മാലിക്ക് എന്ന സിനിമ ഇപ്പോൾ സമൂഹ മാധ്യമങ്ങളിൽ വളരെയധികം ചർച്ച ചെയ്യുന്ന ഒരു സിനിമയായി മാറി കഴിഞ്ഞു. ഇതിൽ ഏറ്റവും ശ്രദ്ധേയം മാലിക്കിന്റെ അമ്മയായി രണ്ട് ഘട്ടങ്ങളിൽ അഭിനയിച്ചത് യഥാർത്ഥത്തിൽ അമ്മയും മകളുമാണെന്നതാണ്.
അമ്മയുടെ തിരിച്ചുവരവും ദേവിയുടെ അരങ്ങേറ്റം ഒരു ചിത്രത്തിലൂടെ തന്നെയായി എന്ന് വേണം പറയാൻ. സിനിമയിൽ ഏറ്റവും വഴിത്തിരിവായി മാറുന്ന കഥാപാത്രമാണ് ജലജ അവതരിപ്പിച്ചത്.
ഫഹദ് ഫാസിലിനെ നായകനാക്കി മഹേഷ് നാരായണൻ സംവിധാനം ചെയ്ത ചിത്രത്തിൽ നിമിഷ സജയൻ, ജോജു ജോർജ്, വിനയ് ഫോർട്ട്, സലിം കുമാർ, ദിനേഷ് പ്രഭാകർ, ഇന്ദ്രൻസ്, സനൽ അമൻ തുടങ്ങിയവരാണ് പ്രധാന റോളുകളിൽ അഭിനയിച്ചിരിക്കുന്നത്.
പ്രായമായ അമ്മയായി പഴയ നടി ജലജ തകർത്ത് അഭിനയിച്ചപ്പോൾ മാലിക്കിന്റെ കുട്ടിക്കാലത്തെ അമ്മയായി അഭിനയിച്ചത് ജലജയുടെ മകൾ ദേവിയാണ്.
വിവാഹത്തിന് ശേഷം സിനിമയിൽ അത്ര സജീവമല്ലായിരുന്നു ജലജ. 28 വർഷങ്ങൾക്ക് ശേഷമാണ് ജലജ വീണ്ടും സിനിമയിൽ അഭിനയിക്കുന്നത്.
ഒരു കാലത്ത് ജലജ മലയാള സിനിമയിൽ അഭിനയിച്ച കഥാപാത്രങ്ങൾ ഇന്നത്തെ നായികമാർക്ക് സ്വപ്നം കാണാൻ പറ്റുന്നതിലും അപ്പുറമായിരുന്നു. മാലിക്കിലും ജലജ ഗംഭീര പ്രകടനമാണ് കാഴ്ചവച്ചത്
ജലജ അവതരിപ്പിച്ച ജമീല എന്ന കഥാപാത്രത്തിന്റെ ചെറുപ്പകാലം അവതരിപ്പിച്ചത് മകൾ ദേവി ആയിരുന്നു. ദേവിയും ഗംഭീരപ്രകടനമാണ് കാഴ്ചവച്ചത്.
