നടിയും അവതാരകയുമായ പേളി മാണിക്കും നടൻ ശ്രീനിഷിനും പെൺകുഞ്ഞ് പിറന്നു. ഒമ്പത് മാസങ്ങളുടെ കാത്തിരിപ്പിനൊടുവിൽ ഞങ്ങൾ കണ്ടു മുട്ടി. എനിക്കൊരു പെൺകുഞ്ഞ് കൂടി പിറന്നു, ഈ നിമിഷം ഏറെ വിലപ്പെട്ടതാണെന്നും നിങ്ങളുടെ പ്രാർത്ഥനകൾക്കും സ്നേഹത്തിനും നന്ദിയെന്നാണ് പേളി തന്റെ സോഷ്യൽ മീഡിയയിൽ കുറിച്ചത്. സോഷ്യൽ മീഡിയയിൽ ഏറെ സജീവമായ കുടുംബമാണ് പേളിയുടേത്. ബിഗ് ബോസ് എന്ന പ്രമുഖ റിയാലിറ്റി ഷോയിലൂടെയാണ് ഇരുവരും കണ്ടുമുട്ടിയത്. കുറച്ചു ദിവസത്തെ ഒന്നിച്ചുള്ള മത്സരത്തിനിടയിൽ ഇരുവരും പ്രണയത്തിലാവുകയും പിന്നീടത് വിവാഹത്തിലെത്തുകയുമായിരുന്നു. ആദ്യത്തെ കുഞ്ഞും പെൺകുട്ടിയായിരുന്നു.
ALSO READ: മുണ്ടൂരൽ എന്റെ ഐഡിയ...! ചിരിപടർത്തിയ സീനിനു പിന്നിലെ റിയൽ സ്റ്റോറി പറഞ്ഞ് സജിൻ
നില എന്നാണ് കുഞ്ഞിന്റെ പേര്. പേളിയേയും ശ്രീനിഷിനെയും പോലെ തന്നെ നില ബേബിയും സോഷ്യൽ മീഡിയയിൽ സജീവമാണ്. നിലക്കുട്ടിക്കുമുണ്ട് സ്വന്തമായി ഒരു ഇൻസ്റ്റഗ്രാം പേജ്. കുഞ്ഞിന്റെ കളിയും വർത്തമാനവും ഒക്കെ നിറഞ്ഞു നിൽക്കുന്ന ആ പേജിനും നിരവധി ഫോളോവേഴ്സും ആരാധകരുമാണ് ഉള്ളത്. ഇനി ഈ കുഞ്ഞിന്റെ സോഷ്യൽ മീഡിയ അക്കൗണ്ട് എപ്പോൾ എത്തും എന്നത് കണ്ടറിയേണ്ടിയിരിക്കുന്നു. രണ്ടാമത്തെ കുഞ്ഞിന്റെ വളക്കാപ്പ് ചിത്രങ്ങളും പ്രസവത്തോടനുബന്ധിച്ചുള്ള മറ്റ് വിശേഷങ്ങളുമെല്ലാം പേളി എപ്പോഴും സോഷ്യൽ മീഡിയയിൽ പങ്കുവെക്കാറുണ്ടായിരുന്നു. പേളിയുടെ ഗർഭവിശേഷങ്ങൾ മാധ്യമങ്ങൾ ആഘോഷമാക്കുകയാണെന്നുള്ള സോഷ്യൽ മീഡിയ ചർച്ചകൾ ഉയർന്നു വന്നപ്പോൾ അതിന് പ്രതികരണവുമായി പേളി തന്നെ രംഗത്തു വന്നിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.
