ശരീരത്തിന്റെ പ്രവർത്തനങ്ങളെ സ്വാധീനിക്കുന്ന ഹോർമോൺ ഉത്പാദിപ്പിക്കുന്ന ഗ്രന്ഥിയാണ് തൈറോയ്ഡ്. കഴുത്തിന് താഴെയായാണ് ഈ ഗ്രന്ഥിയുടെ സ്ഥാനം.
അമിതമായി തൈറോയ്ഡ് ഹോർമോണുകൾ ഉത്പാദിപ്പിക്കപ്പെടുന്ന അവസ്ഥയെയാണ് ഹൈപ്പർതൈറോയിഡിസം എന്ന് പറയുന്നത്. അമിതവണ്ണം, അമിതമായ ക്ഷീണം, വന്ധ്യത, മലബന്ധം, ശബ്ദത്തിൽ പതർച്ച, അമിതമായ തണുപ്പ്, മുടി കൊഴിച്ചിൽ എന്നിവയാണ് ഇതിന്റെ പ്രധാന ലക്ഷണങ്ങൾ.
ചില ആരോഗ്യ ശീലങ്ങൾ കൃത്യമായി നിലനിർത്തുകയും വിട്ടുവീഴ്ചകളില്ലാതെ അവ പിന്തുടരുകയും ചെയ്താൽ തൈറോയിഡ് പ്രശ്നത്തിൽ നിന്ന് മോചനം നേടാവുന്നതേയുള്ളൂ. അത്തരത്തിൽ തൈറോയിഡ് പ്രശ്നങ്ങൾ നിയന്ത്രിക്കാൻ പിന്തുടരേണ്ട 7 സിമ്പിൾ ടിപ്സാണ് ഇനി പറയാൻ പോകുന്നത്.
1. ദിവസവും വ്യായാമം : ദിവസവും വ്യായാമം ചെയ്യുന്നത് ശരീരഭാരം കുറയ്ക്കാനും തൈറോയിഡിന്റെ പ്രവര്‍ത്തനം സുഗമമാക്കാനും സഹായിക്കും. വ്യായാമത്തിലൂടെ ശരീരഭാരം കുറയ്‌ക്കേണ്ടത് അത്യാവശ്യമാണ്.
2. സമ്മര്‍ദ്ദം നിയന്ത്രിക്കുക : നിരന്തരം സമ്മര്‍ദ്ദം അനുഭവിക്കുന്നവരില്‍ തൈറോയിഡ് പ്രശ്‌നങ്ങള്‍ കണ്ടുവരുന്നുണ്ട്. സമ്മര്‍ദ്ദം തൈറോയിഡിന്റെ പ്രവര്‍ത്തനത്തെ ബാധിക്കും. അതിനാല്‍ യോഗ, മെഡിറ്റേഷന്‍ എന്നിവയിലൂടെ സമ്മര്‍ദ്ദം നിയന്ത്രണ വിധേയമാക്കണം.
3. ആവശ്യത്തിന് ഉറക്കം : തൈറോയിഡ് പ്രശ്‌നങ്ങളുള്ളവര്‍ ഏറ്റവും കുറഞ്ഞത് 7 മണിക്കൂര്‍ എങ്കിലും ഉറങ്ങുന്നുണ്ടെന്ന് ഉറപ്പാക്കുക. 7 - 9 മണിക്കൂര്‍ ഉറക്കമാണ് ആരോഗ്യവിദഗ്ധര്‍ അഭിപ്രായപ്പെടുന്നത്. ഉറക്കമില്ലായ്മ തൈറോയിഡ് ഹോര്‍മോണ്‍ ബാലന്‍സ് തകരാറിലാക്കിയേക്കാം.
4. ഇടവിട്ടുള്ള പരിശോധന : ഇടവിട്ടുള്ള ആരോഗ്യ പരിശോധന ഉറപ്പാക്കണം. തൈറോയിഡ് ഫംഗ്ഷന്‍ ടെസ്റ്റ് മറക്കാതെ ചെയ്യണം. ഇത് തൈറോയിഡ് പ്രശ്‌നങ്ങള്‍ നേരത്തെ കണ്ടെത്താന്‍ സഹായിക്കും.
5. സംസ്‌കരിച്ച ഭക്ഷണങ്ങള്‍ നിയന്ത്രിക്കുക : സംസ്‌കരിച്ച ഭക്ഷണങ്ങള്‍ ശരീരത്തില്‍ നീര്‍ക്കെട്ട് ഉണ്ടാക്കും. ഇത് തൈറോയിഡിന്റെ പ്രവര്‍ത്തനത്തെ ബാധിക്കും. അതിനാല്‍, റിഫൈന്‍ ചെയ്ത പഞ്ചസാര, അനാരോഗ്യകരമായ കൊഴുപ്പ് എന്നിവയടങ്ങിയ ഭക്ഷണപദാര്‍ത്ഥങ്ങള്‍ കഴിവതും ഒഴിവാക്കുക.
6. ആവശ്യത്തിന് വെള്ളം കുടിക്കുക : ശരീരത്തില്‍ നിര്‍ജലീകരണം ഉണ്ടാകുന്നത് തൈറോയിഡ് പ്രവര്‍ത്തനത്തെ ബാധിക്കും. അതിനാല്‍, ജലാംശം താഴാതെയിരിക്കാന്‍ ഇടയ്ക്കിടെ വെള്ളം കുടിക്കണം.
7. പുകവലിയും മദ്യപാനവും നിര്‍ത്തുക : പുകവലിയും മദ്യപാനവും ആരോഗ്യത്തിന് ഹാനികരമാണെന്ന കാര്യം എല്ലാവര്‍ക്കും അറിയാം. ഇത് തൈറോയിഡ് പ്രശ്‌നങ്ങളും വഷളാക്കും. അതിനാല്‍ ഇവ രണ്ടിനോടും ഇന്ന് തന്നെ ഗുഡ്‌ബൈ പറയാം.
