കൊളസ്ട്രോൾ പേശികളുടെ ആരോഗ്യത്തിന് പ്രധാനമാണ്. എന്നാൽ, എൽഡിഎൽ കൊളസ്ട്രോൾ വർധിക്കുന്നത് ഗുരുതര ആരോഗ്യപ്രശ്നങ്ങളിലേക്ക് നയിക്കും.
ഉയർന്ന കൊളസട്രോൾ ഹൃദയാഘാതം, സ്ട്രോക്ക് തുടങ്ങിയ ഗുരുതര ആരോഗ്യപ്രശ്നങ്ങളിലേക്ക് നയിക്കും. ഭക്ഷണക്രമത്തിൽ നല്ല മാറ്റങ്ങൾ വരുത്തുന്നതിലൂടെ കൊളസ്ട്രോളിൻറെ അളവ് കുറയ്ക്കാൻ സാധിക്കും.
ഒലിവ് ഓയിൽ മോണോസാച്ചുറേറ്റഡ് കൊഴുപ്പുകളാലും ആൻറി ഓക്സിഡൻറുകളാലും സമ്പന്നമാണ്. ഇത് എൽഡിഎൽ കൊളസ്ട്രോൾ കുറയ്ക്കാൻ സഹായിക്കുന്നു. ഇത് ഹൃദ്രോഗ സാധ്യത കുറയ്ക്കുന്നു.
കൊഴുപ്പുള്ള മത്സ്യം ഭക്ഷണത്തിൽ ഉൾപ്പെടുത്തുന്നത് എൽഡിഎൽ കൊളസ്ട്രോൾ കുറയ്ക്കാൻ സഹായിക്കും. സാൽമൺ, മത്തി, അയല തുടങ്ങിയവ നല്ലതാണ്.
ചിയ സീഡ്സ്, മത്തങ്ങ വിത്തുകൾ, ഫ്ലാക്സ് സീഡ്സ് എന്നിവ എൽഡിഎൽ കൊളസ്ട്രോൾ കുറയ്ക്കാൻ സഹായിക്കും. ഇത് ആരോഗ്യകരമായ കൊഴുപ്പുകൾ, നാരുകൾ എന്നിവയുടെ സമ്പന്നമായ ഉറവിടങ്ങളാണ്.
അവോക്കാഡോ മോണോസാച്ചുറേറ്റഡ് കൊഴുപ്പുകളാൽ സമ്പന്നമാണ്. ഇത് ഹൃദയത്തിൻറെ ആരോഗ്യത്തിന് ഗുണം ചെയ്യുന്നു. ഇത് എൽഡിഎൽ കൊളസ്ട്രോൾ കുറയ്ക്കാൻ സഹായിക്കുന്നു.
ബദാം, അണ്ടിപ്പരിപ്പ് പോലുള്ള നട്സുകൾ അവശ്യ പോഷകങ്ങൾ അടങ്ങിയവയാണ്. ഇത് രക്തത്തിലെ കൊളസ്ട്രോൾ കുറച്ച് ഹൃദയാരോഗ്യം സംരക്ഷിക്കുന്നു. (Disclaimer: ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.)
