Cyclone Dana Live Updates: ମାଡି ଆସୁଛି ବାତ୍ୟା 'ଦାନା'; ମଧ୍ୟ ରାତ୍ରୀରେ ଛୁଇଁବ ସ୍ଥଳଭାଗ, ପଢ଼ନ୍ତୁ ଟିକିନିଖ ଅପଡେଟ୍

Cyclone Dana Live Updates: ଧାମରା ଠାରୁ ୧୧୦ କିଲୋମିଟର ଦୂରରେ ବାତ୍ୟା 'ଦାନା'
ପାଣିପାଗ ବିଭାଗ ଅନୁଯାୟୀ ବାତ୍ୟା 'ଦାନା' ବର୍ତ୍ତମାନ ପାରାଦୀପ ଠାରୁ ୮୦ କିଲୋମିଟର ଏବଂ ଧାମରା ଠାରୁ ୧୧୦ କିଲୋମିଟର ଦୂରରେ ରହିଛି । ଏହା ଘଣ୍ଟା ପ୍ରତି ୧୦ରୁ ୧୨ କିମି ବେଗରେ ସ୍ଥଳ ଭାଗ ଆଡକୁ ବଢୁଛି।

Cyclone Dana Live Updates: ବାତ୍ୟାକୁ ନେଇ ମୁଖ୍ୟମନ୍ତ୍ରୀଙ୍କ ସହ ଫୋନରେ କଥା ହେଲେ ପ୍ରଧାନମନ୍ତ୍ରୀ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ସନ୍ଧ୍ୟାରେ ଟେଲିଫୋନ ଯୋଗେ ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀଙ୍କ ସହିତ ଓଡ଼ିଶାରେ ବାତ୍ୟା ମୁକାବିଲା ପାଇଁ ପ୍ରସ୍ତୁତି ସଂପର୍କରେ ଆଲୋଚନା କରିଛନ୍ତି। ଆଲୋଚନା ସମୟରେ, ମୁଖ୍ୟମନ୍ତ୍ରୀ ରାଜ୍ୟରେ ଚାଲିଥିବା ଲୋକଙ୍କ ସ୍ଥାନାନ୍ତର ପ୍ରକ୍ରିୟା ସଂପର୍କରେ ବିସ୍ତୃତ ସୂଚନା ଦେଇଥିଲେ। ଏହା ସହିତ ଲୋକଙ୍କ ସୁରକ୍ଷା ପାଇଁ ନିଆ ଯାଇଥିବା ସୁରକ୍ଷା ବଳ, NDRF, ODRAF ଆଦି ମୁତୟନ ସଂପର୍କରେ ମଧ୍ୟ ସୂଚନା ଦେଇଥିଲେ।

Cyclone Dana Live Updates: ବାତ୍ୟା ପାଇଁ ୩ ଲକ୍ଷ ୫୦ ହଜାର ଲୋକଙ୍କୁ ସ୍ଥାନାନ୍ତର
ବାତ୍ୟା ୧୧ଟି ଜିଲ୍ଲାକୁ ପ୍ରଭାବିତ କରିବ। ବାତ୍ୟା ‘ଦାନା’ ବାଲେଶ୍ବର, ଭଦ୍ରକ ଏବଂ କେନ୍ଦ୍ରାପଡ଼ା ଅଧିକ ପ୍ରଭାବିତ ହେବ । ୧୧ ଜିଲ୍ଲାର ୬୦ ବ୍ଲକର ୨୧୩୧ ଗାଁ ପ୍ରଭାବିତ ହେବ।

Also read: Cyclone News: ବାତ୍ୟା ମୁକାବିଲା ପାଇଁ ସରକାର ପୂର୍ଣ୍ଣ ପ୍ରସ୍ତୁତ

Cyclone Dana Live Updates: ଧାମରାରେ ବାତ୍ୟା ‘ଦାନା’ର ରୌଦ୍ର ରୂପ

Cyclone Update: ଧାମରାରେ ବାତ୍ୟା ‘ଦାନା’ର ରୌଦ୍ର ରୂପ #shorts pic.twitter.com/TWnzBSCI5Y

— ZEE Odisha News (@ZeeOdisha) October 24, 2024

Cyclone Dana Live Updates: କାକଟପୁରରେ ବାତ୍ୟାକୁ ନେଇ  ଆଲୋଚନା କଲେ ଉପମୁଖ୍ୟମନ୍ତ୍ରୀ
କାକଟପୁର ଅନ୍ତର୍ଗତ ସିଂହାରପାଳଠାରେ ଲୋକଙ୍କୁ ଭେଟି ବାତ୍ୟା "ଦାନା"ର ମୁକାବିଲା ପାଇଁ ରାଜ୍ୟସରକାରଙ୍କ ଦ୍ୱାରା କରାଯାଇଥିବା ବ୍ୟବସ୍ଥା ସମ୍ପର୍କରେ ଆଲୋଚନା କଲେ ଉପମୁଖ୍ୟମନ୍ତ୍ରୀ ଶ୍ରୀମତୀ ପରିଡା । ଭୟଭୀତ ନହୋଇ ରାଜ୍ୟସରକାରଙ୍କ ନିର୍ଦେଶାବଳୀକୁ ପାଳନ କରିବା ପାଇଁ ଅନୁରୋଧ କଲେ।

