കാപ്പിയോ ചായയോ കുടിക്കുന്നത് നമുക്ക് തൽക്ഷണം ഉന്മേഷം നൽകുമെങ്കിലും അമിതമായി കാപ്പി കുടിക്കുന്നത് ആരോഗ്യത്തിന് ദോഷം ചെയ്യും.
അമിതമായ കാപ്പിയുടെ ഉപയോഗം ഉറക്കമില്ലായ്മയിലേക്ക് നയിക്കുന്നു. പ്രത്യേകിച്ച് രാത്രിയിൽ കാപ്പി കുടിക്കുന്നത് ഉറക്കമില്ലായ്മയ്ക്ക് കാരണമാകും.
അമിതമായി കാപ്പി കുടിക്കുന്നത് ശരീരത്തിൽ കൂടുതൽ അഡ്രിനാലിൻ ഹോർമോൺ ഉത്പാദിപ്പിക്കുന്നതിന് കാരണമാകുന്നു. ഇതുമൂലം വളരെയധികം ഉത്കണ്ഠ അനുഭവിക്കും.
കാപ്പി പൊതുവെ ദഹനത്തിന് സഹായിക്കുമെങ്കിലും അമിതമായി കാപ്പി കുടിക്കുന്നത് വയറുമായി ബന്ധപ്പെട്ട ആരോഗ്യപ്രശ്നങ്ങൾ ഉണ്ടാക്കും. കാപ്പിയിലെ കഫീൻ അമിതമായി ശരീരത്തിലെത്തുന്നത് വയറിളക്കത്തിനും വയറുവേദനയ്ക്കും കാരണമാകും.
അമിതമായി കാപ്പി കുടിക്കുന്നത് രക്തസമ്മർദ്ദത്തിന് കാരണമാകും. കാപ്പിയിൽ അടങ്ങിയിരിക്കുന്ന കഫീൻ നാഡീവ്യവസ്ഥയെ ഉത്തേജിപ്പിക്കുന്നു. അതിനാൽ കാപ്പി അമിതമായി കുടിക്കുന്നത് ഉയർന്ന രക്തസമ്മർദ്ദത്തിന് കാരണമാകും.
കാപ്പി കുടിക്കുന്നത് നിങ്ങളുടെ ശരീരത്തിന് തൽക്ഷണം ഊർജ്ജം നൽകുമെങ്കിലും, കുറച്ച് മിനിറ്റുകൾക്ക് ശേഷം അത് നിങ്ങളെ കൂടുതൽ ക്ഷീണിപ്പിക്കും. അതിനാൽ അമിതമായി കാപ്പി കുടിക്കുന്നത് ഒഴിവാക്കണം.
