Mamata Banerjee: ଦିଦି ଦେଲେ ନୂଆ ‘ଚନ୍ଦ୍ରଜ୍ଞାନ’, କହିଲେ-‘ଇନ୍ଦିରା ଗାନ୍ଧୀ ଯେତେବେଳେ ଚନ୍ଦ୍ରରେ ପହଞ୍ଚିଥିଲେ...’ ଦେଖନ୍ତୁ ଭିଡିଓ

Mamata Banerjee Viral Video: ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ତାଙ୍କର ‘ମହାକାଶ ଜ୍ଞାନ’କୁ ନେଇ ପୁଣି ଥରେ ଟ୍ରୋଲରେ ଶିକାର ହୋଇଛନ୍ତି । ବାସ୍ତବରେ ଅଖିଳ ଭାରତୀୟ ତୃଣମୂଳ କଂଗ୍ରେସ (ଏଆଇଟିସି) ର ଛାତ୍ର ସଂଗଠନ ତୃଣମୂଳ ଛାତ୍ର ପରିଷଦର ପ୍ରତିଷ୍ଠା ଦିବସ ଅବସରରେ ମମତା ବାନାର୍ଜୀ ଏକ ରାଲିକୁ ସମ୍ବୋଧିତ କରିଥିଲେ । ଏହି ସମୟରେ ସେ କହିଥିଲେ, 'ଯେତେବେଳେ ଇନ୍ଦିରା ଗାନ୍ଧୀ ଚନ୍ଦ୍ରରେ ପହଞ୍ଚିଲେ ସେତେବେଳେ ସେ ରାକେଶ (ଶର୍ମା) କୁ ପଚାରିଥିଲେ ଯେ ଭାରତ ସେଠାରୁ କିପରି ଦେଖାଯାଉଛି । ସେ ଉତ୍ତର ଦେଲେ 'ସାରେ ଜହାଁ ସେ ଆଚ୍ଛା' । ଗତ ସପ୍ତାହରେ, ଭାରତୀୟ ମହାକାଶ ଗବେଷଣା ସଂସ୍ଥା (ISRO) କୁ ଚନ୍ଦ୍ରଯାନ-୩ ମିଶନର ସଫଳତା ପାଇଁ ଅଭିନନ୍ଦନ ଜଣାଇବାବେଳେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଥିଲେ ଯେ ଇନ୍ଦିରା ଗାନ୍ଧୀ 'ରାକେଶ ରୋଶନ' କୁ ପଚାରିଥିଲେ ଯେ ପୃଥିବୀ କିପରି 'ଚନ୍ଦ୍ର'ରୁ ଦେଖାଯାଉଛି? ।

ନେତାଙ୍କ 'ଚନ୍ଦ୍ରଜ୍ଞାନ'

ଏହାପୂର୍ବରୁ ମଧ୍ୟ ଅନେକ ନେତାମାନେ ଚନ୍ଦ୍ରଯାନ-୩ କୁ ନେଇ ଅନେକ ଭୁଲ୍ ଭାଲ୍ ବୟାନ ଦେଇଛନ୍ତି। ଗତ ସପ୍ତାହରେ ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କୁ ଚନ୍ଦ୍ରଯାନ-୩ ବିଷୟରେ ପଚରାଯିବାରୁ ସେ ଏହା ବିଷୟରେ କିଛି ଜାଣି ନଥିଲେ । ଏହା ବ୍ୟତୀତ ରାଜସ୍ଥାନର କ୍ରୀଡ଼ା ମନ୍ତ୍ରୀ ଅଶୋକ ଚାନ୍ଦନା ମଧ୍ୟ ଏପରି ବିୟାନ ଦେଇଛନ୍ତି ଯାହାକୁ ନେଇ ସୋସିଆଲ ମିଡିଆରେ ବହୁ ଚର୍ଚ୍ଚା ହେଉଛି ।

As per Didi "1st Rakesh Roshan reached the Moon, Indira Gandhi asked Rakesh how India looks from the Moon"

Now "When Indira Gandhi reached the Moon, She asked Rakesh how India looks from the Moon"

Didi #RakeshRoshan pic.twitter.com/TNwI4yuTV1

— Kishore Thupati (@kishore_thupati) August 29, 2023

ଏକ ନ୍ୟୁଜ୍ ଚ୍ୟାନେଲ ସହିତ କଥାବାର୍ତ୍ତା କରି ଓମପ୍ରକାଶ ରାଜଭାର କହିଛନ୍ତି, “ଆମେ ଭାରତର ବୈଜ୍ଞାନିକମାନଙ୍କୁ ଧନ୍ୟବାଦ ଦେଉଛୁ, ଯେଉଁମାନେ ଦିନକୁ ଦିନ ଗବେଷଣା କରି ନୂତନ ଆବିଷ୍କାର କରୁଛନ୍ତି । ଯେଉଁମାନେ ଚନ୍ଦ୍ରଯାନ-୩ ବିଷୟରେ କହୁଛନ୍ତି ଆମେ ସେମାନଙ୍କୁ ଅଭିନନ୍ଦନ ଜଣାଉଛୁ । ଆସନ୍ତାକାଲି ତାଙ୍କ ପାଇଁ ପୃଥିବୀରେ ନିରାପଦରେ ଆସିବାର ସମୟ, ସେ ପହଞ୍ଚିବା ପରେ ସମଗ୍ର ଦେଶ ତାଙ୍କୁ ସ୍ୱାଗତ କରିବା ଉଚିତ୍ ।”

ଏଥି ସହ ଅଶୋକ ଚାନ୍ଦନା କହିଛନ୍ତି ଯେ ଆମେ ସଫଳ ହୋଇଛୁ ଓ ଏକ ସୁରକ୍ଷିତ ଅବତରଣ କରିଛୁ । ଯାଇଥିବା ଆମର ଯାତ୍ରୀମାନଙ୍କୁ ମୁଁ ନମସ୍କାର କରୁଛି । ଆମ ଦେଶ ବିଜ୍ଞାନ ଓ ମହାକାଶରେ ଆଉ ଗୋଟିଏ ପଦକ୍ଷେପ ନେଇଛି, ଏଥିପାଇଁ ମୁଁ ସମସ୍ତ ଦେଶବାସୀଙ୍କୁ ଅଭିନନ୍ଦନ ଜଣାଉଛି । ଏହି ବୟାନ ପରେ ସୋସିଆଲ ମିଡିଆରେ ଲୋକମାନେ ଅଶୋକ ଚାନ୍ଦନାଙ୍କ ବକ୍ତବ୍ୟକୁ ନେଇ ଟ୍ରୋଲ କରିବା ଆରମ୍ଭ କରି ଦେଇଥିଲେ, କାରଣ ସେ ଜାଣି ନଥିଲେ ଯେ ଚନ୍ଦ୍ରଯାନ ମିଶନ-3 ଏକ ମାନବବିହୀନ ମିଶନ୍ ।