Skipping Benefits: ജീവിതത്തില്‍ ഒരിയ്ക്കലെങ്കിലും സ്കിപ്പിംഗ് ചെയ്യാത്തവര്‍ ഉണ്ടാവില്ല. കുട്ടിക്കാലത്ത് പലര്‍ക്കും ഇത് ഒരു വിനോദമായിരുന്നു. പിന്നീട് നാം വളര്‍ന്നതോടെ സ്കിപ്പിംഗ് നമ്മുടെ ജീവിതതി നിന്ന് അപ്രത്യക്ഷമായി എന്ന് തന്നെ പറയാം...
Also Read: Curd Benefits: വേനല്‍ക്കാലത്ത് തൈര് കഴിച്ചോളൂ,ഈ ഭക്ഷണങ്ങള്‍ക്കൊപ്പം പാടില്ല
എന്നാല്‍, ഇന്ന് കഥ മാറി. സ്കിപ്പിംഗ് വീണ്ടും നമ്മുടെ ജീവിതത്തില്‍ ഇടം പിടിയ്ക്കുകയാണ്. അതായത്, ഫിറ്റ്നസ് സെന്‍റുകളിൽ പോകാൻ സമയവും സൗകര്യവും ഇല്ലാത്തവര്‍ക്ക് വളരെ കുറഞ്ഞ ചിലവില്‍ ആരോഗ്യം മെച്ചപ്പെടുത്താനുള്ള ഉപായമാണ് സ്കിപ്പിംഗ്. ഫിറ്റ്നസുമായി ബന്ധപ്പെട്ട് സ്കിപ്പിംഗ് എങ്ങനെ സഹായകമാകുന്നു എന്ന് നോക്കാം.
Also Read: Teeth Health: മഞ്ഞപ്പല്ലുകള്‍ക്ക് ബൈ ബൈ, പല്ലുകള്‍ മുത്ത് പോലെ വെട്ടിത്തിളങ്ങാന്‍ ഇതാ വഴിയുണ്ട്
വെറുമൊരു കളിയായി സ്കിപ്പിംഗിനെ ഇനി കാണണ്ട. ഇത് മികച്ച ഒരു കാർഡിയോ എക്സർസൈസ് ആണ്. ശരീരം മുഴുവൻ എപ്പോഴും ആക്റ്റിവ് ആയി നിലനിർത്താൻ ഇത് സഹായിക്കും. സ്കിപ്പിംഗ് നല്‍കുന്ന ആരോഗ്യപരമായ ഗുണങ്ങള്‍ അറിയാം.
സ്കിപ്പിംഗ് ശരീരത്തിന് മുഴുവന്‍ വ്യായാമം
ദിവസവും അര മണിക്കൂര്‍ സ്കിപ്പിംഗ് ചെയ്യുന്നത് നിങ്ങളുടെ ശരീരത്തിന് മുഴുവന്‍ ഊര്‍ജ്ജം നല്‍കും.
സ്കിപ്പിംഗ് ഹൃദയാരോഗ്യത്തിന് മികച്ചത്
സ്കിപ്പിംഗ് ഒരു മികച്ച കാർഡിയോ എക്സർസൈസ് ആണ്. ഹൃദയത്തിന്‍റെ പ്രവർത്തനങ്ങളെ സുഗമമാക്കാൻ ഇത് സഹായിയ്ക്കും. ഹൃദയത്തെ കരുത്തുള്ളതാക്കി മാറ്റുന്നത് കൂടാതെ, ഹൃദ്രോഗം, സ്ട്രോക്ക് എന്നിവയ്ക്കുള്ള സാധ്യതകൾ ഒഴിവാക്കാനും സ്കിപ്പിംഗ് സഹായിയ്ക്കും.
സ്കിപ്പിംഗ് ശരീരത്തിന്‍റെ ബാലന്‍സും കരുത്തും വര്‍ദ്ധിപ്പിക്കും.
ശരീരത്തിന്‍റെ കരുത്തും ബാലന്‍സും മെച്ചപ്പെടുത്താൻ സ്കിപ്പിംഗ് സഹായിയ്ക്കും. അല്പം ശ്രദ്ധയോടെയും എകാഗ്രതയുള്ള മനസോടെയും മാത്രമേ സ്കിപ്പിംഗ് കൃത്യമായി ചെയ്യാൻ സാധിക്കൂ. സ്കിപ്പിംഗ് പതിവായി ചെയ്യുന്നതുവഴി ശരീരത്തിന്‍റെ ബാലൻസ് മെച്ചപ്പെടും. കൂടാതെ ദിവസവും 15 മിനിറ്റെങ്കിലും സ്കിപ്പിംഗ് ചെയ്യുന്നതിലൂടെ പേശികള്‍ ദൃഡമാകുകയും ശരീരത്തിന് കൂടുതല്‍ കരുത്ത് ലഭിക്കുകയും ചെയ്യും.
കലോറി കുറയ്ക്കാന്‍ സഹായകം
സ്കിപ്പിംഗ് സ്ത്രീകളിലും പുരുഷന്മാരിലും മിനിറ്റിൽ 25 മുതൽ 30 വരെ കിലോ കലോറി കുറയ്ക്കാന്‍ സഹായകമാണ്. അതായത് വെറും അര മണിക്കൂറിനുള്ളില്‍ 600 കിലോ കലോറി വരെ ഇല്ലാതാക്കാന്‍ സാധിക്കും.
സ്കിപ്പിംഗ് ഏകാഗ്രത കൂട്ടും
മറ്റെന്തെങ്കിലും മനസ്സില്‍ വിചാരിച്ചുകൊണ്ട് സ്കിപ്പിംഗ് ചെയ്യുക സാധ്യമല്ല. സ്കിപ്പിംഗ് ചെയ്യുന്ന സമയത്ത് ഏകാഗ്രത ഇല്ല എങ്കില്‍ ചിലപ്പോള്‍ അടിതെറ്റി വീഴാം. എന്നാല്‍, സ്കിപ്പിംഗ് ഒരു ശീലമാക്കുന്നതോടെ നിങ്ങളുടെ ഏകാഗ്രത വർദ്ധിക്കുകയും ബുദ്ധി, ഓര്‍മ്മശക്തി നിലവാരം മികച്ചതാകുകയും ചെയ്യുമെന്നാണ് പഠനങ്ങള്‍ പറയുന്നത്.
വ്യായാമത്തിന്‍റെ ഏറ്റവും ലളിതമായ രൂപങ്ങളിലൊന്നാണെങ്കിലും, സ്കിപ്പിംഗിന്‍റെ ഗുണങ്ങളും പ്രയോജനങ്ങളും അവഗണിക്കാന്‍ സാധിക്കില്ല. 15 മിനിറ്റില്‍ ഇത്രയേറെ പ്രയോജനങ്ങള്‍ നല്‍കുന്ന ഈ വ്യയാമത്തെ ദിനചര്യയുടെ ഭാഗമാക്കാം...
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