Cyclone Dana Live Updates: ଭଦ୍ରକ ଜିଲ୍ଲାରେ ତଳିଆ ଅଂଚଳ ବାସୀଙ୍କୁ ସ୍ଥାନାନ୍ତର
ଭଦ୍ରକ ଜିଲ୍ଲାରେ ୩୬୨୨୭ ତଳିଆ ଅଂଚଳ ବାସୀଙ୍କୁ ସ୍ଥାନାନ୍ତର କରିବାକୁ ଥିବା ବେଳେ ବର୍ତମାନ ସୁଦ୍ଧା ୨୬୦୬୪ ଜଣଙ୍କୁ ଉଦ୍ଧାର କରାଯାଇଛି।ପ୍ରଶାସନ ର ପୂର୍ବ ପ୍ରସ୍ତୁତି ଅନୁଯାୟୀ ବାତ୍ୟା ଆଶ୍ରୟ ସ୍ଥଳୀରେ ଶୁଖିଲା ଖାଦ୍ୟ ମହଜୁଦ ଥିବାବେଳେ ରନ୍ଧା ଖାଦ୍ୟ ଦେବାକୁ ସ୍ଥାନୀୟ ଜନ ପ୍ରତିନିଧି ଓ ସରକାରୀ କର୍ମଚାରୀମାନଙ୍କୁ ଜିଲାପାଳ ନିର୍ଦ୍ଦେଶ ଦେଇଛନ୍ତି।

Cyclone Dana Live Updates: ଭୀଷଣ ବାତ୍ୟା ରୂପ ନେଲା 'ଦାନା'
ଭୀଷଣ ବାତ୍ୟା ରୂପ ନେଇ ‘ଦାନା’ ଉପକୂଳ ମୁହାଁ ହୋଇଛି। ଏବଂ ଏହା ଶେଷ ୬ ଘଣ୍ଟାରେ ୧୦ କିମି ବେଗରେ ଗତି କରୁଛି।
ବର୍ତ୍ତମାନ ବାତ୍ୟା ପାରାଦୀପର ଦକ୍ଷିଣପୂର୍ବକୁ ୧୫୦ କିମି ଦୂରରେ ରହିଛି ଓ ଧାମରାର ଦକ୍ଷିଣ ଦକ୍ଷିଣ-ପୂର୍ବର ୧୮୦ କିମି ଦୂରରେ ରହିଛି। ଆଜି ମଧ୍ୟରାତି ଓ କାଲି ସକାଳ ମଧ୍ୟରେ ସ୍ଥଳ ଭାଗ ଛୁଁଇପାରେ।

Cyclone Dana Live Updates: ଓଡିଶା ମାନବାଧିକାର କମିଶନ ନେଲା ଏହି ନିଷ୍ପତ୍ତି
ଭିଷଣ ସାମୁଦ୍ରିକ ଝଡ "ଦାନା"ର ଭୟାବହତାକୁ ଦୃଷ୍ଟିରେ ରଖି ଓଡିଶା ମାନବାଧିକାର କମିଶନ ଆସନ୍ତା ତା ୨୫.୧୦.୨୦୨୪ ରିଖରେ ଓଏଚଆରସିରେ ଆବେଦନକାରୀ/ ପକ୍ଷଙ୍କ ବ୍ୟକ୍ତିଗତ ଉପସ୍ଥିତିକୁ ପରିହାର କରିଛନ୍ତି । ଏହାଦ୍ବାରା ସେମାନଙ୍କ ଅନୁପସ୍ଥିତିରେ କୌଣସି ପ୍ରତିକୁଳ ଆଦେଶ ଜାରି କରାଯିବ ନାହିଁ ବୋଲି କମିଶନ୍ ପକ୍ଷରୁ ସ୍ଷଷ୍ଟ କରାଯିବା ସହିତ ପରବର୍ତ୍ତି ସମୟରେ ଏହା ଅବଗତ କରାଯିବ ।

Cyclone Dana Live Updates:  ୨୦୦ କିଲୋମିଟର ଦୂରରେ ବାତ୍ୟା 'ଦାନା'
ସମୁଦ୍ରରୁ ବଳ ଗୋଟାଇ ମାଡ଼ି ଆସୁଛି ଭୀଷଣ ବାତ୍ୟା ଦାନା। ଘଣ୍ଟାକୁ ୧୨ କିଲୋମିଟ ବେଗରେ ଉତ୍ତର-ଉତ୍ତରପଶ୍ଚିମ ଦିଗରେ ଆଗକୁ ବଢ଼ୁଛି ଦାନା। ସ୍ଥଳ ଭାଗର ନିକଟତର ହେବାରେ ଲାଗିଛି। ଏବେ ପାରାଦ୍ଵୀପ ଠାରୁ ୨୦୦ କିଲୋମିଟର ଦୂରରେ ରହିଛି ବୋଲି ଆଇଏମଡି ଡିଜି ମୃତ୍ୟୁଞ୍ଜୟ ମହାପାତ୍ରଙ୍କ ସୂଚନା ଦେଇଛନ୍ତି। 

Cyclone Dana Live Updates: ୧୩ ନୁହେଁ ୩ ଜିଲ୍ଲାରେ ଅତ୍ୟଧିକ ପବନ
ଘୂର୍ଣ୍ଣିବାତ୍ୟା ‘ଦାନା’ ନେଇ ନୂଆ ସୂଚନା ଜାରି କରିଛନ୍ତି ଭାରତ ପାଣିପାଗ ବିଭାଗ। ରାଜ୍ୟର ସବୁ ଜିଲ୍ଲା ନୁହେଁ ତିନୋଟି ଜିଲ୍ଲାରେ ବାତ୍ୟାବେଳେ ସର୍ବାଧିକ ବେଗରେ ପବନ ପ୍ରବାହିତ ହେବ। ଏହି ତିନି ଜିଲ୍ଲା ହେଉଛନ୍ତି କେନ୍ଦ୍ରାପଡ଼ା, ବାଲେଶ୍ୱର ଏବଂ ଭଦ୍ରକ। ଏହିହେତୁ ଏସବୁ ଜିଲ୍ଲାରେ  ସର୍ବାଧିକ କ୍ଷତି ହୋଇପାରେ। ଏହି ତିନି ଜିଲ୍ଲା ତଳକୁ ସବୁଠରୁ ଅଧିକ ପ୍ରଭାବିତ ଜିଲ୍ଲା ହେଉଛି ମୟୁରଭଞ୍ଜ।

