Vande Bharat Train Update: രാജ്യത്തിന്‌ 5 പുതിയ വന്ദേ ഭാരത് ട്രെയിനുകൾകൂടി സമ്മാനിച്ച്‌ ഇന്ത്യന്‍ റെയില്‍വേ. ഈ പുതിയ ട്രെയിനുകള്‍ പ്രധാനമന്ത്രി നരേന്ദ്ര മോദി ഇന്ന് ഭോപ്പാലിലെ റാണി കമലപതി റെയിൽവേ സ്റ്റേഷനിൽ നിന്ന് നിന്ന് ഫ്ലാഗ് ഓഫ് ചെയ്യും.
Also Read: Kerala Rain Alert: സംസ്ഥാനത്ത് ഇന്ന് കാലവർഷം കനക്കും, 8 ജില്ലകളിൽ യെല്ലോ അലർട്ട്
പ്രധാനമന്ത്രിയുടെ മധ്യപ്രദേശ് സന്ദർശന വേളയിലാണ് ഈ പുതിയ ട്രെയിനുകള്‍ ഫ്ലാഗ് ഓഫ് ചെയ്യുക. ഈ 5 ട്രെയിനുകൾ മധ്യപ്രദേശ്, മഹാരാഷ്ട്ര, ഗോവ, ബിഹാർ, ജാർഖണ്ഡ് എന്നിവിടങ്ങളിൽ ട്രെയിന്‍ യാത്ര കൂടുതല്‍ സൗകര്യപ്രദമാക്കും എന്ന് റെയില്‍വേ അറിയിച്ചു. പ്രധാനമന്ത്രിയും ഈ വിവരം ട്വീറ്റിലൂടെ പങ്കുവച്ചിരുന്നു.
Also Read: Hanumanji Favourite Zodiac Signs: ഹനുമാന് പ്രിയം ഈ രാശിക്കാരോട്, നൽകും വൻ സമ്പൽസമൃദ്ധി!
അതേസമയം, മധ്യ പ്രദേശില്‍ കനത്ത മഴയായതിനാല്‍ പ്രധാനമന്ത്രി നരേന്ദ്ര മോദിയുടെ പരിപാടിയില്‍ മാറ്റങ്ങള്‍ ഉള്ളതായി മുഖ്യമന്ത്രി ശിവ് രാജ് സിംഗ് ചൗഹാൻ അറിയിച്ചു. ഈ വര്‍ഷം നിയമസഭ തിരഞ്ഞെടുപ്പ് നടക്കാനിരിയ്ക്കുന്ന മധ്യ പ്രദേശിന്‌ രണ്ട് വന്ദേ ഭാരത് ട്രെയിനുകള്‍ ആണ് ലഭിക്കുക...!!
പ്രധാനമന്ത്രി റാണി കമലാപതി റെയിൽവേ സ്റ്റേഷനിലെത്തി അഞ്ച് വന്ദേ ഭാരത് എക്സ്പ്രസ് ട്രെയിനുകൾ ഫ്ലാഗ് ഓഫ് ചെയ്യും. റാണി കമലാപതി-ജബൽപൂർ വന്ദേ ഭാരത് എക്സ്പ്രസ്, ഖജുരാഹോ-ഭോപ്പാൽ-ഇൻഡോർ വന്ദേ ഭാരത് എക്സ്പ്രസ്, മഡ്ഗാവ് (ഗോവ)-മുംബൈ വന്ദേ ഭാരത് എക്സ്പ്രസ്, ധാർവാഡ്-ബെംഗളൂരു വന്ദേ ഭാരത് എക്സ്പ്രസ്, ഹാട്ടിയ-പറ്റ്ന വന്ദേ ഭാരത് എക്സ്പ്രസ് എന്നിവയാണ് ഈ പുതിയ ട്രെയിനുകള്‍.
റാണി കമലാപതി-ജബൽപൂർ വന്ദേ ഭാരത് എക്സ്പ്രസ് മഹാകൗശൽ മേഖലയെ (ജബൽപൂർ) മധ്യപ്രദേശിലെ മധ്യമേഖലയുമായി (ഭോപ്പാൽ) ബന്ധിപ്പിക്കും. കൂടാതെ, മെച്ചപ്പെട്ട കണക്റ്റിവിറ്റി വിനോദസഞ്ചാര സ്ഥലങ്ങളായ ഭേരഘട്ട്, പച്മറി, സത്പുര മുതലായവയ്ക്ക് ഗുണം ചെയ്യും. റൂട്ടിലെ ഏറ്റവും വേഗതയേറിയ ട്രെയിനിനെ അപേക്ഷിച്ച് ട്രെയിൻ ഏകദേശം മുപ്പത് മിനിറ്റ് കൂടുതല്‍ വേഗതയുള്ളതായിരിക്കും.
