Nayanthara Documentary: 'എന്റെ മോളെ എനിക്കറിയാം'...ജീവിതം പറഞ്ഞ് ലേഡി സൂപ്പർസ്റ്റാർ, ട്രെയിലർ പുറത്ത്

തെന്നിന്ത്യൻ പ്രേക്ഷകരുടെ പ്രിയപ്പെട്ട നടിയാണ് ലേഡി സൂപ്പർ സ്റ്റാറാർ നയൻതാര. സിനിമ പോലെ തന്നെ ആഘോഷിക്കപ്പെട്ട മറ്റൊന്നായിരുന്നു താരത്തിന്റെ വിവാഹവും. സംവിധായകൻ വിഘ്നേശ് ശിവനുമായാണ് നയൻതാര വിവാഹിതയായത്. രണ്ടു വര്‍ഷത്തോളമായി ആരാധകര്‍ ഏറെ ആകാംക്ഷയോടെ കാത്തിരുന്ന ആ വിവാഹ ദൃശ്യങ്ങൾ ഒടുവില്‍ ഒടിടിയില്‍ എത്തുകയാണ്.

നയൻതാരയുടെ സിനിമാജീവിതവും സ്വകാര്യജീവിതവും കോർത്തിണക്കി സംവിധായകൻ ​ഗൗതം മേനോൻ ഒരുക്കുന്ന ഡോക്യുമെന്ററിയുടെ ട്രെയിലർ നെറ്റ്ഫ്ലിക്സ് പുറത്ത് വിട്ടു. താരത്തിന്റെ പിറന്നാൾ ദിനമായ നവംബർ 18ന് 'നയൻതാര: ബിയോണ്ട് ദി ഫെയറി ടേൽ' എന്ന ഡോക്യുഫിലം സ്ട്രീം ചെയ്യും. ഒരു മണിക്കൂറും 21 മിനിറ്റുമായിരിക്കും വിവാഹ ഡോക്യുമെന്ററിയുടെ ദൈര്‍ഘ്യം. 

Read Also: കടുത്ത അതൃപ്തിയില്‍ പി പി ദിവ്യ; തരം താഴ്ത്തിയത് തന്നോട് ചോദിക്കാതെ, രാഷ്ട്രീയം അവസാനിപ്പിച്ചേക്കും!

വിവാദങ്ങൾ ഒട്ടെറെ നിറഞ്ഞതായിരുന്നു നയൻതാരയുടെ ജീവിതം. എന്നിരുന്നാലും താരം അത്തരം വാർത്തകളോട് പ്രതികരിച്ചിരുന്നില്ല. എന്നാൽ ആ വിവാദങ്ങൾക്കുള്ള മറുപടി കൂടിയായിരിക്കും ഡോക്യുമെന്ററി എന്നാണ് സൂചന.  നടിയുടെ അമ്മ ഓമനകുര്യനും ഡോക്യുമെന്ററിയിൽ എത്തുന്നുണ്ട്. എനിക്കറിയാം എന്‍റെ മോളെ, ദൈവത്തിനു ശേഷം എനിക്കാണ് അവളെ അറിയാവുന്നത് എന്നാണ് അമ്മ ട്രെയിലറില്‍ പറയുന്നത്.

സംവിധായകൻ ആറ്റ്ലി, റാണ ദഗ്ഗുബതി, തപ്‌സി പന്നു, നാഗാർജുന അക്കിനേനി, രാധിക ശരത്കുമാർ തുടങ്ങിയവർ നയൻതാരയെ കുറിച്ച് സംസാരിക്കുന്നത് ഇന്ന് പുറത്തുവിട്ട രസകരമായ ട്രെയിലറില്‍ കാണാം. 

ഏറെ നാളത്തെ പ്രണയത്തിന് ശേഷം 2022 ജൂൺ ഒമ്പതിനായിരുന്നു നയൻതാരയുടെയും വിഘ്നേശ് ശിവയുടെയും വിവാഹം. സൂപ്പർ താരങ്ങൾ ഉൾപ്പെടെ നിരവധി പേരാണ് വിവാഹത്തിൽ പങ്കെടുത്തത്. മഹാബലിപുരത്തെ ഷെറാടൺ ​ഗ്രാൻഡ് റിസോർട്ടിലായിരുന്നു വിവാഹ വേദി. ഒടിടി പ്ലാറ്റ്ഫോമായ നെറ്റ്ഫ്ലിക്സിന് മാത്രമായിരുന്നു ചടങ്ങിന്റെ ദൃശ്യങ്ങൾ പകർത്താൻ അനുമതി നൽകിയിരുന്നത്. 

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.