#Cyclone Dana Update: ଘୂର୍ଣ୍ଣିବାତ୍ୟା ‘ଦାନା’ ନେଇ ନୂଆ ସୂଚନା ଜାରି କରିଛନ୍ତି ଭାରତ ପାଣିପାଗ ବିଭାଗ। ରାଜ୍ୟର ସବୁ ଜିଲ୍ଲା ନୁହେଁ ତିନୋଟି ଜିଲ୍ଲାରେ ବାତ୍ୟାବେଳେ ସର୍ବାଧିକ ବେଗରେ ପବନ ପ୍ରବାହିତ ହେବ। ଏହି ତିନି ଜିଲ୍ଲା ହେଉଛନ୍ତି କେନ୍ଦ୍ରାପଡ଼ା, ବାଲେଶ୍ୱର ଏବଂ ଭଦ୍ରକ। ଏହିହେତୁ ଏସବୁ ଜିଲ୍ଲାରେ  ସର୍ବାଧିକ କ୍ଷତି ହୋଇପାରେ। ଏହି ତିନି ଜିଲ୍ଲା ତଳକୁ ସବୁଠରୁ ଅଧିକ ପ୍ରଭାବିତ ଜିଲ୍ଲା ହେଉଛି ମୟୁରଭଞ୍ଜ।

#Cyclone Dana Update:  ଆଜି ଖରାପ ପାଗ ଯୋଗୁ  ଭୁବନେଶ୍ୱର- କୁଆଲାଲାମପୁର ଆନ୍ତର୍ଜାତିକ ବିମାନ ସେବା  ବନ୍ଦ ରହିବ। ଯେଉଁମାନେ ଟିକେଟ କରିଛନ୍ତି, ବିମାନ କମ୍ପାନୀ ସମ୍ପୂର୍ଣ୍ଣ ରିଫଣ୍ଡ ଦେବେ କି ରିସ୍ୟୁଡୁଲ କରିବେ ତାହା ବିମାନ କର୍ତ୍ତୃପକ୍ଷ ନିଷ୍ପତ୍ତି ନେବେ।  ଯାହା DGCA ନିୟମ ରହିଛି ସେହି ଅନୁସାରେ ବିମାନ କମ୍ପାନୀ ପଦକ୍ଷେପ ନେବେ ବୋଲି କହିଛନ୍ତି  ଭୁବନେଶ୍ୱର ବିମାନ ବନ୍ଦର କର୍ତ୍ତୃପକ୍ଷ।

#Cyclone Dana Update: ଆଜି ସନ୍ଧ୍ୟା 5 ଟାରୁ ଆସନ୍ତାକାଲି ସକାଳ 9 ଯାଏଁ ବିମାନ ସେବା ବନ୍ଦ ରହିବ। ଆସନ୍ତା କାଲି ସକାଳେ ପୁଣି ସମୀକ୍ଷା ହେବ। ପାଣିପାଗରେ ପରିବର୍ତ୍ତନ ହୋଇଥିଲେ ଅଥବା ବିମାନ ଉଡ଼ାଣ ଲାଗି ଉପଯୋଗୀ ପାଣିପାଗ ଥିଲେ ପୁଣିଥରେ ବିମାନ ଉଡ଼ାଣ ସମ୍ପର୍କରେ ନିଷ୍ପତ୍ତି ନିଆଯିବ ବୋଲି କହିଛନ୍ତି ଭୁବନେଶ୍ୱର ବିମାନ ବନ୍ଦର ନିର୍ଦ୍ଦେଶକ ପ୍ରସନ୍ନ ପ୍ରଧାନ। 

Flights Cancelled till Tomorrow Morning due to #Cyclone Dana: ଭୁବନେଶ୍ୱର ଆନ୍ତର୍ଜାତିକ ବିମାନ ବନ୍ଦରରୁ ସମସ୍ତ ବିମାନ ଉଡ଼ାଣରେ ରୋକ ଲଗାଇଛନ୍ତି କର୍ତ୍ତୃପକ୍ଷ। ଏହି ଅନୁସାରେ ଆଜି ସନ୍ଧ୍ୟା 5 ଟାରୁ ଆସନ୍ତାକାଲି ସକାଳ 9 ଯାଏଁ ବିମାନ ସେବା ବନ୍ଦ ରହିବ। ବାତ୍ୟା ‘ଦାନା’ ପ୍ରଭାବରେ ଏହି ସେବାସବୁକୁ ବାତିଲ କରାଯାଇଥିବା ସୂଚନା ଦେଇଛନ୍ତି  ବିମାନ ବନ୍ଦର ନିର୍ଦ୍ଦେଶକ ପ୍ରସନ୍ନ ପ୍ରଧାନ। ଆସନ୍ତାକାଲି ପରିସ୍ଥିତିକୁ ଅନୁଧ୍ୟାନ କରିବା ପରେ ପରବର୍ତ୍ତୀ ନିଷ୍ପତ୍ତି ନିଆଯିବ ବୋଲି ସେ କହିଛନ୍ତି। 

