നീറ്റ് പിജി കൗൺസിലിംഗിന്റെ ആദ്യഘട്ട രജിസ്ട്രേഷൻ തിങ്കളാഴ്ച (ജനുവരി 17) അവസാനിക്കും. യോഗ്യത നേടിയ വിദ്യാർഥികൾക്ക് കൗൺസിലിംഗിന്റെ ആദ്യ റൗണ്ടിനായി ഔദ്യോഗിക വെബ്‌സൈറ്റായ mcc.nic.in-ൽ അപേക്ഷിക്കാം. ഷെഡ്യൂൾ അനുസരിച്ച്, ഔദ്യോഗിക വെബ്‌സൈറ്റിൽ രജിസ്റ്റർ ചെയ്തവർക്ക് നാളെ ഉച്ചകഴിഞ്ഞ് 3 മണി വരെ പണമടയ്ക്കാം. ചോയ്‌സുകൾ പൂരിപ്പിച്ച് ലോക്ക് ചെയ്യാനും കഴിയും. NEET PG കൗൺസിലിംഗിന്റെ ആദ്യ റൗണ്ടിലേക്കുള്ള രജിസ്ട്രേഷൻ ജനുവരി 12നാണ് ആരംഭിച്ചത്.
നീറ്റ് പിജി കൗൺസലിംഗ് 2021: പ്രധാനപ്പെട്ട തീയതികൾ
- സീറ്റ് അലോട്ട്‌മെന്റ് നടപടികൾ ജനുവരി 21ന് അവസാനിക്കും.
- ജനുവരി 22-ന് ഒന്നാം റൗണ്ടിലെ സീറ്റ് അലോട്ട്‌മെന്റ് ഫലം വിദ്യാർത്ഥികൾക്ക് പരിശോധിക്കാം.
- സീറ്റ് അലോട്ട്‌മെന്റിന്റെ രണ്ടാം റൗണ്ടിലേക്കുള്ള രജിസ്ട്രേഷൻ നടപടികൾ ഫെബ്രുവരി മൂന്നിന് ആരംഭിക്കും.
- അലോട്ട്‌മെന്റിന്റെ രണ്ടാം ഘട്ട രജിസ്ട്രേഷൻ ഫെബ്രുവരി ഏഴിന് അവസാനിക്കും.
കൗൺസിലിംഗ് ഫോം പൂരിപ്പിക്കുമ്പോൾ ആവശ്യമായ രേഖകൾ
- NEET 2021 അഡ്മിറ്റ് കാർഡ്
- ആധാർ കാർഡും മറ്റൊരു ഐഡി പ്രൂഫും
- ഓൺലൈൻ അപേക്ഷാ ഫോമിന്റെ പകർപ്പ്.
- പ്ലസ് ടു മാർക്ക് ഷീറ്റ്
- പ്രായം തെളിയിക്കുന്നതിനായി പത്താം ക്ലാസ് സർട്ടിഫിക്കറ്റ്
- NEET മാർക്ക് ഷീറ്റ്
- പൗരത്വ സർട്ടിഫിക്കറ്റ്
രജിസ്റ്റർ ചെയ്യാനുള്ള നടപടികൾ
- nic.in എന്ന വെബ്സൈറ്റ് സന്ദർശിക്കുക.
- ഹോംപേജിൽ, PG അല്ലെങ്കിൽ UG കൗൺസലിംഗ് ടാബിൽ ക്ലിക്ക് ചെയ്യുക.
- രജിസ്ട്രേഷൻ ലിങ്ക് കാണിക്കുന്ന മറ്റൊരു വിൻഡോയിലേക്ക് പോകും.
- രജിസ്ട്രേഷൻ ലിങ്കിൽ ക്ലിക്ക് ചെയ്യുക.
- ആവശ്യമായ വിവരങ്ങൾ പൂരിപ്പിച്ച് ലോഗിൻ ചെയ്യുക.
- ലോഗിൻ ചെയ്ത ശേഷം, അപേക്ഷാ ഫോം സ്ക്രീനിൽ ദൃശ്യമാകും.
- ഫോം പൂരിപ്പിച്ച് രേഖകൾ അപ്‌ലോഡ് ചെയ്യുക.
- രജിസ്ട്രേഷൻ ഫീസ് അടച്ച് സബ്മിറ്റ് ചെയ്യുക.
- അപേക്ഷകർ അപേക്ഷാ ഫോമിന്റെ പ്രിന്റൗട്ട് എടുക്കാൻ നിർദ്ദേശിക്കുന്നു.
സംവരണ നയം
- പട്ടികജാതി (എസ്‌സി) - 15 ശതമാനം
- പട്ടികവർഗ്ഗം (എസ്ടി) - 7.5 ശതമാനം
- മറ്റ് പിന്നാക്ക വിഭാഗങ്ങൾ (ഒബിസി) (നോൺ-ക്രീമി ലെയർ) (കേന്ദ്ര ഒബിസി പട്ടിക പ്രകാരം) - 27 ശതമാനം
- സാമ്പത്തികമായി പിന്നാക്കം നിൽക്കുന്ന വിഭാഗങ്ങൾ (ഇഡബ്ല്യുഎസ്) (കേന്ദ്ര സർക്കാർ മാനദണ്ഡങ്ങൾ അനുസരിച്ച്) - 10 ശതമാനം
- വികലാംഗർ (PwD) (ദേശീയ മെഡിക്കൽ കമ്മീഷൻ മാനദണ്ഡങ്ങൾ അനുസരിച്ച് തിരശ്ചീന സംവരണം) - 5 ശതമാനം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
