Special Yoga: ശുഭ-അശുഭകരമായ നിരവധി യോഗങ്ങൾ ജ്യോതിഷത്തിലുണ്ട്. ഇതിൽ ശുഭകരമായ ഒരു യോഗമാണ് ബ്രഹ്‌മയോഗം. 27 യോഗങ്ങളില്‍ 24 മത്തെ യോഗമാണിത്. ഈ യോഗ സമയത്ത് ആരംഭിക്കുന്ന ഏതൊരു പ്രവൃത്തിയും വിജയിക്കും എന്നാണ് പറയുന്നത്.
Brahma Yoga: ഈ യോഗ സമയത്ത് ആരംഭിക്കുന്ന ഏതൊരു പ്രവൃത്തിയും വിജയിക്കും. ഇത് സാമ്പത്തിക നേട്ടങ്ങളും അഭിവൃദ്ധിയും നല്‍കുന്ന ഐശ്വര്യവും പുണ്യപ്രദവുമായ ഒരു യോഗമാണെന്നാണ് പറയുന്നത്. ജ്യോതിഷത്തിലും ഹിന്ദുമതത്തിലും മുഹൂര്‍ത്തത്തിന് വലിയ പ്രാധാന്യമുണ്ട്.
ജ്യോതിഷത്തില്‍ ബ്രഹ്മ യോഗത്തെ വളരെ ശുഭകരമായ യോഗമായിട്ടാണ് കണക്കാക്കുന്നത്. ഈ യോഗ സമയത്ത് ജനിച്ചവര്‍ വേദങ്ങളില്‍ നിന്നും മറ്റ് മതഗ്രന്ഥങ്ങളില്‍ നിന്നും അറിവ് നേടുന്നവരായിരിക്കും. മറ്റ് മേഖലകളിലും ഇവര്‍ വളരെ പ്രാവീണ്യമുള്ളവരായിരിക്കും. ഇവര്‍ക്ക് ദൈവഭക്തി വളരെ ആഴത്തിലായിരിക്കും.
ഇവര്‍ക്ക് ധാരാളം സമ്പത്തും ജീവിതത്തിലുടനീളം സാമ്പത്തിക പ്രശ്നങ്ങളൊന്നും നേരിടേണ്ടിവരുകയും ഉണ്ടാകില്ല. മറ്റുള്ളവര്‍ ഇവരെ ബഹുമാനിക്കുകയും സമൂഹത്തില്‍ ഉന്നത സ്ഥാനം നേടുകയും ചെയ്യും. ബ്രഹ്‌മദേവനെ അറിവിന്റെയും ജീവന്റെയും പ്രതീകമായിട്ടാണ് കണക്കാക്കുന്നത്. പ്രപഞ്ചത്തിന്റെയു ഭൂമിയുടെയും സ്രഷ്ടാവാണ് ബ്രഹ്മാവ്. ബ്രഹ്മ യോഗ ഫലത്താല്‍ ജീവിതത്തില്‍ ഭാഗ്യം ലഭിക്കുന്ന 4 രാശിക്കാരെ കുറിച്ച് നമുക്കറിയാം.
മേടം (Aries): ഈ യോഗ സമയത്ത് മേട രാശിക്കാര്‍ക്ക് വളരെയധികം അനുഗ്രഹം ലഭിക്കും. ജീവിതത്തില്‍ എല്ലാവിധത്തിലുള്ള സമൃദ്ധി കൈവരും. മേടം രാശിക്കാരുടെ അധിപൻ ചൊവ്വയാണ്. കാര്യങ്ങള്‍ പൂര്‍ണതയോടെ ചെയ്യാനുള്ള നിങ്ങളുടെ അഭിനിവേശം ഈ യോഗ സമയത്ത് നിങ്ങളുടെ എല്ലാ ലക്ഷ്യങ്ങളും കൈവരിക്കുന്നതിന് സഹായിക്കും.
