Chandrayaan-3: ଚନ୍ଦ୍ର ପୃଷ୍ଠରେ ରୋଭର ପ୍ରଜ୍ଞାନ କଲା ଚମତ୍କାର ମୁନଡ୍ୟାନ୍ସ, ଭିଡିଓ ରେକର୍ଡ କଲା ଲ୍ୟାଣ୍ଡର ବିକ୍ରମ, ଏଠାରେ ଦେଖନ୍ତୁ

Pragyan Rover Video: ଚନ୍ଦ୍ରର ଦକ୍ଷିଣ ମେରୁରେ ଲ୍ୟାଣ୍ଡିଂ କରିବା ଦିନଠାରୁ ରୋଭର ପ୍ରଜ୍ଞାନ (Rover Pragyan) ଓ ଲ୍ୟାଣ୍ଡର ବିକ୍ରମ (Lander Vikram) ପୃଥିବୀକୁ ପ୍ରତିଦିନ ଗୁରୁତ୍ୱପୂର୍ଣ୍ଣ ସୂଚନା ପଠାଉଛି । ଏହି ସମୟରେ, ଲ୍ୟାଣ୍ଡର ବିକ୍ରମ ରୋଭର ପ୍ରଜ୍ଞାନର ଏକ ମଜାଦାର ଭିଡିଓ ମଧ୍ୟ ଚନ୍ଦ୍ର ପୃଷ୍ଠରୁ ISRO କୁ ପଠାଇଛନ୍ତି । ଏହି ଭିଡିଓରେ, ରୋଭର ଏକ ସୁରକ୍ଷିତ ମାର୍ଗ ସନ୍ଧାନରେ ୩୬୦ ଡିଗ୍ରୀ ଘୂର୍ଣ୍ଣନ କରୁଥିବା ଦେଖାଯାଉଛି, ଯାହା ଚନ୍ଦ୍ର ପୃଷ୍ଠରେ ନାଚୁଥିବା ପରି ଦେଖାଯାଉଛି ।

ଏହି ଭିଡିଓ ସେୟାର କରି ISRO ଟ୍ୱିଟ୍ କରି କହିଛନ୍ତି, 'ଲ୍ୟାଣ୍ଡର ବିକ୍ରମ ରୋଭର ପ୍ରଜ୍ଞାନର ସୁରକ୍ଷିତ ପଥ ଆଡକୁ ଘୂର୍ଣ୍ଣନ କରିବାର ଭିଡିଓ ରେକର୍ଡ କରିଛି । ଏହି ଭିଡିଓରେ ଲାଗୁଛି ଯେ ଜହ୍ନ ମାମୁଁଙ୍କ ପ୍ରାଙ୍ଗଣରେ ଜଣେ ପିଲା ଖେଳୁଛି ଓ ତାଙ୍କ ମା' ତାଙ୍କୁ ସ୍ନେହରେ ଖେଳୁଥିବାର ଦେଖୁଛନ୍ତି । ଏଠାରେ ଦେଖନ୍ତୁ ଏହି ଭିଡିଓ ।

Chandrayaan-3 Mission:
The rover was rotated in search of a safe route. The rotation was captured by a Lander Imager Camera.

It feels as though a child is playfully frolicking in the yards of Chandamama, while the mother watches affectionately.
Isn't it? pic.twitter.com/w5FwFZzDMp

— ISRO (@isro) August 31, 2023

ଭାରତର ମିଶନ 'ଚନ୍ଦ୍ରଯାନ-୩' ମାଧ୍ୟମରେ ଆଉ ଏକ ବଡ଼ ସଫଳତା ହାସଲ କରାଯାଇଛି । ଭାରତୀୟ ସ୍ପେସ୍ ରିସର୍ଚ୍ଚ ଅର୍ଗାନାଇଜେସନ୍ (ISRO) ମଙ୍ଗଳବାର ଦିନ (୨୯ ଅଗଷ୍ଟ) ସୋସିଆଲ ମିଡିଆ ପ୍ଲାଟଫର୍ମ X (ପୂର୍ବ ଟ୍ୱିଟର) ରେ ପୋଷ୍ଟ କରିଛି ଯେ ଚନ୍ଦ୍ରର ଦକ୍ଷିଣ ମେରୁରେ ସଲଫର, ଅକ୍ସିଜେନ୍ ଓ ଅନ୍ୟାନ୍ୟ ଉପାଦାନର ଉପସ୍ଥିତି ରୋଭରରେ ପେଲୋଡ୍ ମାଧ୍ୟମରେ ଚିହ୍ନଟ ହୋଇଛି । ଏହା ସମେତ ସେହି ସ୍ଥାନରେ ହାଇଡ୍ରୋଜେନର ସନ୍ଧାନ ଜାରି ରହିଛି ।

ISRO ଏକ ସୋସିଆଲ ମିଡିଆ ପୋଷ୍ଟରେ କହିଛି, ବୈଜ୍ଞାନିକ ପରୀକ୍ଷଣ ଚାଲିଛି ... ଇନ୍-ସିଟୁ ମେଜରମ୍ୟାଣ୍ଟ ମାଧ୍ୟମରେ ପ୍ରଥମ ଥର ପାଇଁ ରୋଭର ଚାଳିତ ଯନ୍ତ୍ର 'ଲେଜର-ପ୍ରେରିତ ବ୍ରେକଡାଉନ୍ ସ୍ପେକ୍ଟ୍ରସ୍କୋପ୍' (LIBS) ସ୍ପଷ୍ଟ ଭାବରେ ଦକ୍ଷିଣ ମେରୁରେ ଚନ୍ଦ୍ର ପୃଷ୍ଠରେ ସଲଫର (S) ର ଉପସ୍ଥିତି ନିଶ୍ଚିତ କରିଛି । ଆଶା କରାଯାଉଥିବା ପରି Al, Ca, Fe, Cr, Ti, Mn, Si ଓ O (ଅମ୍ଳଜାନ) ଚିହ୍ନଟ ହୋଇଛି । ହାଇଡ୍ରୋଜେନ୍ (H) ର ସନ୍ଧାନ ଚାଲିଛି । ISRO କହିଛି ଯେ LIBS ନାମକ ଏହି ପେଲୋଡ୍ ବେଙ୍ଗାଲୁରୁର ISRO ର ଲାବୋରେଟୋରୀ ଫର ଇଲେକ୍ଟ୍ରୋ-ଅପ୍ଟିକ୍ସ ସିଷ୍ଟମ୍ (LEOS) ରେ ବିକଶିତ ହୋଇଛି ।

ଏହା ବି ପଢ଼ନ୍ତୁ: Chandrayaan 3: ନମସ୍କାର ପୃଥିବୀବାସୀ! ରୋଭର ପ୍ରଜ୍ଞାନ ଦେଲା ଏକ ଖୁସି ଖବର, ଚନ୍ଦ୍ରର ଏହି ରହସ୍ୟ ଖୁଲାସା କଲା ISRO

ଏହା ବି ପଢ଼ନ୍ତୁ: Railway Recruitment 2023: ୨ ହଜାରରୁ ଅଧିକ ପଦବୀରେ ନିଯୁକ୍ତି ଦେବା ପାଇଁ ବିଜ୍ଞପ୍ତି ଜାରିକଲା ଭାରତୀୟ ରେଳବାଇ, ଫଟାଫଟ୍ କରନ୍ତୁ ଆବେଦନ