୨୭ ବର୍ଷ ହେବ ନବରାତ୍ରୀରେ ୨୧ଟି କଳସକୁ ଛାତିରେ ରଖି ସାଧନା କରନ୍ତି ଏହି ବ୍ୟକ୍ତି, ୯ ଦିନରେ ଥରେ ବି ଉଠନ୍ତି ନାହିଁ

Navratri 2023: ରାଜଧାନୀ ପାଟନାରେ ଏପରି ଜଣେ ଭକ୍ତ ଅଛନ୍ତି ଯିଏ ଗତ ୨୬ ବର୍ଷ ହେବ ନବରାତ୍ରୀରେ ଛାତିରେ କଳସ ରଖି ଧ୍ୟାନ କରୁଛନ୍ତି। ଏହି ବର୍ଷ ତାଙ୍କର ୨୭ତମ ବର୍ଷ । ଏହି ଅନନ୍ୟ ଭକ୍ତି ଗୋଟିଏ କଳସରୁ ଆରମ୍ଭ ହୋଇ ଏବେ ୨୧ କଳସରେ ପହଞ୍ଚିଛି । ଆପଣଙ୍କୁ ଜଣାଇବାକୁ ଚାହିଁବୁ ଏହି କଳସର ଓଜନ ପ୍ରାୟ ୫୦ କିଲୋଗ୍ରାମ ।

୨୭ ବର୍ଷ ହେବ ୨୧ଟି କଳସ ଛାତିରେ କରୁଛନ୍ତି ଧାରଣ 
ଗତ ୨୭ ବର୍ଷ ଧରି ୨୧ କଳସ ସ୍ଥାପନ କରୁଥିବା ନାଗେଶ୍ୱର ବାବା କହିଛନ୍ତି, ସେ ୧୯୯୬ ମସିହାରୁ ଏହିପରି ଭାବରେ ମାତା ଦେବୀଙ୍କ ଉପାସନା କରୁଛନ୍ତି। ଏହା ଗୋଟିଏ କଳସରୁ ଆରମ୍ଭ ହୋଇଥିଲା ଏବଂ ବର୍ଷକୁ ବର୍ଷ କଳସ ସଂଖ୍ୟା ବଢିବାରେ ଲାଗିଲା । କଳସର ଲମ୍ବା ଏତେ ହୋଇଗଲା ଯେ, ଏହା ଛାତର ସିଲିଂକୁ ବାଜିବାକୁ ଲାଗିଲା । ତେଣୁ ୨୧ ଟିରେ ଏହା ବନ୍ଦ କରିବାକୁ ପଡିଲା। ଏହାରି ମଧ୍ୟରେ, ନାଗେଶ୍ୱର ବାବା ୧୫ ଅକ୍ଟୋବରରୁ ୨୪ ଅକ୍ଟୋବର ପର୍ଯ୍ୟନ୍ତ ତାଙ୍କ ଛାତିରେ ୨୧ ଟି କଳସ ରଖିବେ ଓ ଉପବାସ ଏବଂ ଅନ୍ନ- ଜଳ ତ୍ୟାଗ କରିବେ । ଏହି ସମୟ ମଧ୍ୟରେ ବାବା କର ମଧ୍ଯ ଲେଉଟାନ୍ତି ନାହିଁ । ନାଗେଶ୍ୱର ବାବା ପିଲାଦିନରୁ ଏହି ମନ୍ଦିରରେ ମାତାଙ୍କ ସେବାରେ ନିୟୋଜିତ ଅଛନ୍ତି ।

ସାଧାରଣରୁ ସ୍ୱତନ୍ତ୍ର ପର୍ଯ୍ୟନ୍ତ କିଛି ଅଭିଳାଷା ନେଇ ଲୋକମାନେ ଏଠାରେ ପହଞ୍ଚନ୍ତି ।

ପାଟନାର ନୂତନ ସଚିବାଳୟ ପ୍ରାଙ୍ଗଣରେ ଅବସ୍ଥିତ ନାଉଲାଖା ମନ୍ଦିର ବହୁତ ପୌରାଣିକ ଅଟେ। ନାଉଲା ଦୁର୍ଗା ମନ୍ଦିରର ପ୍ରଶାସକ, ପ୍ରଫେସର ଡ. ବିଜୟ ଯାଦବ କହିଛନ୍ତି ଯେ ନେତା, ଅଧିକାରୀ ଏବଂ ଏପରିକି ହାଇକୋର୍ଟର ବିଚାରପତିମାନେ ନିଜର ଅଭିଳାଷା ନେଇ ଏଠାକୁ ଆସନ୍ତି। ନବରାତ୍ରୀ ସମୟରେ ଲୋକଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଥାଏ। ବିହାରର ବିଭିନ୍ନ ସ୍ଥାନରୁ ଭକ୍ତମାନେ ଏଠାରେ ପହଞ୍ଚନ୍ତି। ଖାଦ୍ୟ ଏବଂ ପାନୀୟ ବ୍ୟତୀତ, ସେମାନଙ୍କ ରହିବା ପାଇଁ ମଧ୍ୟ ସମ୍ପୂର୍ଣ୍ଣ ବ୍ୟବସ୍ଥା କରଯାଇଛି।

୨୧ ଟି କଳସ ବିଷୟରେ ସେ କହିଥିଲେ ଯେ, ନାଗେଶ୍ୱର ବାବା ପିଲାଦିନରୁ ଏହି ମନ୍ଦିରରେ ପୂଜାପାଠ କରିଆସୁଛନ୍ତି ଏବଂ ପ୍ରତିବର୍ଷ  ଛାତିରେ କଳସ  ରଖି ସାଧନା କରୁଛନ୍ତି। ମାତାଙ୍କ ଭକ୍ତିରେ ଏତେ ଶକ୍ତି ଅଛି ଯେ ନାଗେଶ୍ୱର ବାବା ୯ ଦିନ ପର୍ଯ୍ୟନ୍ତ କୌଣସି ଯନ୍ତ୍ରଣା ନପାଇ ଏହିପରି ଶୋଇ ରୁହନ୍ତି । ଯେତେବେଳେ ୯ ଦିନ ପରେ ଜାଗ୍ରତ ହୁଅନ୍ତି, ସାଧାରଣ ଲୋକଙ୍କ ପରି ରହିଥାନ୍ତି ।

Also Read- Multibagger Stock: ୮୯ ପଇସାର ସେୟାର ହୋଇଗଲା ୧୬୨ଟଙ୍କା, କୋଟିପତି ହେଲେ ନିବେଶକାରୀ

Also Read- ଝିଅ ବାହାଘରରେ ଖର୍ଚ୍ଚ କରିଥିଲେ ୨କୋଟି, ଶାଶୁଘରେ ପହଞ୍ଚିବା ପରେ ପୁଣି ଦାବି କଲେ ଟଙ୍କା, ଆଉ ତାପରେ