മലയാളിക്ക് ഏറെ പ്രിയപ്പെട്ട താരദമ്പതികളാണ് ശ്രീകുമാറും സ്നേഹയും. കടിഞ്ഞൂൽ കൺമണിയ്ക്കായുള്ള കാത്തിരിപ്പിലായിരുന്നു ഇതുവരും. ഇപ്പോഴിതാ സ്നേഹയ്ക്കും ശ്രീകുമാറിനും ആൺകുഞ്ഞ് ജനിച്ചിരിക്കുകയാണ്. നിരവധി താരങ്ങൾ ഇരുവർക്കും ആശംസകൾ നേർന്നു. 2019 ഡിസംബർ 11ന് ആയിരുന്നു ഇരുവരുടെയും വിവാഹം.
ഇന്നലെ വൈകിട്ടാണ് സ്നേഹയ്ക്കും ശ്രീകുമാറിനും ആൺകുഞ്ഞ് ജനിച്ചത്.
എന്നാൽ കുഞ്ഞിന്റെ ചിത്രങ്ങൾ ഇരുവരും ഇതുവരെ പങ്കുവെച്ചിട്ടില്ല.
ഗർഭകാലത്തെ വിശേഷങ്ങളും മറ്റേണിറ്റി ഫോട്ടോഷൂട്ടും ഒക്കെ സ്നേഹ സോഷ്യൽ മീഡിയയിലൂടെ പങ്കുവെച്ചിരുന്നു.
കഴിഞ്ഞ ദിവസം നിറവയറുമായി ഒരു മ്യൂസിക്കൽ വീഡിയോ സ്നേഹ പങ്കുവെച്ചിരുന്നു. പൊന്നൂഞ്ഞാലി എന്ന ഗാനത്തിന്റെ ദൃശ്യാവിഷ്ക്കാരമാണ് ശ്രീകുമാറും സ്നേഹയും നടത്തിയത്.
മറിമായം എന്ന ടെലിവിഷൻ പരിപാടിയിലൂടെയാണ് സ്നേഹയും ശ്രീകുമാറും മലയാളി പ്രേക്ഷകർക്ക് സുപരിചിതരായത്. മണ്ഡോദരിയും ലോലിതനുമായി ഇരുവരും തകർത്തഭിനയിച്ചിരുന്നു.
