NT Rama Rao's Daughter Death: ପୂର୍ବତନ ମୁଖ୍ୟମନ୍ତ୍ରୀ ଏନଟିଆରଙ୍କ ଝିଅଙ୍କ ଆତ୍ମହତ୍ୟା

ହାଇଦ୍ରାବାଦ: ତେଲୁଗୁ ଦେଶମ ପାର୍ଟି (Telugu Desam Party) ତଥା ଟିଡ଼ିପିର (TDP) ପ୍ରତିଷ୍ଠାତା ଏନଟି ରାମାରାଓଙ୍କ (NT Ramarao) ଝିଅ ଉମା ମାହେଶ୍ୱରୀଙ୍କୁ (Uma Maheswari) ଆଜି ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଛି। ହାଇଦ୍ରାବାଦ ବାସଭବନରୁ ଆଜି ତାଙ୍କୁ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଥିଲା। ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିବା ନେଇ ସ୍ଥାନୀୟ ପୋଲିସ ସୂଚନା ଦେଇଛି। ପୋଷ୍ଟମର୍ଟମ ପାଇଁ ପୋଲିସ ମୃତଦେହକୁ ସ୍ଥାନୀୟ ସରକାରୀ ଡାକ୍ତରଖାନାକୁ ପଠାଇଛି। ଧାରା ୧୭୪ (ସିଆରପିସି)(ଆତ୍ମହତ୍ୟା ବିଷୟରେ ଅନୁସନ୍ଧାନ ଏବଂ ରିପୋର୍ଟ କରିବାକୁ ପୋଲିସ) ଅଧୀନରେ ଏକ ମାମଲା ରୁଜୁ ହୋଇଛି, ଅଧିକ ତଦନ୍ତ ଚାଲିଛି।

ତେଲୁଗୁ ଦେଶମ ପାର୍ଟି (TDP) ପ୍ରତିଷ୍ଠାତା ଏନଟି ରାମା ରାଓଙ୍କ ୧୨ ପିଲାଙ୍କ ମଧ୍ୟରୁ ଉମା ମହେଶ୍ୱରୀ ସାନ ଥିଲେ। କୁହାଯାଉଛି ଯେ ମହେଶ୍ୱରୀ ଗତ କିଛି ମାସ ଧରି ସ୍ୱାସ୍ଥ୍ୟଗତ ସମସ୍ୟାର ସମ୍ମୁଖୀନ ହୋଇଥିଲେ ଏବଂ ଚିକିତ୍ସିତ ହେଉଥିଲେ। 

ପୂର୍ବତନ କେନ୍ଦ୍ରମନ୍ତ୍ରୀ ତଥା ବିଜେପି ନେତା ଡଗଗୁବତୀ ପୁରନ୍ଦେଶ୍ୱରୀ ଏବଂ ନାରା ଭୁବନେଶ୍ୱରୀ ତାଙ୍କ ଭଉଣୀ। ନାରା ଭୁବନେଶ୍ୱରୀ ଟିଡିପି ସଭାପତି ତଥା ପୂର୍ବତନ ମୁଖ୍ୟମନ୍ତ୍ରୀ ଏନ ଚନ୍ଦ୍ରବାବୁ ନାଇଡୁଙ୍କ ପତ୍ନୀ। ଚନ୍ଦ୍ରବାବୁ ନାଇଡୁ, ତାଙ୍କ ପୁଅ ନାରା ଲୋକେଶ ଏବଂ ପରିବାରର ଅନ୍ୟ ସଦସ୍ୟମାନେ ମହେଶ୍ୱରୀଙ୍କ ବାସଭବନରେ ପହଞ୍ଚିଛନ୍ତି। ଉମା ମହେଶ୍ୱରୀଙ୍କ ଭାଇ ଏନ ବାଲକ୍ରିଷ୍ଣା, ଟଲିଉଡର ଅଭିନେତା, ଟିଡିପି ବିଧାୟକ ତଥା ବିଦେଶରେ ରହୁଥିବା ଅନ୍ୟ ପରିବାର ସଦସ୍ୟଙ୍କୁ ଉମା ମହେଶ୍ୱରୀଙ୍କ ଦେହାନ୍ତ ସମ୍ପର୍କରେ ସୂଚନା ଦିଆଯାଇଛି।

ଏନଟି ରାମା ରାଓ ଜଣେ ଭାରତୀୟ ଅଭିନେତା, ଚଳଚ୍ଚିତ୍ର ନିର୍ମାତା ଏବଂ ରାଜନେତା ଥିଲେ। ସେ ତିନି ବର୍ଷ ମଧ୍ୟରେ ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀ ଭାବରେ କାର୍ଯ୍ୟ କରିଥିଲେ। ୧୯୯୬ରେ ୭୨ ବର୍ଷ ବୟସରେ ତାଙ୍କର ଦେହାନ୍ତ ହୋଇଯାଇଥିଲା। ରାମାରାଓଙ୍କର ୧୨ ସନ୍ତାନ ଥିଲେ। ଆଠ ପୁଅ ଏବଂ ଚାରି ଝିଅ । ଉମା ମହେଶ୍ୱରୀ ଚାରି ଝିଅଙ୍କ ମଧ୍ୟରୁ ସାନ ଥିଲେ। ନିକଟରେ ଉମା ମହେଶ୍ୱରୀଙ୍କ ଝିଅର ବିବାହରେ ଅନେକ ପରିବାର ସଦସ୍ୟ ଏକାଠି ହୋଇଥିଲେ। ଅଭିନେତା ତଥା ପୂର୍ବତନ ମନ୍ତ୍ରୀ ଏନ ହରିକୃଷ୍ଣଙ୍କ ସମେତ ଏନଟିଆରର ତିନି ପୁଅଙ୍କର ମଧ୍ୟ ଦେହାନ୍ତ ହୋଇଛି