Basil Farming: നിങ്ങൾക്കും ചെറിയ നിക്ഷേപത്തിൽ ബിസിനസ്സ് ആരംഭിക്കാനും നല്ല ലാഭം നേടാനും ആഗ്രഹമുണ്ടെങ്കിൽ ഈ വാർത്ത നിങ്ങൾക്കുള്ളതാണ്. ഈ ബിസിനസ്സിൽ നിങ്ങൾക്ക് കുറച്ച് പണം നിക്ഷേപിച്ച് മികച്ച ലാഭമുണ്ടാക്കാം. നിങ്ങൾക്ക് വീട്ടിൽ ഇരുന്നോ അല്ലെങ്കിൽ നിങ്ങളുടെ ജോലിക്കൊപ്പമോ ചെയ്യാൻ കഴിയുന്ന ഒരു ബിസിനസ്സ് ആശയമാണ് ഇവിടെ പ്രതിപാദിക്കുന്നത്. അത് മറ്റൊന്നുമല്ല തുളസി കൃഷിയാണ് (Basil Farming). ഈ ബിസിനസ് നിങ്ങൾക്ക് വളരെ ചുരുങ്ങിയ സമയത്തിനുള്ളിൽ ചെയ്യാൻ കഴിയുകയും ഒപ്പം ലക്ഷങ്ങൾ സമ്പാദിക്കാനും കഴിയുന്ന ഒരു ബിസിനസ്സാണ്.
തുളസിക്ക് വിപണിയിൽ ആവശ്യക്കാരേറെയാണ്. ഇക്കാലത്ത് പ്രതിരോധശേഷി വർദ്ധിപ്പിക്കുന്നതിന് ആളുകൾക്കിടയിൽ വളരെയധികം അവബോധം ഉണ്ടായിട്ടുണ്ട്. അതുപോലെ തന്നെ പ്രതിരോധശേഷി വർദ്ധിപ്പിക്കുന്നതിനുള്ള ആയുർവേദവും പ്രകൃതിദത്തവുമായ മരുന്നുകളും വലിയ അളവിൽ നിർമ്മിക്കുന്നു, അതിൽ തുളസിയും ധാരാളം ഉപയോഗിക്കുന്നു. അതുകൊണ്ടാണ് തുളസിക്ക് ആവശ്യക്കാർ ഏറെ കൂടിയത്. ഇത് മാത്രമല്ല ഇന്ന് ആളുകൾ വീടുകളിലും തുളസി ധാരാളമായി ഉപയോഗിക്കുന്നു.
തുളസി കൃഷിക്ക് (Basil Farming) ജൂലൈ മാസമാണ് ഉത്തമം. സാധാരണ തുളസി ചെടികൾ 45 x 45 സെന്റീമീറ്റർ ഇടവിട്ട് നടണം, എന്നാൽ RRLOC 12, RRLOC 14 ഇനങ്ങളിൽ 50 x 50 സെന്റീമീറ്റർ അകലം പാലിക്കണം. ഈ ചെടികൾ നട്ടുപിടിപ്പിച്ച ഉടൻ തന്നെ അല്പം വെള്ളം നനയ്ക്കണം. വിളവെടുക്കുന്നതിന് 10 ദിവസം മുമ്പ് വെള്ളം നനയ്ക്കുന്നത് നിർത്തണമെന്ന് തുളസി കൃഷിയിലെ വിദഗ്ധർ പറയുന്നു.
തുളസി ചെടികളുടെ ഇലകൾ വലുതാകുമ്പോഴാണ് ഈ ചെടി വിളവെടുക്കുന്നത്. ഈ ചെടികൾ പൂക്കുമ്പോൾ അവയിലെ എണ്ണയുടെ അളവ് കുറയുന്നു, അതിനാൽ ഈ ചെടികൾ പൂക്കാൻ തുടങ്ങുമ്പോൾ അത് വിളവെടുക്കണം. ഈ ചെടികൾ 15 മുതൽ 20 മീറ്റർ വരെ ഉയരത്തിൽ നിന്ന് മുറിക്കുന്നതാണ് നല്ലത്. അങ്ങനെ ചെയ്താൽ ഉടൻ തന്നെ പുതിയ ശാഖകൾ ചെടിയിൽ വരും.
തുളസി എവിടെ വിൽക്കും എന്നത് നിങ്ങൾക്ക് അറിയാമോ? ഈ ചെടികൾ വിൽക്കാൻ മാർക്കറ്റിലെ ഏജന്റുമായി ബന്ധപ്പെട്ടോ അല്ലെങ്കിൽ മാർക്കറ്റിൽ നേരിട്ട് പോയി ഉപഭോക്താക്കളുമായി ബന്ധപ്പെട്ടോ നിങ്ങൾക്ക് ഈ ചെടികൾ വിൽക്കാം. ഇതുകൂടാതെ ഫാർമസ്യൂട്ടിക്കൽ കമ്പനിക്കോ അത്തരം ഏജൻസികൾക്കോ കരാർ പ്രകാരം നിങ്ങളുടെ ചെടികൾ വിൽക്കാനും കഴിയും. ഈ കമ്പനികളിൽ തുളസിയുടെ ഉയർന്ന ഡിമാൻഡുണ്ട് അതിനാൽ ഇത് വിൽക്കുന്നതിൽ നിങ്ങൾക്ക് ഒരു പ്രശ്നവും നേരിടേണ്ടിവരില്ല.
ഈ ബിസിനസ്സിൽ നിങ്ങൾ വിതച്ചതിനുശേഷം വിളവെടുപ്പിനായി അധികം കാത്തിരിക്കേണ്ടതില്ല. ഇതിൽ 3 മാസത്തിനുശേഷം മാത്രമേ ഈ ചെടി പാകമാകൂ. തുളസി വിള ഏകദേശം 3 ലക്ഷം രൂപയ്ക്ക് വിൽക്കും. ആയുർവേദ ഉൽപന്നങ്ങൾ നിർമ്മിക്കുന്ന പല കമ്പനികൾക്കും തുളസി ചെടികൾ ആവശ്യമുണ്ട്, അതിനാൽ അവർ കരാറിൽ കൃഷി ചെയ്യുന്നു. ഡാബർ, വൈദ്യനാഥ്, പതഞ്ജലി തുടങ്ങി നിരവധി കമ്പനികൾ തുളസിയുടെ കരാർ കൃഷി ചെയ്യുന്നുണ്ട്. അതായത് വെറും 3 മാസത്തിനുള്ളിൽ നിങ്ങൾക്ക് 3 ലക്ഷം രൂപവരെ സമ്പാദിക്കാം.
തുളസി കൃഷി ചെയ്യാൻ വലിയ മുതൽമുടക്കില്ല. വിശാലമായ സ്ഥലത്ത് കൃഷി ചെയ്യേണ്ടതില്ല എന്നതാണ് ഈ ബിസിനസിന്റെ ഏറ്റവും വലിയ പ്രത്യേകത. വെറും ₹ 15000 നിക്ഷേപിച്ച് നിങ്ങൾക്ക് ഈ ബിസിനസ്സ് ആരംഭിക്കാം. നിങ്ങൾക്ക് വേണമെങ്കിൽ. കരാർ കൃഷിയിലൂടെയും നിങ്ങളുടെ ബിസിനസ്സ് ആരംഭിക്കാം.
