LIC New Scheme: ମାତ୍ର ୪୫ ଟଙ୍କା ସଞ୍ଚୟ କରି ପାଇପାରିବେ ୨୫ ଲକ୍ଷ ଟଙ୍କା, ଜାଣନ୍ତୁ କିପରି..

LIC Jeevan Anand Scheme: ଜୀବନ ବୀମା ନିଗମ ଅଫ୍ ଇଣ୍ଡିଆ (LIC) ବୀମା କ୍ଷେତ୍ରରେ ଖୁବ୍ ଲୋକପ୍ରିୟ ହୋଇସାରିଛି । ଲୋକମାନେ ନିଜ କଷ୍ଟ ଅର୍ଜିତ ଧନର ସୁରକ୍ଷା ସହିତ ଭଲ ରିଟର୍ଣ୍ଣ ପାଇଁ LIC ବୀମା କିମ୍ବା ପଲିସିରେ ବିନିଯୋଗ କରିବାକୁ ପସନ୍ଦ କରନ୍ତି । ତେବେ ବରିଷ୍ଠ ନାଗରିକ ଏବଂ ପିଲାମାନଙ୍କ ପାଇଁ ଏଲଆଇସି ପକ୍ଷରୁ ଅନେକ ପ୍ଲାନ ପ୍ରସ୍ତୁତ କରାଯାଇଛି । ଆପଣ LIC ପ୍ଲାନରେ ବିନିଯୋଗ କରି ଭଲ ରିଟର୍ନ ପାଇପାରିବେ । ଅଧିକ ପ୍ରିମିୟମ ଦେବା କାରଣରୁ କିଛି ଲୋକ ବିନିଯୋଗ କରିବାକୁ ପସନ୍ଦ କରନ୍ତି ନାହିଁ । ଆପଣ LICର କିଛି ପ୍ଲାନରେ କମ୍ ପ୍ରିମିୟମ୍ ସହିତ ଭଲ ରିଟର୍ନ ପାଇପାରିବେ । ଆଜି ଆମେ ଆପଣଙ୍କୁ LIC ର ଜୀବନ ଆନନ୍ଦ ପଲିସି ବିଷୟରେ କହିବୁ । ଏହି ପଲିସିରେ, ଆପଣ ପ୍ରତିଦିନ ମାତ୍ର ୪୫ ଟଙ୍କା ସଞ୍ଚୟ କରି ୨୫ ଲକ୍ଷ ଟଙ୍କା ସଞ୍ଚୟ କରିପାରିବେ ।

ଆପଣଙ୍କୁ କେତେ ବର୍ଷ ବିନିଯୋଗ କରିବାକୁ ପଡିବ?

LIC ଜୀବନ ଆନନ୍ଦ ପଲିସି ଅନୁଯାୟୀ, ଆପଣ ପ୍ରତିଦିନ ମାତ୍ର ୪୫ ଟଙ୍କା ସଞ୍ଚୟ କରିବା ସହ ମାସରେ ଥରୁଟିଏ ୧୩୫୮ ଟଙ୍କା ଜମା କରି ମୋଟ ୨୫ ଲକ୍ଷ ଟଙ୍କାର ଲାଭ ପାଇପାରିବେ । ଆପଣଙ୍କୁ ଏହି ରାଶି ଏକ ଦୀର୍ଘ ସମୟ ପାଇଁ ପ୍ରତି ମାସରେ ଜମା କରିବାକୁ ପଡିବ । ଏହାର ପଲିସି ଅବଧି ୧୫ରୁ ୩୫ ବର୍ଷ ପର୍ଯ୍ୟନ୍ତ ରହିଛି । ଅର୍ଥାତ୍ ଯଦି ଆପଣ ଏହି ପଲିସି ଅଧୀନରେ ୩୫ ବର୍ଷ ପାଇଁ ପ୍ରତିଦିନ ୪୫ ଟଙ୍କା ସଞ୍ଚୟ କରି ବିନିଯୋଗ କରନ୍ତି, ତେବେ ଏହି ପଲିସିର ମାଚ୍ୟୁରିଟି ଶେଷ ହେବା ପରେ ଆପଣଙ୍କୁ ୨୫ ଲକ୍ଷ ଟଙ୍କା ମିଳିବ । ଯଦି ଆମେ ବାର୍ଷିକ ଭିତ୍ତିରେ ଆପଣଙ୍କ ଦ୍ୱାରା ସଞ୍ଚୟ ହୋଇଥିବା ଟଙ୍କାର ପରିମାଣକୁ ଦେଖିବା, ତେବେ ଏହା ପ୍ରାୟ ୧୬,୩୦୦ ଟଙ୍କା ହେବ ।

ପଲିସିରେ ଲାଭ କ’ଣ?
ଏଲଆଇସି ଜୀବନ ଆନନ୍ଦ ପଲିସି ଗ୍ରହଣ କରୁଥିବା ପଲିସିଧାରୀ ଏହି ପ୍ଲାନ ଅଧୀନରେ କୌଣସି ଟିକସ ରିହାତିର ଲାଭ ପାଇବେ ନାହିଁ । ଏଥିମଧ୍ୟରେ ଆକ୍ସିଡେଣ୍ଟାଲ୍ ଡେଥ୍ ଏବଂ ଭିନ୍ନକ୍ଷମ, ଆକ୍ସିଡେଣ୍ଟ୍ ବେନିଫିଟ୍, ନୂତନ ଟର୍ମ ଇନସୁରାନ୍ସ  ଏବଂ ନୂତନ କ୍ରିଟିକାଲ୍ ବେନିଫିଟ୍ ଅନ୍ତର୍ଭୁକ୍ତ ରହିଛି । ମୃତ୍ୟୁରେ ନୋମିନିକୁ ପଲିସିର ୧୨୫% ଲାଭ ମିଳିବ । ଆପଣଙ୍କୁ କହିରଖୁଛୁ ଯେ, ଏହି ପଲିସିରେ ଟିକସ ଛାଡ କରିବାର କୌଣସି ଲାଭ ନାହିଁ ।

Also Read- Jio Plan: ଖୁସି ଖବର ! ମାତ୍ର ଏତିକି ଟଙ୍କାରେ ୯୦ଜିବି ଇଣ୍ଟରନେଟ ସହ ଅନଲିମିଟେଡ୍ କଲ୍

Also Read- Two Rajyog: ୩୦ ବର୍ଷ ପରେ ବିରଳ ରାଜଯୋଗ, ୩ ରାଶିକୁ ବଡ଼ ଲାଭ