#Cyclone Dana Update: ମା’ ଓ ଶିଶୁଙ୍କ ଯତ୍ନ ତଥା ଗର୍ଭବତୀ ମହିଳାଙ୍କ ସ୍ୱତନ୍ତ୍ର ଯତ୍ନ ନେବାକୁ ପ୍ରସ୍ତୁତ ହୋଇଛନ୍ତି ରାଜ୍ୟ ସରକାର। ଏଥିଲାଗି ରାଜ୍ୟର ବିଭିନ୍ନ ସ୍ଥାନରେ ସ୍ୱତନ୍ତ୍ର ସ୍ୱାସ୍ଥ୍ୟ ଟିମ୍‍ ମୁତ୍ତୟନ କରାଯାଇଛି। ୯୨ଟି ସ୍ୱାସ୍ଥ୍ୟଟିମ୍‍ ପ୍ରଭାବିତ ଅଞ୍ଚଳରେ ମୁତ୍ତୟନ କରାଯିବା ସହ ସେମାନଙ୍କ ପାଖରେ ଆବଶ୍ୟକ ଔଷଧ ମହଜୁଦ କରାଯାଇଛି। ୨୩୩୮ ଜଣ ଗର୍ଭବତୀ ମହିଳାଙ୍କୁ ସ୍ୱତନ୍ତ୍ର ଭାବେ ମା’ ଘର ଓ ହସ୍ପିଟାଲକୁ ସ୍ଥାନାନ୍ତର କରାଯାଇ ଚିକିତ୍ସା କାର୍ଯ୍ୟ ଚଳାଯାଉଥିବା ମୁଖ୍ୟମନ୍ତ୍ରୀ ସୂଚନା ଦେଇଛନ୍ତି।  

#Cyclone Dana Update: ପ୍ରାକୃତିକ ବିପର୍ଯ୍ୟୟ ସମୟରେ ପ୍ରାଣୀ ସମ୍ପଦ ମଧ୍ୟ ଗଭୀର ପୟଭାବିତ ହୋଇଥାଆଦନ୍ତି। ବିଶେଷ କରି ଗୃହପାଳିତ ପ୍ରାଣୀମାନଙ୍କୁ ଏହି ପ୍ରକାର ଦୂରାବସ୍ଥାର ସମ୍ମୁଖୀନ ହେବାକୁ ପଡ଼ିଥାଏ। ଏହି ପ୍ରାଣୀମାନଙ୍କୁ ଗାଁର ଉଚ୍ଚସ୍ଥାନରେ ଖୋଲା ଛାଡ଼ିବାକୁ ରାଜ୍ୟ ସରକାର ପରାମର୍ଶ ଦେଇଛନ୍ତି।

#Cyclone Dana Update: ରାଜ୍ୟରେ ସମୁଦାୟ ୭୨୮୫ ବାତ୍ୟା ଆଶ୍ରୟସ୍ଥଳୀ ରହିଛି। ଏଥରୁ ବହୁମୁଖ୍ୟୀ ବାତ୍ୟା ଆଶ୍ରୟସ୍ଥଳୀ  ସଂଖ୍ୟା ରହିଛି ୮୪୨ ଏବଂ ଅସ୍ଥାୟୀ ଆଶ୍ରୟସ୍ଥଳୀ ହେଉଛି ୬୪୪୩। ଏହିସବୁ ସ୍ଥାନକୁ ୩ ଲକ୍ଷ ଲୋକଙ୍କ ସ୍ଥାନାନ୍ତର କରାଯାଇଛି। ଯେଉଁ ଅଞ୍ଚଳ ସମ୍ବେଦନଶୀଳ ସେଠାରୁ ଶତ ପ୍ରତିଶତ ଲୋକଙ୍କୁ ସ୍ଥାନାନ୍ତର କରିବା ଆମର ଲକ୍ଷ୍ୟ। ଏହି ଦିଗରେ ଆମେ ଆଗକୁ ଯାଉଛୁ ବୋଲି କହିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝି। ରାଜୀବ ଭବନରେ ବାତ୍ୟା ସମ୍ପର୍କିତ ପ୍ରସ୍ତୁତି ବିଷୟକୁ ସମୀକ୍ଷା କରିବା ପରେ ମୁଖ୍ୟମନ୍ତ୍ରୀ ଏହା କହିଛନ୍ତି।

#Cyclone Dana Update: ବାତ୍ୟା ମୁକାବିଲା ପାଇଁ ୧୮-୧୯ NDRF ଟିମ୍‍, ୫୧  ODRAF, ୧୭୮ ଅଗ୍ନିଶମ ଟିମ ଚମତ୍କାର ପ୍ରସ୍ତୁତି କରିଛନ୍ତି। ୧୦ ମିନିଟରେ ଗଛ କଟାଯିବାର ଅତ୍ୟାଧୁନିକ ମେସିନ, ଗ୍ଲାସ କଟର ମହାଜୁଦ ଅଛି। ଜିଲ୍ଲା ପ୍ରଶାସନକୁ ପରାମର୍ଶ ଦେଇଛୁ ଯେ ଓଡ୍ରାଫ, NDRF ଓ ଅଗ୍ନିଶମ ଟିମକୁ ସହଯୋଗ କରିବାକୁ ଜଣେ ଜଣେ ଅଧିକାରୀ ଦିଆଯାଇଛି। ସେହି ଅଧିକାରୀ ଖାଦ୍ୟ ଓ ORS ବ୍ୟବସ୍ଥା କରିଵେ। ଜିଲ୍ଲା ପ୍ରଶାସନକୁ ଖର୍ଚ୍ଚ କରିବାର କ୍ଷମତା ଦିଆଯାଇଛି। ସେମାନେ ଖୋଲା ହାତରେ ଖର୍ଚ୍ଚ କରନ୍ତୁ ବୋଲି ଅଧିକାରୀଙ୍କୁ କହିଛନ୍ତି ରାଜସ୍ୱମନ୍ତ୍ରୀ।