ഖജുരാഹോ-ഭോപ്പാൽ-ഇൻഡോർ വന്ദേ ഭാരത് എക്സ്പ്രസ് മാൾവ മേഖല (ഇൻഡോർ), ബുന്ദേൽഖണ്ഡ് മേഖല (ഖജുരാഹോ) എന്നിവിടങ്ങളിൽ നിന്ന് മധ്യമേഖലയിലേക്ക് (ഭോപ്പാൽ) കണക്റ്റിവിറ്റി മെച്ചപ്പെടുത്തും. മഹാകാലേശ്വർ, മണ്ടു, മഹേശ്വര്, ഖജുരാഹോ, പന്ന തുടങ്ങിയ പ്രധാന വിനോദസഞ്ചാര കേന്ദ്രങ്ങൾക്ക് ഇത് ഗുണം ചെയ്യും. റൂട്ടിൽ നിലവിലുള്ള ഏറ്റവും വേഗതയേറിയ ട്രെയിനിനേക്കാൾ രണ്ട് മണിക്കൂറും മുപ്പത് മിനിറ്റും വേഗത്തിലായിരിക്കും ട്രെയിൻ ഓടുക.
മഡ്ഗാവ് (ഗോവ)-മുംബൈ വന്ദേ ഭാരത് എക്സ്പ്രസ് ഗോവയുടെ ആദ്യ വന്ദേ ഭാരത് എക്സ്പ്രസ് ആയിരിക്കും. മുംബൈയിലെ ഛത്രപതി ശിവാജി മഹാരാജ് ടെർമിനസിനും ഗോവയിലെ മഡ്ഗാവ് സ്റ്റേഷനും ഇടയിലാണ് ഇത് ഓടുക. രണ്ട് സ്ഥലങ്ങളെയും ബന്ധിപ്പിക്കുന്ന നിലവിലെ ഏറ്റവും വേഗതയേറിയ ട്രെയിനുമായി താരതമ്യപ്പെടുത്തുമ്പോൾ ഇത് ഒരു മണിക്കൂർ യാത്രാ സമയം ലാഭിക്കാൻ സഹായിക്കും.
ധാർവാഡ്-ബെംഗളൂരു വന്ദേ ഭാരത് എക്സ്പ്രസ് കർണാടകയിലെ പ്രധാന നഗരങ്ങളായ ധാർവാഡ്, ഹുബ്ബള്ളി, ദാവൻഗെരെ എന്നിവയെ സംസ്ഥാന തലസ്ഥാനമായ ബെംഗളൂരുവുമായി ബന്ധിപ്പിക്കും. മേഖലയിലെ വിനോദസഞ്ചാരികൾക്കും വിദ്യാർത്ഥികൾക്കും വ്യവസായികൾക്കും മറ്റും ഇത് വളരെയധികം പ്രയോജനം ചെയ്യും. റൂട്ടിലെ ഏറ്റവും വേഗതയേറിയ ട്രെയിനിനെ അപേക്ഷിച്ച് ട്രെയിൻ ഏകദേശം മുപ്പത് മിനിറ്റ് വേഗതയുള്ളതായിരിക്കും.
ഹാട്ടിയ-പറ്റ്ന വന്ദേ ഭാരത് എക്സ്പ്രസ് ജാർഖണ്ഡിനും ബിഹാറിനും വേണ്ടിയുള്ള ആദ്യത്തെ വന്ദേ ഭാരത് ആയിരിക്കും. പറ്റ്നയും റാഞ്ചിയും തമ്മിലുള്ള ബന്ധം വര്‍ദ്ധിപ്പിക്കുന്ന ഈ ട്രെയിൻ വിനോദസഞ്ചാരികൾക്കും വിദ്യാർത്ഥികൾക്കും വ്യവസായികൾക്കും അനുഗ്രഹമാകും. രണ്ട് സ്ഥലങ്ങളെയും ബന്ധിപ്പിക്കുന്ന നിലവിലെ ഏറ്റവും വേഗതയേറിയ ട്രെയിനുമായി താരതമ്യപ്പെടുത്തുമ്പോൾ ഇത് ഒരു മണിക്കൂറും ഇരുപത്തിയഞ്ച് മിനിറ്റും യാത്രാ സമയം ലാഭിക്കാൻ സഹായിക്കും. ട്രെയിനിന്‍റെ വേഗത സംബന്ധിക്കുന്ന വിവരങ്ങള്‍ ഇന്ത്യന്‍ റെയില്‍വേ തങ്ങളുടെ ഔദ്യോഗിക പ്രസ്താവനയിൽ അറിയിച്ചു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
