ਸਲਮਾਨ ਖਾਨ ਨੇ ਚੁੱਕਿਆ ਸੀ ਰਾਖੀ ਸਾਵੰਤ ਦੀ ਮਾਂ ਦੇ ਇਲਾਜ ਦਾ ਖਰਚਾ; ਭਰਾ ਨੇ ਕੀਤਾ ਵੱਡਾ ਖੁਲਾਸਾ

Rakhi Sawant Mother News: ਹਾਲ ਹੀ ਵਿੱਚ ਅਭਿਨੇਤਰੀ ਰਾਖੀ ਸਾਵੰਤ (Rakhi Sawant)  ਆਪਣੀ ਮਾਂ ਜਯਾ ਭੇਡਾ ਦੇ ਦੇਹਾਂਤ ਤੋਂ ਬਾਅਦ ਬੁਰੀ ਹਾਲਤ 'ਚ ਹੈ। ਰਾਖੀ ਦੀਆਂ ਅੱਖਾਂ 'ਚੋਂ ਹੰਝੂ ਨਹੀਂ ਰੁਕ ਰਹੇ। ਜਯਾ ਭੇਡਾ (Rakhi Sawant Mother) ਨੂੰ ਕੱਲ੍ਹ ਯਾਨੀ ਐਤਵਾਰ ਨੂੰ ਈਸਾਈ ਪਰੰਪਰਾ ਅਨੁਸਾਰ ਅੰਤਿਮ ਵਿਦਾਈ ਦਿੱਤੀ ਗਈ। ਇਸ ਦੌਰਾਨ ਰਾਖੀ ਨੂੰ ਵਾਰ-ਵਾਰ ਆਪਣੀ ਮਾਂ ਨੂੰ ਬੁਲਾਉਂਦੇ ਦੇਖਿਆ ਗਿਆ। ਇਸ ਦੇ ਨਾਲ ਹੀ ਰਾਖੀ ਦੇ ਭਰਾ ਰਾਕੇਸ਼ ਸਾਵੰਤ ਵੀ ਮਾਂ ਦੇ ਜਾਣ ਦੇ ਸੋਗ 'ਚ ਡੁੱਬੇ ਨਜ਼ਰ ਆਏ।

ਇਸ ਵਿਚਕਾਰ ਰਾਖੀ ਸਾਵੰਤ ਦੇ ਭਰਾ ਰਾਕੇਸ਼ ਸਾਵੰਤ (Rakhi Sawant Mother) ਨੇ ਵੱਡਾ ਖੁਲਾਸਾ ਕੀਤਾ ਹੈ ਜਿਸ ਵਿਚ ਉਨ੍ਹਾਂ ਨੇ ਕਿਹਾ ਕਿ ਮਸ਼ਹੂਰ ਅਦਾਕਾਰ ਸਲਮਾਨ ਖਾਨ ਨੇ ਪੂਰੇ ਤਿੰਨ ਸਾਲਾਂ ਤੱਕ ਉਨ੍ਹਾਂ ਦੀ ਮਾਂ ਦੇ ਇਲਾਜ ਦਾ ਪੂਰਾ ਖਰਚਾ ਚੁੱਕਿਆ ਸੀ। ਇਸ ਦੇ ਨਾਲ ਹੀ ਰਾਕੇਸ਼ ਨੇ ਹੁਣ ਬਾਲੀਵੁੱਡ ਦੇ ਭਾਈਜਾਨ ਯਾਨੀ ਸਲਮਾਨ ਖਾਨ ਦਾ ਤਿੰਨ ਸਾਲ ਤੱਕ ਆਪਣੀ ਮਾਂ ਦੀ ਦੇਖਭਾਲ ਕਰਨ ਲਈ ਧੰਨਵਾਦ ਕੀਤਾ ਹੈ। ਰਾਕੇਸ਼ ਸਾਵੰਤ ਨੇ ਦੱਸਿਆ ਕਿ ਸਲਮਾਨ ਖਾਨ ਪਿਛਲੇ ਤਿੰਨ ਸਾਲਾਂ ਤੋਂ (Rakhi Sawant Mother) ਉਨ੍ਹਾਂ ਦੀ ਮਾਂ ਦੇ ਇਲਾਜ 'ਚ ਰਾਖੀ ਦੀ ਮਦਦ ਕਰ ਰਹੇ ਸਨ। ਇੰਨਾ ਹੀ ਨਹੀਂ ਮਾਂ ਜਯਾ ਭੇਡਾ ਦੇ ਦਿਹਾਂਤ ਦੀ ਖਬਰ ਸੁਣ ਕੇ ਭਾਈਜਾਨ ਨੇ ਰਾਖੀ ਨੂੰ ਫੋਨ ਕੀਤਾ ਅਤੇ ਮਾਂ ਦੇ ਜਾਣ 'ਤੇ ਦੁੱਖ ਪ੍ਰਗਟ ਕੀਤਾ।

