7th Pay Commission: സർക്കാർ ജീവനക്കാർക്ക് സന്തോഷവാർത്ത, ഡിഎ വീണ്ടും വർധിപ്പിച്ചു!

ന്യൂഡൽഹി: 7th Pay Commission: സർക്കാർ ജീവനക്കാർക്ക് ഇതാ ഒരു സന്തോഷവാർത്ത. ജീവനക്കാരുടെ ഡിഎ വീണ്ടും വർധിപ്പിച്ചു. ബിഹാറിലെ നിതീഷ് സർക്കാർ ജീവനക്കാരുടെയും പെൻഷൻകാരുടെയും ഡിഎയും ഡിആറും 31 ൽ നിന്ന് 34 ശതമാനമായി ഉയർത്തിയിട്ടുണ്ട്. ഈ വർദ്ധിപ്പിച്ച അലവൻസിന്റെ പ്രയോജനം 2022 ജനുവരി 1 മുതൽ ജീവനക്കാർക്ക് ലഭ്യമാകും.  ധനവകുപ്പിന്റെ ഈ നിർദേശം മന്ത്രിസഭ അംഗീകരിക്കുകയും ഇതോടെ സംസ്ഥാനത്തെ ജീവനക്കാരുടെ ഡിഎ കേന്ദ്ര ജീവനക്കാരുടെ ഡിഎയ്ക്ക് തുല്യമാകുകയും ചെയ്തു.

Also Read: 7th Pay Commission: കേന്ദ്ര ജീവനക്കാർക്ക് വീണ്ടും സന്തോഷവാർത്ത! ഡിഎയ്ക്ക് ശേഷം ഇനി വർധിക്കാം HRA

സർക്കാർ ജീവനക്കാരുടെ ഡിഎ വർദ്ധന (DA hike for government employees)

മന്ത്രിസഭായോഗത്തിൽ ധനമന്ത്രാലയം ഇക്കാര്യം അവതരിപ്പിക്കുകയും അത്  അംഗീകരിക്കുകയും ചെയ്തു. സർക്കാരിന്റെ ഈ തീരുമാനം സംസ്ഥാന സർക്കാരിന് പ്രതിവർഷം 1133 കോടി രൂപയുടെ അധിക ബാധ്യത വരുത്തും. ഇതോടൊപ്പം ബിഹാർ കണ്ടിജൻസി ഫണ്ടിന്റെ പരിധി മാർച്ച് 30 വരെ 350 കോടിയിൽ നിന്ന് 9500 കോടിയായി താൽക്കാലികമായി ഉയർത്തിയിട്ടുണ്ട്. കൂടാതെ ധാന്യ സംഭരണ ​​പ്രവർത്തനങ്ങളിൽ ഗ്രാന്റ് തുക വർധിച്ചാൽ അത് വീണ്ടും മന്ത്രിസഭയ്ക്ക് അയക്കാതെ അത് അംഗീകരിക്കാൻ വകുപ്പിന് അവകാശമുണ്ട്. ഇത്തരം പല സുപ്രധാന തീരുമാനങ്ങളും മന്ത്രിസഭയിൽ കൈക്കൊണ്ടിട്ടുണ്ട്.

മന്ത്രിസഭാ യോഗത്തിലാണ് സുപ്രധാന തീരുമാനങ്ങൾ എടുത്തത് (Big decisions taken in cabinet meeting)

യോഗത്തിൽ വ്യവസായങ്ങൾക്ക് ന്യായമായ വിലയ്ക്ക് കൽക്കരി നൽകുന്നതിന് നോമിനേറ്റഡ് ഏജൻസിക്ക് മൂന്ന് വർഷം കൂടി സമയം നീട്ടി നൽകിയിട്ടുണ്ട്. അഗ്നിശമന വാഹനങ്ങൾ വാങ്ങാൻ 43 കോടി അനുവദിച്ചിട്ടുണ്ട്. ഇതിനുപുറമെ, മുംബൈ ആസ്ഥാനമായുള്ള ഇൻവെസ്റ്റ്‌മെന്റ് കമ്മീഷണറുടെ ഓഫീസിനായി 2022-23 സാമ്പത്തിക വർഷത്തിൽ മൂന്ന് കോടി 23 ലക്ഷം അനുവദിച്ചു.

Also Read: 7th Pay Commission: കേന്ദ്രത്തിന് ശേഷം ഈ സംസ്ഥാനവും ജീവനക്കാരുടെ ഡിഎ വർദ്ധിപ്പിച്ചു

ബിഹാർ മന്ത്രിസഭാ യോഗത്തിൽ പല സുപ്രധാന തീരുമാനങ്ങളും കൈക്കൊണ്ടിട്ടുണ്ട്. പുതിയ എക്സൈസ് നയം മന്ത്രിസഭാ യോഗത്തിൽ പാസാക്കി. ‘ദ കശ്മീർ ഫയൽസ്’ എന്ന സിനിമയും നികുതി രഹിതമാക്കി. ബിഹാറിലെ പുതിയ മദ്യനയത്തിനും മന്ത്രിസഭയുടെ അംഗീകാരം ലഭിച്ചു.

ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ Twitter, Facebook ലിങ്കുകളിൽ ക്ലിക്കുചെയ്യുക