 #Cyclone Dana Update: ସମ୍ବେଦନଶୀଳ ଅଞ୍ଚଳରୁ ଲୋକଙ୍କୁ ଉଦ୍ଧାର ପାଇଁ ସତର୍କ ରହିଛନ୍ତି ସରକାର। ବିଭାଗୀୟ ମନ୍ତ୍ରି କହିଛନ୍ତି,  ପ୍ରାଥମିକ ଆକଳନ ରଖିଥିଲୁ ୧୨ ଲକ୍ଷ ଲୋକଙ୍କୁ ସ୍ଥାନାନ୍ତର କରିବୁ। ହେଲେ ଏବେ 10 ଲକ୍ଷ ଲୋକ ସ୍ଥାନାଦନ୍ତର ହୋଇଛନ୍ତି। ପୁରୀରେ ପ୍ରଭାବ କମ୍‍ ରହିଛି।    ବାଲେଶ୍ୱର, ଭଦ୍ରକ ଓ କେନ୍ଦ୍ରାପଡ଼ାରେ ଅଧିକ ସ୍ଥାନାନ୍ତର କରାଯାଉଛି ବୋଲି ସେ କହିଛନ୍ତି।

#Cyclone Dana Update: ସାପ କାମୁଡା ଔଷଧ ସମ୍ବେଦନଶୀଳ ଅଞ୍ଚଳର 20 କିଲୋମିଟର ଭିତରେ ଗଛିତ ଅଛି। ଅଧ ଘଣ୍ଟାରୁ କମ ସମୟରେ ରୋଗୀ ପାଖରେ ପଞ୍ଚିବାକୁ ପ୍ରସ୍ତୁତ ରହିଛି ପ୍ରଶାସନ। ଏହା ସହ ସଂକ୍ରମଣ ରୋକିବାକୁ ପାଣିରେ କ୍ଲୋରିନ ଓ ବ୍ଲିଚିଙ୍ଗ ଦିଆଯିବ ବୋଲି କହିଛନ୍ତି ରାଜସ୍ୱ ଓ ବିପର୍ଯ୍ୟୟ ପ୍ରଶମନ ମନ୍ତ୍ରୀ।  

#Cyclone Dana Update: ୧୩ ଜିଲ୍ଲାରେ ସରକାର ଆଲର୍ଟରେ ଅଛନ୍ତି। ସହରାଞ୍ଚଳରେ ବି ପାଣି ପଶିବାର ସମ୍ଭାବନା ରହିଛି। ଏଥିଲାଗି ଜଳସେଚନ ବିଭାଗ ସହ କଥା ହୋଇଥିବା କହିଛନ୍ତି ରାଜସ୍ୱ ମନ୍ତ୍ରୀ। ନିଷ୍କାସନ କାମ ବି ଆରମ୍ଭ ହୋଇଥିବା ସେ ସୂଚନା ଦେଇଛନ୍ତି। ଡ୍ୟାମରେ ଯେପରି ପାଣି ରହି ପାରିବ, ସେ ବ୍ୟବସ୍ଥା ବି ହୋଇଥିବା ସେ କହିଛନ୍ତି।

#Cyclone Dana Update: କାଲି ସକାଳ ସୁଦ୍ଧା କୌଣସି ସମୟରେ ହିଟ ହୋଇପାରେ। ଆଜି ରାତି 8.30 ରୁ କାଲି ରାତି 8.30 ଯାଏଁ ରେଡ ସତର୍କତା ଜାରି କରାଯାଇଛି। 20 ସେଣ୍ଟିମିଟର ବର୍ଷା ହେବାର ଆଶଙ୍କା ରହିଛି।  ଏଣୁ ସ୍ଥାନାନ୍ତର କାମ ଚାଲିଛି। ପ୍ରଶାସନ, ପୋଲିସ ଓ ସ୍ଥାନୀୟ ପ୍ରତିନିଧି ଏହି କାମରେ ଅଛନ୍ତି। ଆଶ୍ରୟସ୍ଥଳୀରେ ଲୋକେ ପହଂଚି ସାରିଲେଣି। ରିଲିଫ ସେଣ୍ଟରକୁ ଆସୁଥିବା ଲୋକ ଗୃହପାଳିତ ପଶୁଙ୍କୁ ଘରେ ବାନ୍ଧିକି ରଖୁଛନ୍ତି। ହେଲେ ଏପରି କରନ୍ତୁ ନାହିଁ , ବୋଲି ନିବେଦନ କରିଛନ୍ତି ରାଜସ୍ୱ ମନ୍ତ୍ରୀ।  ତାଙ୍କୁ ଉଚ୍ଚ ସ୍ଥାନରେ ଛାଡ଼ିଦେବାକୁ ସେ କହିଛନ୍ତି।

