തെന്നിന്ത്യയിലെ പ്രമുഖ നടിമാരിലൊരാളാണ് ജ്യോതിക. കഴിഞ്ഞ കാല്‍ നൂറ്റാണ്ടിലേറെയായി ജ്യോതിക സിനിമാ മേഖലയില്‍ സജീവമായുണ്ട്.
Jyotika fitness secrets: തമിഴ് നടന്‍ സൂര്യയാണ് ജ്യോതികയുടെ ഭര്‍ത്താവ്. 45കാരിയായ ജ്യോതിക രണ്ട് കുട്ടികളുടെ അമ്മ കൂടിയാണ്. പ്രായം ഇത്രയായിട്ടും ജ്യോതികയുടെ ശരീരത്തെയോ ആരോഗ്യത്തെയോ അത് ബാധിച്ചിട്ടേയില്ല.
തിരക്കുപിടിച്ച ജീവിതത്തിനിടയിലും സ്വന്തം ആരോഗ്യ പരിപാലനത്തിന് ജ്യോതിക കൃത്യമായി സമയം മാറ്റിവെയ്ക്കാറുണ്ട്. വ്യായാമവും സമീകൃതാഹാര ശീലവുമാണ് ഇവയില്‍ പ്രധാനം. ജ്യോതികയുടെ ആരോഗ്യ രഹസ്യം എന്താണെന്ന് വിശദമായി നോക്കാം.
ദിവസവും രാവിലെ മുടങ്ങാതെ ജോഗിംഗിന് പോകുന്ന ശീലം ജ്യോതികയ്ക്കുണ്ട്. ആദ്യ ഭക്ഷണമായി തേങ്ങാവെള്ളമോ ഗ്രീന്‍ ടീയോ ആണ് ജ്യോതിക തന്റെ ശരീരത്തില്‍ എത്തിക്കുന്നത്.
ഭാരോദ്വഹനം, റോപ്പ് ട്രെയിനിംഗ്, ഹെഡ് സ്റ്റാന്‍ഡുകള്‍ തുടങ്ങി നിരവധി വ്യായാമങ്ങള്‍ മുടങ്ങാതെ ചെയ്യാന്‍ ജ്യോതിക ശ്രദ്ധിക്കാറുണ്ട്.
ജിമ്മിലെ വ്യായാമത്തിന് ശേഷം നേരെ സ്വിമ്മിംഗ് സെഷനിലേയ്‌ക്കോ അല്ലെങ്കില്‍ സ്പാ സെഷനിലേയ്‌ക്കോ ആണ് ജ്യോതിക പോകാറ്.
ഭക്ഷണ കാര്യങ്ങളിലും ജ്യോതിക അതീവശ്രദ്ധ പുലര്‍ത്താറുണ്ട്. കുറഞ്ഞ കലോറിയുള്ള ഭക്ഷണങ്ങളാണ് ജ്യോതിക തിരഞ്ഞെടുക്കാറ്. വീട്ടില്‍ പാകം ചെയ്തതും ആരോഗ്യകരമായ പഴങ്ങളും പച്ചക്കറികളുമെല്ലാം അടങ്ങിയ ദക്ഷിണേന്ത്യന്‍ ഭക്ഷണങ്ങള്‍ക്കാണ് ജ്യോതിക പ്രാധാന്യം നല്‍കാറുള്ളത്.
ശരീരത്തില്‍ ജലാംശം നിലനിര്‍ത്താനും ജ്യോതിക പ്രത്യേകം ശ്രദ്ധിക്കാറുണ്ട്. ഇതിനായി ജ്യൂസുകളാണ് ജ്യോതിക കുടിക്കാറുള്ളത്. ചിലപ്പോഴെല്ലാം താരം ചായയും ആസ്വദിക്കാറുണ്ട്.
