Kaduva Teaser : കണ്ണിന് കണ്ണ്, പല്ലിന് പല്ല് ; പൃഥ്വിരാജിന്റെ കടുവക്കുന്നേൽ കുറുവച്ചന്റെ ടീസറെത്തി

Kochi : പൃഥ്വിരാജിന്റെ (Prithviraj) ഏറ്റവും പുതിയ ചിത്രം കടുവയുടെ (Kaduva) ടീസറെത്തി (Teaser). പ്രേക്ഷകരെ ആവേശം കൊള്ളിക്കുന്ന തരത്തിലാണ് ടീസർ അവതരിപ്പിച്ചിരിക്കുന്നത്. ചിത്രം ഒരു മാസ് എന്റെർറ്റൈനർ ആയിരിക്കുമെന്നാണ് പ്രതീക്ഷിക്കുന്നത്. ചിത്രം 2022 ൽ റിലീസ് ചെയ്യും. പൃഥ്വിരാജ് -  ഷാജി കൈലാസ് (Shaji Kailas) കൂട്ടുക്കെട്ടിലെത്തുന്ന ചിത്രമെന്ന പ്രത്യേകത കൂടി കടുവയ്ക്കുണ്ട്  

ചിത്രം പ്രധാനമായും മുണ്ടക്കയം കുമളി ഭാഗങ്ങളിലാണ് ഷൂട്ട് ചെയ്യുന്നത്. ചിത്രം നിർമ്മിക്കുന്നത് പൃഥ്വിരാജും ലിസ്റ്റിൻ സ്റ്റീഫനും ചേർന്നാണ്. ചിത്രത്തിന്റെ തിരക്കഥ എഴുതിയിരിക്കുന്നത് ജിനു എബ്രഹാമാണ്. ഒരു  യഥാർഥ സംഭവകഥയെ ആസ്പദമാക്കിയുള്ള ചിത്രമാണ് കടുവയെന്നാണ് റിപ്പോർട്ടുകൾ സൂചിപ്പിക്കുന്നത്.

ALSO READ:  Kaduva Movie: പൃഥ്വിരാജ് ചിത്രം കടുവയുടെ ചിത്രീകരണം ആരംഭിച്ചു

ചിത്രത്തിൻറെ ടീസർ ഇതിനോടകം തന്നെ വൻ തോതിൽ പ്രേക്ഷക ശ്രദ്ധ നേടി കഴിഞ്ഞു.  ചിത്രം നിർമ്മിക്കുന്നത് ലിസ്റ്റിൻ സ്റ്റീഫന്റെ മാജിക് ഫ്രെയിംസും പൃഥ്വിരാജ് പ്രൊഡക്ഷന്സും സംയുക്തമായി ആണ്. ഷാജി കൈലാസ് 8 വർഷങ്ങൾക്ക് ശേഷം സംവിധാനം ചെയ്യുന്ന ചിത്രം എന്ന പ്രത്യകത കൂടി കടുവയ്ക്കുണ്ട്. 

ALSO READ:  Kaduva Movie : മാസ് ലുക്കിൽ പൃഥ്വിരാജ്; കടുവാക്കുന്നേല്‍ കുറുവാച്ചന്റെ പുത്തൻ ചിത്രം പങ്ക് വെച്ച് ഷാജി കൈലാസ്

മാസ്റ്റേഴ്സ്', 'ലണ്ടന്‍ ബ്രിഡ്ജ്'' തുടങ്ങിയ ചിത്രങ്ങളുടെ തിരക്കഥാകൃത്തും ആദം സിനിമയുടെ സംവിധായകനുമാണ് സിനിമയുടെ തിരക്കഥാകൃത്തായ ജിനു എബ്രഹാം. പൃഥ്വിരാജ് - ഷാജി കൈലാസ് എന്നിവർ ഒന്നിക്കുന്ന രണ്ടാമത്തെ ചിത്രമാണ് കടുവ. വർഷങ്ങൾക്ക് ശേഷം ഷാജി കൈലാസിന്റെ  സംവിധാന രംഗത്തേക്കുള്ള മടങ്ങി വരവ് കൂടിയാണ് കടുവ എന്ന സിനിമ.

 കേരളത്തിലെ (Kerala) 1990 കളിലെ അന്തരീക്ഷത്തിലായിരിക്കും ചിത്രം ചിത്രീകരിക്കുകയെന്ന റിപ്പോർട്ടുകൾ സൂചിപ്പിക്കുന്നുണ്ട്.വിവേക് ഒബ്റോയ് ലൂസിഫറിന് ശേഷം മലയാളത്തിൽ വില്ലനായെത്തുന്ന ചിത്രമാണ് കടുവ.   

ALSO READ:  Kaduva Movie: കടുവയിൽ പൃഥ്വിരാജിൻ്റെ മകളായി വൈറൽ പെൺകുട്ടി വൃദ്ധി വിശാൽ എത്തുന്നു

ഏപ്രിൽ പത്തിന് ചിത്രത്തിന്റെ നിർമ്മാണ പ്രവർത്തങ്ങൾ കോടതി തടഞ്ഞിരുന്നു. ഇരിങ്ങാലക്കുട പ്രിൻസിപ്പൽ സബ് ജഡ്ജ് കോടതി നിർമ്മാതാവും പ്രവാസിയുമായ അനുരാഗ് അഗസ്റ്റസിന്റെ സ്വകാര്യ അന്യായം പരിഗണിച്ച ശേഷമാണ് നടപടി സ്വീകരിച്ചത്.    തനിക്ക് 10 ലക്ഷം രൂപയ്ക്ക് നൽകിയ തിരക്കഥയാണ് ഇപ്പോൾ സിനിമയാക്കുന്നതെന്ന പരാതിയുമായി ആണ് അനുരാഗ് രംഗത്തെത്തിയത്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...