#Cyclone Dana Update: ବାତ୍ୟାର ଗତିପଥ ସାମାନ୍ୟ ପରିବର୍ତ୍ତନ ହୋଇଛି। ଭିତରକନିକା ପାର୍ଶ୍ଵରେ ହେବା ନେଇ ଅନୁମାନ କରାଯାଉଛି। ହେଲେ ଲ୍ୟାଣ୍ଡ ନ କରିବା ଯାଏଁ କହି ହେବନି ବୋଲି କହିଛନ୍ତି  ରାଜସ୍ୱ ମନ୍ତ୍ରୀ ସୁରେଶ ପୂଜାରୀ। ଆମେ  ବାତ୍ୟା ମୁକାବିଲା ପାଇଁ ସମସ୍ତ ପ୍ରସ୍ତୁତି କରିଛୁ। ମନ୍ତ୍ରୀମାନେ ଗ୍ରାଉଣ୍ଡ ଜିରୋରେ ଏହାର ନିରୀକ୍ଷଣ କରୁଛନ୍ତି। ବରିଷ୍ଠ IAS ଅଫିସର ସେହି ଜିଲ୍ଲା ଯାଇଛନ୍ତି, ଯେଉଁଠି ସେମାନେ ପୂର୍ବରୁ କାମ କରିଛନ୍ତି ଓ ବନ୍ୟା ବାତ୍ୟାରେ କାମ କରିବାର ଅନୁଭବ ରଖିଛନ୍ତି। ମୟୁରଭଞ୍ଜ, କେନ୍ଦ୍ରାପଡ଼ା, ବାଲେଶ୍ୱର, ଭଦ୍ରକ, ଜଗତସିଂହପୁର ପରି ଜିଲ୍ଲାରେ ବର୍ଷା ହେବ ବୋଲି ସେ କହିଛନ୍ତି।

#Cyclone Dana Update: ଘଣ୍ଟାକୁ ୧୫ କିଲେମିଟର ବେଗରେ ମାଡ଼ି ଆସୁଛି  ବିପଦ।  ସିଭିୟର ସାଇକ୍ଲୋନିକ୍ ଷ୍ଟର୍ମ ‘ଦାନା’ ଏବେ ପାରାଦୀପଠାରୁ ୨୬୦ କିଲୋମିଟର ଦକ୍ଷିଣ ପୂର୍ବ ଓ ଧାମରାରୁ ୨୯୦ କିଲୋମିଟର ଦକ୍ଷିଣ-ଦକ୍ଷିଣ ପୂର୍ବ ଦିଗରେ, ସାଗର ଦ୍ୱୀପଠାରୁ ୩୫୦ ଦକ୍ଷିଣ-ଦକ୍ଷିଣ ପୂର୍ବ ଦିଗରେ ରହିଛି। ଏହା ବର୍ତ୍ତମାନ ଉତ୍ତର- ପଶ୍ଚିମ ଦିଗକୁ ଗତି କରୁଛି। ଗତ ୬ ଘଣ୍ଟା ଧରି ବାତ୍ୟା ଉତ୍ତର- ଉତ୍ତରପଶ୍ଚିମ ଦିଗରେ ଘଣ୍ଟାପ୍ରତି ୧୫ କିଲୋମିଟର ବେଗରେ ଗତି କରୁଛି ବୋଲି କହିଛନ୍ତି ପାଣିପାଗ ନିର୍ଦ୍ଦେଶିକା।

#Cyclone Dana Update: ଅବପାତ ପରେ ଲେଉଟିବ ବାତ୍ୟା ‘ଦାନା’। ଏନେଇ ସୂଚନା ଦେଇଛନ୍ତି ଆଞ୍ଚଳିକ ପାଣିପାଗ ନିର୍ଦ୍ଦେଶିକା ମନୋରାମା ମହାନ୍ତି। ବାତ୍ୟାର ଗତିପଥରେ କିଛି ପରିବର୍ତ୍ତନ ହେବ ନାହିଁ କିନ୍ତୁ ବାତ୍ୟା ମାଡ଼ ହେବା ପରେ ରିକର୍ଭ କରିପାରେ ବୋଲି ସେ ସୂଚନା ଦେଇଥିଲେ। ଏହି ପରି ରିକର୍ଭ ଦ୍ୱାରା ପୁରୀରେ ଅବପାତ ଘଟିଥିବା ‘ଫନି’ ବ୍ୟାପକ କ୍ଷତି କରିଥିଲା। ଲେଉଟାଣି ବାତ୍ୟା ବୋଲି ଏହାକୁ କୁହାଯାଇପାରେ। ବାତ୍ୟାର ଗତିପଥ ଯାହା ଥିଲା, ତାହା ରହିଛି। ବାତ୍ୟା ‘ଦାନା’  ଅତି ଭୀଷଣ ରୂପ ନେଇ ଆଜି ରାତିରୁ ଆସନ୍ତାକାଲି ସକାଳ ମଧ୍ୟରେ  ଭିତରକନିଆ ଓ ଧାମରା ପାଖାପାଖି  ଅତିକ୍ରମ କରିବ । ଲ୍ୟାଣ୍ଡଫଲ୍‌ ପରେ ଏହା ସାମାନ୍ୟ ପଶ୍ଚିମ ପଶ୍ଚିମ ଦକ୍ଷିଣ ଦିଗକୁ ରିକର୍ଭ କରିପାରେ ବୋଲି ସୂଚନା ଦେଇଛନ୍ତି ଆଞ୍ଚଳିକ ପାଣିପାଗ କେନ୍ଦ୍ରର ନିର୍ଦ୍ଦେଶିକା ।

 #Cyclone Dana Update: ବାତ୍ୟା ‘ଦାନା’ ରେ ଶୂନ୍ୟ ମୃତ୍ୟୁ ନିଶ୍ଚିତ କରିବାକୁ ତୁହାକୁ ତୁହା ସରକାରୀ ଅଧିକାରୀଙ୍କ ଭିତରେ ବୈଠକ ଜାରି ରହିଛି। ମୁଖ୍ୟମନ୍ତ୍ରୀ ମୋହନ ଚରଣ ମାଝି ସ୍ୱଥନ୍ତ୍ର ରିଲିଫ୍‍ କମିଶନରଙ୍କ କାର୍ଯ୍ୟାଳୟରେ ପ୍ରତ୍ୟକ୍ଷ ନିରୀକ୍ଷଣ ଲାଗି ଆଜି ସକାଳେ ରାଜୀଭବନ ପହଞ୍ଚିଛନ୍ତି।

