Kochi: ആരാധകര്‍ ഏറെ ആകാംഷയോടെ കാത്തിരിക്കുന്ന ചിത്രം ദൃശ്യം 2വിന്‍റെ ട്രെയ് ലര്‍ ഉടന്‍ തന്നെ റിലീസ് ചെയ്യുമെന്ന് മോഹന്‍ലാല്‍ (Mohanlal)
ട്രെയ് ലര്‍ റിലീസ് തിയതി പ്രഖ്യാപിച്ചു കൊണ്ട് മോഹന്‍ലാല്‍ (Mohanlal) തന്നെയാണ് തന്‍റെ സോഷ്യല്‍ മീഡിയ ഹാന്‍ഡിലുകളില്‍ പോസ്റ്റ് ചെയ്തത്. ആമസോണ്‍ പ്രൈമിലാണ് (Amazon Prime) ട്രെയ് ലര്‍ റിലീസ് ചെയ്യുക.
കാത്തിരിപ്പിന് വിരാമമിട്ട് ഫെബ്രുവരി എട്ടാം തിയതിയാവും ട്രെയ് ലര്‍ പ്രേക്ഷകരില്‍ എത്തുക. സിനിമയും ഫെബ്രുവരിയില്‍ത്തന്നെ പുറത്തിറങ്ങും എന്നാണ് സൂചന. കഴിഞ്ഞ ദിവസം ചിത്രത്തിന്‍റെ പോസ്റ്റ് പ്രൊഡക്ഷന്‍ ജോലികള്‍ പൂര്‍ത്തിയായതായി സംവിധായകന്‍ ജീത്തു ജോസഫ് അറിയിച്ചിരുന്നു.
The mystery continues... #Drishyam2Trailer out on Feb 8!#Drishyam2OnPrime coming soon, @PrimeVideoIN.#MeenaSagar #JeethuJoseph @antonypbvr@aashirvadcine @drishyam2movie #SatheeshKurup pic.twitter.com/qNiNZ93tRJ
— Mohanlal (@Mohanlal) February 5, 2021
ജനുവരി 26ന് തിയേറ്റര്‍ റിലീസ് പ്രതീക്ഷിച്ച ചിത്രമാണ് ദൃശ്യം 2 (Drishyam 2). എന്നാല്‍ കോവിഡ് മൂലം സിനിമയുടെ ചിത്രീകരണം വൈകിയിരുന്നു. 2020 സെപ്റ്റംബര്‍ 21നാണ് ചിത്രീകരണം ആരംഭിച്ചത്. കര്‍ശനമായ കോവിഡ് നിയന്ത്രണങ്ങള്‍ പാലിച്ചായിരുന്നു ചിത്രീകരണം. മോഹന്‍ലാല്‍ ഉള്‍പ്പെടെയുള്ള അഭിനേതാക്കള്‍ ഷൂട്ടി൦ഗ് തീരുന്നത് വരെ ക്രൂവിനൊപ്പം താമസിച്ചാണ് ചിത്രീകരണം പൂര്‍ത്തിയാക്കിയത്.
മോഹന്‍ലാല്‍-ജീത്തു ജോസഫ്-ആന്‍റണി പെരുമ്പാവൂര്‍ കൂട്ടുകെട്ടിന്‍റെ ദൃശ്യം രണ്ടാം ഭാഗം ഏറെ ആകാംഷയോടെയാണ് പ്രേക്ഷകര്‍ കാത്തിരിയ്ക്കുന്നത്. ദൃശ്യം ഒന്നാംഭാഗത്തിലെ ടീം തന്നെയാണ് രണ്ടാം ഭാഗത്തിലും. മോഹന്‍ലാല്‍, മീന എന്നിവരുടെ മക്കളായി അഭിനയിച്ച അന്‍സിബ ഹസന്‍, എസ്തര്‍ അനില്‍ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്‌.
മലയാള സിനിമയില്‍ ആദ്യമായി സെറ്റിലെ എല്ലാവര്‍ക്കും കോവിഡ് ടെസ്റ്റ് നടത്തിയശേഷം ചിത്രീകരണം പ്രഖ്യാപിച്ച ചിത്രമാണ് ദൃശ്യം 2. സെറ്റില്‍ സജീവമായുള്ള ഒരാള്‍ക്കും ഷൂട്ടിംഗ് കഴിയുന്ന വരെ പുറത്തുനിന്നും വരുന്നവരുമായി സമ്പര്‍ക്കമുണ്ടായിരുന്നില്ല. ഇവര്‍ സിനിമാ ചിത്രീകരണത്തിന്‍റെ പരിസരം വിട്ട് പുറത്തു പോകാനും പാടില്ല എന്നായിരുന്നു നിര്‍ദ്ദേശം....
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE Hindustan App. ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ Twitter, Facebook ലിങ്കുകളിൽ ക്ലിക്കുചെയ്യുക.
