്ങിയവയാണ് ജുവൽ മേരി അഭിനയിച്ച മറ്റ് പ്രധാന ചിത്രങ്ങള്‍.