#Cyclone Dana Update, #203Trains Cancelled due to #Dana ସମ୍ଭାବ୍ୟ ବାତ୍ୟା ‘ଦାନା’ ପ୍ରଭାବକୁ ଆଖିରେ ରଖି ସମୁଦାୟ ୨୦୩ଟି ଟ୍ରେନକୁ ବାତିଲ କରାଯାଇଛି। ଏଥିରେ ୧୭୫ଟି ଆନ୍ତଃ ଜୋନ ଟ୍ରେନ ହୋଇଥିବା ବେଳେ ୨୮ଟି ଟ୍ରେନ ପୂର୍ବତଟ ରେଳବାଇ ଅଧୀନସ୍ଥ ବୋଲି ପୂର୍ବତଟ ରେଳବାଇ ପକ୍ଷରୁ କୁହାଯାଇଛି। ୨୨ ତାରିଖରୁ ଏହି ଟ୍ରେନ ବାତିଲ ଆରମ୍ଭ ହୋଇଛି। ୨୯ ତାରିଖ ଯାଏ ଏପରି ବାତିଲ ଜାରି ରହିବ ଏବଂ ରାଜ୍ୟରୁ ଯାଉଥିବା ବା ରାଜ୍ୟକୁ ଆସୁଥିବା ଟଅେନ ପ୍ରଭାବିତ ହେବ ବୋଲି ପୂର୍ବତଟ ରେଳବାଇ ପକ୍ଷରୁ କୁହାଯାଇଛି।

Cyclone Dana: ସାମୁଦ୍ରିକ ଝଡ଼ ଦାନା ଭୀଷଣ ରୂପ ନେଇ ସ୍ଥଳଭାଗ ଆଡ଼କୁ ମାଡି ଆସୁଛି। ସମ୍ଭାବ୍ୟ ବାତ୍ୟାକୁ ଦୃଷ୍ଟିରେ ରଖି ରାଜ୍ୟପାଳ ତାଙ୍କର ସମସ୍ତ କାର୍ଯ୍ୟକ୍ରମକୁ ବାତିଲ କରିଛନ୍ତି ଏବଂ ରାଜଭବନର କଣ୍ଟ୍ରୋଲ ରୁମରୁ ସାଇକ୍ଲୋନ ଦାନାର ଗତିବିଧି ଉପରେ ନଜର ରଖିବେ। ରାଜ୍ୟପାଳ ସିଭି ଆନନ୍ଦ ବୋଷ କହିଛନ୍ତି ଯେ ଆମେ ବର୍ତ୍ତମାନ ସଙ୍କଟ ସମୟରେ ଅଛୁ। ସାଇକ୍ଲୋନିକ୍ ଝଡ ଦାନା ପାଖେଇ ଆସୁଛି, କିନ୍ତୁ ପଶ୍ଚିମବଙ୍ଗରେ ଆମେ ଅନେକ ଝଡର ସମ୍ମୁଖୀନ ହୋଇଛୁ। ଆତ୍ମବିଶ୍ୱାସ ଏବଂ ଧୈର୍ଯ୍ୟ ସହିତ ଆମେ ଦାନାକୁ ମଧ୍ୟ ସାମ୍ନା କରିବୁ। 

Cyclone Dana: ଲ୍ୟାଣ୍ଡଫଲ୍ ବେଳେ ବାଲେଶ୍ବର, ଭଦ୍ରକ ଓ କେନ୍ଦ୍ରାପଡ଼ା ଜିଲ୍ଲାରେ ପବନର ବେଗ ଘଣ୍ଟାପ୍ରତି ୧୦୦ରୁ ୧୨୦ କିଲୋମିଟର ରହିପାରେ ବୋଲି ଆକଳନ କରାଯାଇଛି।ତାସହ ସମୁଦ୍ରରେ ଉଚ୍ଚ ଜୁଆର ଆସିବା ସହ ଗଛ, ବିଦ୍ୟୁତ୍ ଖୁଣ୍ଟ ଓ କଚା ଘରକୁ ବାତ୍ୟା ବିପଦ ପହଞ୍ଚାଇବାର ଆଶଙ୍କା ରହିଛି। ପ୍ରଭାବରେ ଗତକାଲିଠୁ ବିଭିନ୍ନ ସ୍ଥାନରେ ବର୍ଷା ଚାଲିଛି। IMD ଡିଜି କହିଛନ୍ତି- ୪ ଜିଲ୍ଲା ଜଗତସିଂହପୁର, କେନ୍ଦ୍ରାପଡ଼ା, ବାଲେଶ୍ବର ଓ ଭଦ୍ରକରେ ରହିବ ସାଇକ୍ଲୋନର ଅଧିକ ପ୍ରଭାବ।

Cyclone Dana: ବାତ୍ୟା ଦାନା ପ୍ରଭାବରେ ଅଶାନ୍ତ ହେଲାଣି ସମୁଦ୍ର। ପଶ୍ଚିମବଙ୍ଗ ଗଙ୍ଗା ସାଗର ବିଚରେ ସମୁଦ୍ରରେ ଉଚ୍ଚ ଜୁଆର ଆସିବାରେ ଲାଗିଛି। ଧୀରେ ଧୀରେ ପବନର ବେଗ ମଧ୍ୟ ତୀବ୍ର ହେଲାଣି। ଗଙ୍ଗାସାଗର ଅଞ୍ଚଳରେ ସକାଳୁ ସକାଳୁ ବିଭିନ୍ନ ସ୍ଥାନରେ ବର୍ଷା ମଧ୍ୟ ଆରମ୍ଭ ହୋଇଗଲାଣି। ସ୍ଥାନୀୟ ପ୍ରଶାସନ ପକ୍ଷରୁ ବୃଦ୍ଧ ବୃଦ୍ଧା ଏବଂ ଗର୍ଭବତୀଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇ ସାରିଛି। ବାତ୍ୟା ପ୍ରଭାବରେ ପଶ୍ଚିମବଙ୍ଗରେ ଅନେକ ଟ୍ରେନ୍ ବାତିଲ କରାଯାଇଛି। ଆଜି ରାତି ୮ଟାରୁ କାଲି ପର୍ଯ୍ୟନ୍ତ ଅନେକ ଦୂରଗାମୀ ଟ୍ରେନ୍ ଏବଂ ଲୋକାଲ ଟ୍ରେନକୁ ମଧ୍ୟ ବାତିଲ କରାଯାଇଛି।