കര്‍ക്കടകം (Cancer): കര്‍ക്കടക രാശിക്കാര്‍ക്ക് ഈ യോഗത്തിലൂടെ വൻ നേട്ടമുണ്ടാകും, പ്രത്യേകിച്ചും വ്യാഴം നല്ല സ്ഥാനത്താണെങ്കില്‍. വ്യാഴം കര്‍ക്കടകത്തില്‍ ഉന്നതനാകുന്നതിനാല്‍ പിന്നെ നേട്ടങ്ങളുടെ സമയമായിരിക്കും. വിദ്യാഭ്യാസ മേഖലയിലോ നിഗൂഢ ശാസ്ത്രത്തിലോ ഏര്‍പ്പെട്ടിരിക്കുന്ന കര്‍ക്കടക രാശിക്കാര്‍ക്ക് ഈ സമയം വളരെയധികം നേട്ടം ലഭിക്കും. ഈ യോഗ സമയത്ത് ആരംഭിക്കുന്ന ഏതൊരു ജോലിയിലും പദ്ധതിയിലും നിങ്ങൾ തീര്‍ച്ചയായും വിജയിക്കും.
ചിങ്ങം (Leo): ചിങ്ങം രാശിക്കാര്‍ക്ക് ഈ ബ്രഹ്മ യോഗ സമയത്ത് വലിയ അനുഗ്രഹം ലഭിക്കും. ഈ സമയത്തെ നിങ്ങളുടെ സ്വപ്നങ്ങളും ആഗ്രഹങ്ങളും സാക്ഷാത്കരിക്കപ്പെടും. ചിങ്ങം രാശിക്കാര്‍ ഈ സമയം താമസം മാറാനോ വിദേശയാത്രയ്‌ക്കോ സാധ്യതയുണ്ട്. സാമ്പത്തിക സമൃദ്ധി കൈവരും. വിദേശ യാത്രയില്‍ പ്രശ്‌നം നേരിടുന്നവര്‍ക്ക് ഈ സമയം അവരുടെ മുന്നിലെ തടസ്സങ്ങള്‍ നീങ്ങും. ബിസിനസ് സംബന്ധമായ ഡീലുകള്‍ക്കും പ്രോജക്ടുകള്‍ക്കും ഈ യോഗം നേട്ടമായിരിക്കും.
വൃശ്ചികം (Scorpio): വൃശ്ചിക രാശിക്കാര്‍ക്ക് ബ്രഹ്‌മയോഗം പല വിധത്തില്‍ സമൃദ്ധി നല്‍കും. സാമ്പത്തികമായി നിങ്ങള്‍ക്ക് നേട്ടവും ഉയര്‍ച്ചയും കൈവരിക്കാന്‍ ഈ യോഗത്തിലൂടെ കഴിയും. വൃശ്ചിക രാശിക്കാര്‍ തങ്ങളുടെ ബുദ്ധിയും അറിവും ഉപയോഗിച്ച് കരിയറില്‍ ശോഭിക്കുകയും അഭിവൃദ്ധി പ്രാപിക്കുകയും ചെയ്യും. ഈ വ്യക്തികള്‍ക്ക് അവരുടെ സാമൂഹ്യ ബന്ധങ്ങള്‍ അവരുടെ നേട്ടത്തിനായി ഉപയോഗിക്കാനും പ്രൊഫഷണല്‍ ജീവിതത്തില്‍ നേട്ടമുണ്ടാക്കാനും സാധിക്കും. കരിയറിന്റെ കാര്യത്തില്‍ നിങ്ങള്‍ക്ക് നല്ല വാര്‍ത്ത ലഭിക്കും. (Disclaimer: ഇവിടെ നൽകിയിരിക്കുന്ന വിവരങ്ങൾ പൊതുവായ വിശ്വാസങ്ങളെയും വിവരങ്ങളെയും അടിസ്ഥാനമാക്കിയുള്ളതാണ്)
