അരുൺ ഡി ജോസ് സംവിധാനം ചെയ്ത 18 പ്ലസ് തീയേറ്ററുകളിൽ വലിയ വിജയമായിരുന്നു. ജോ ആൻഡ് ജോ (2022) എന്ന ചിത്രത്തിലൂടെയാൺണ് അരുൺ സംവിധാന രംഗത്തേക്ക് എത്തുന്നത്. നെയ്മർ (2023) എന്ന ചിത്രത്തിന് ശേഷം സൂപ്പർഹിറ്റ് കോംബോ നസ്‌ലിനും മാത്യു തോമസും 18 പ്ലസിലൂടെ വീണ്ടും ഒന്നിക്കുകയാണ്. നിഖില വിമലും 18 പ്ലസിൽ എത്തുന്നുണ്ട്.
അരുൺ ഡിയും രവീഷ് നാഥും ചേർന്നാണ് 18 പ്ലസിന്റെ രചന. ഫലൂദയും റീൽസ് മാജിക്കും ചേർന്നാണ് നിർമ്മിക്കുന്നത്. സതീഷ് കുറുപ്പ് ഛായാഗ്രഹണവും ക്രിസ്റ്റോ സേവ്യർ സംഗീത സംവിധാനവും നിർവ്വഹിക്കുന്നു. ചമൻ ചാക്കോയാണ് എഡിറ്റർ. ജൂലൈ 7-നായിരുന്നു ചിത്രം തീയ്യേറ്ററുകളിൽ എത്തിയത്. 2009 പശ്താത്തലമാക്കിയ പ്രണയ കഥയാണ് ചിത്രം പറയുന്നത്.
#TheJourenyOfLove18+ 11 days KERALA gross - 4.35 Cr & World wide collection - ₹5.4 Cr Average!! pic.twitter.com/7Sj5AgLWfV
— Kerala Box Office (@KeralaBxOffce) July 18, 2023
11 ദിവസത്തെ കളക്ഷനായി കേരള ബോക്സോഫീസിൻറെ ട്വിറ്റർ പേജിൽ നൽകിയിരിക്കുന്ന കണക്ക് 5.4 കോടിയാണ്. കേരളത്തിൽ നിന്നും മാത്രം 4.35 കോടിയും ചിത്രം നേടി. ഏകദേശം 8 കോടി ബജറ്റിലാണ് ചിത്രം നിർമ്മിച്ചിരിക്കുന്നത്.ഈ ചിത്രത്തിന്റെ OTT റിലീസ് തീയതി ജൂലൈ അവസാന മാസത്തിൽ പ്രതീക്ഷിക്കാം എന്നാണ് റിപ്പോർട്ട്. ചിത്രം സോണി ലിവിൽ ആയിരിക്കും സ്ട്രീം ചെയ്യുന്നത്. ഇതുവരെ നിർമ്മാതാക്കൾ ഔദ്യോഗികമായി തീയ്യതിയോ പ്ലാറ്റ്ഫോമോ പ്രഖ്യാപിച്ചിട്ടില്ല.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