Clone Dana:  ଆଜି ଓ କାଲି ପର୍ଯ୍ୟଟକଙ୍କ ପାଇଁ କୋଣାର୍କ ସୂର୍ଯ୍ୟ ମନ୍ଦିର ବନ୍ଦ। ପ୍ରତ୍ନତତ୍ତ୍ବ ବିଭାଗ ପକ୍ଷରୁ ବନ୍ଦ ରଖିବାକୁ ନିଷ୍ପତ୍ତି। ବାତ୍ୟା ପ୍ରଭାବ ଯୋଗୁଁ ବନ୍ଦ ରଖିବାକୁ ନିଷ୍ପତ୍ତି। 

CYclone Updates: ସାମୁଦ୍ରିକ ଘୂର୍ଣ୍ଣିଝଡ଼ ଦାନା ବଙ୍ଗୋପସାଗରର କେନ୍ଦ୍ରୀୟ ଏବଂ ସଂଲଗ୍ନ ଉତ୍ତର-ପଶ୍ଚିମ ଦିଗକୁ ଗତ ୬ ଘଣ୍ଟା ମଧ୍ୟରେ ୧୨ କିଲୋମିଟର ବେଗରେ ଉତ୍ତର-ଉତ୍ତର-ପଶ୍ଚିମ ଦିଗକୁ ଗତି କରୁଛି। ଏହା ସହିତ ଆଜି ସକାଳ ସାଢେ ୫ଟା ସୁଦ୍ଧା କେନ୍ଦ୍ରୀଭୂତ ହୋଇଛି। ଉତ୍ତର-ପଶ୍ଚିମ ଏବଂ ବଙ୍ଗୋପସାଗରର କେନ୍ଦ୍ରୀୟ ଉପସାଗର, ପାରାଦୀପ (ଓଡିଶା) ର ଦକ୍ଷିଣ-ପୂର୍ବରେ ୨୬୦ କିଲୋମିଟର, ଧାମରା (ଓଡିଶା) ର ୨୯୦ କିଲୋମିଟର ଦକ୍ଷିଣ-ଦକ୍ଷିଣ ପୂର୍ବ ଏବଂ ସାଗର ଦ୍ୱୀପ (ପଶ୍ଚିମବଙ୍ଗ) ର 350 କିଲୋମିଟର ଦକ୍ଷିଣରେ ରହିଥିବା ଜଣାପଡ଼ିଛି। 

The severe cyclonic storm “DANA” (pronounced as Dana) over central & adjoining northwest Bay of Bengal moved north-northwestwards with a speed of 12 kmph during past 6 hours, and lay centred at 0530 hrs IST of today, the 24th October, over northwest & adjoining central Bay of… pic.twitter.com/YzpsoQfHzs

— India Meteorological Department (@Indiametdept) October 24, 2024

Cyclone Dana: ସ୍ଥଳ ଭାଗ ଛୁଇଁଲା ଦାନାର ବାହ୍ୟ ବଳୟ, ଉପକୂଳ ଓଡ଼ିଶାରେ ବର୍ଷା ଆରମ୍ଭ
ମାଡି଼ ଆସୁଛି ବାତ୍ୟା 'ଦାନା'। 'ଦାନା' ପ୍ରଭାବରେ ରାଜ୍ୟର ବିଭିନ୍ନ ସ୍ଥାନରେ ବର୍ଷା ଆରମ୍ଭ ହୋଇଛି। ବିଶେଷକରି, ରାଜଧାନୀ ଭୁବନେଶ୍ବରରେ ଭୀଷଣ ବର୍ଷା ଆରମ୍ଭ ହୋଇଯାଇଛି।  ବାତ୍ୟାର କେନ୍ଦ୍ରସ୍ଥଳରୁ ୨୦୦ କିଲୋମିଟର ଗୋଲେଇ ଭିତର ତାଣ୍ତବ ଖେଳାଇବ ବାତ୍ୟା 'ଦାନା'। ଆଜି ରାତି ସାଢେ ୧୧ଟାରୁ ଶୁକ୍ରବାର ମଧ୍ୟାହ୍ନ ଯାଏଁ  ୧୧୦ ରୁ ୧୨୦ କିଲୋମିଟର ବେଗରେ ମାଡ଼ ହେବ ପବନ। ପଢନ୍ତୁ ପୂରା ରିପୋର୍ଟ...

ଜୀ ଓଡ଼ିଶାର ଲାଇଭ ବ୍ଲଗକୁ ଆପଣଙ୍କୁ ସ୍ୱାଗତ। ଏଠାରେ ଆମେ ବାତ୍ୟା ଦାନା ସମ୍ପର୍କିତ ଟିକିନିଖ ଖବର ଆପଣଙ୍କୁ ପ୍ରଦାନ କରିବୁ। ଟିକିନିଖି ଖବର ପାଇଁ ଆମ ସହିତ ଯୋଡ଼ି ହୋଇ ରୁହନ୍ତୁ।