ਇਹ ਵੀ ਪੜ੍ਹੋ: ਜਲਦ ਵੱਡੇ ਪਰਦੇ 'ਤੇ ਨਜ਼ਰ ਆਉਣਗੇ ਕਾਮੇਡੀ ਕਿੰਗ ਕਪਿਲ ਸ਼ਰਮਾ! ਇਸ ਵੱਡੇ ਨਿਰਦੇਸ਼ਕ ਦੀ ਫਿਲਮ ਕਰਨਗੇ ਸਾਈਨ 

ਰਾਕੇਸ਼ ਸਾਵੰਤ (Rakesh Sawant) ਨੇ ਕਿਹਾ, 'ਮੇਰੀ ਮਾਂ ਬੀਮਾਰੀ ਕਾਰਨ ਕਾਫੀ ਦਰਦ 'ਚ ਸੀ। ਕੈਂਸਰ ਗੁਰਦਿਆਂ ਅਤੇ ਫੇਫੜਿਆਂ ਵਿੱਚ ਫੈਲ ਗਿਆ ਸੀ, ਜਿਸ ਕਾਰਨ ਮਲਟੀ-ਆਰਗਨ ਫੇਲ ਹੋ ਗਏ ਸਨ। ਮੇਰੀ ਮਾਂ ਨੂੰ ਵੀ ਬ੍ਰੇਨ ਟਿਊਮਰ ਸੀ ਅਤੇ ਫਿਰ ਉਸ ਦੀ ਮੌਤ ਦੀ ਰਾਤ ਨੂੰ ਦਿਲ ਦਾ ਦੌਰਾ ਪਿਆ ਸੀ। ਉਸ ਨੇ ਕਿਹਾ, 'ਪਿਛਲੀ ਵਾਰ ਉਹਨਾਂ ਦੀ ਮਾਂ ਨੇ ਸਖ਼ਤ ਲੜਾਈ ਲੜੀ ਸੀ ਅਤੇ ਠੀਕ ਹੋ ਕੇ ਸਾਡੇ ਕੋਲ ਵਾਪਸ ਆਈ ਸੀ ਪਰ ਇਸ ਵਾਰ ਰੱਬ ਦੀ ਮਰਜ਼ੀ ਸੀ। ਉਹ ਉਸ ਨੂੰ ਜ਼ਿਆਦਾ ਤਕਲੀਫ਼ ਵਿਚ ਨਹੀਂ ਦੇਖਣਾ ਚਾਹੁੰਦਾ ਸੀ ਅਤੇ ਅਸੀਂ ਸਾਰਿਆਂ ਨੇ ਇਹ ਵੀ ਮਹਿਸੂਸ ਕੀਤਾ ਕਿ ਮਾਂ ਨੇ ਸਾਡੇ ਲਈ ਬਹੁਤ ਕੁਝ ਕੀਤਾ ਹੈ। ਜ਼ਿਕਰਯੋਗ ਹੈ ਕਿ ਜਯਾ ਭੇਡਾ ਨੇ ਸ਼ਨੀਵਾਰ ਨੂੰ ਜੁਹੂ ਦੇ ਸਿਟੀਕੇਅਰ ਹਸਪਤਾਲ 'ਚ ਆਖਰੀ ਸਾਹ ਲਿਆ। ਉਹ ਲੰਬੇ ਸਮੇਂ ਤੋਂ ਬ੍ਰੇਨ ਟਿਊਮਰ ਅਤੇ ਕੈਂਸਰ ਵਰਗੀਆਂ ਗੰਭੀਰ ਬੀਮਾਰੀਆਂ ਨਾਲ ਲੜ ਰਹੀ ਸੀ।