Ladli Bahan Yojana: ହୋଲି ପୂର୍ବରୁ ମହିଳାଙ୍କ ପାଇଁ ଖୁସି ଖବର, ଏଣିକି ପ୍ରତିମାସରେ ୧୦୦୦ ଟଙ୍କା ଦେବେ ସରକାର

Ladli Bahan Yojana: ସାରା ଦେଶରେ କେନ୍ଦ୍ର ତଥା ରାଜ୍ୟ ସରକାରଙ୍କ ତରଫରୁ ଅନେକ ଯୋଜନା ଚାଲୁଛି । ଏହି ଯୋଜନା ଅନ୍ତର୍ଗତ ସାଧାରଣ ଜନତାଙ୍କୁ ଆର୍ଥିକ ସହାୟତା ଯୋଗାଇ ଦିଆଯାଇଥାଏ । ବର୍ତ୍ତମାନ ମହିଳାମାନେ ସରକାରଙ୍କ ଠାରୁ ପ୍ରତିମାସରେ ୧୦୦୦ ଟଙ୍କା ପାଇବେ । ସରକାର ସମୟ ସମୟରେ ମହିଳାମାନଙ୍କ ପାଇଁ ଯୋଜନା କାର୍ଯ୍ୟକାରୀ କରୁଛନ୍ତି । ଆସନ୍ତୁ ଜାଣିବା ବର୍ତ୍ତମାନଠାରୁ କେଉଁ ମହିଳାମାନେ ପ୍ରତି ମାସରେ ୧୦୦୦ ଟଙ୍କା ପାଇବାକୁ ଯାଉଛନ୍ତି ଓ କିଏ ଏହାର ଫାଇଦା ଉଠାଇ ପାରିବେ । ମଧ୍ୟପ୍ରଦେଶ ମୁଖ୍ୟମନ୍ତ୍ରୀ (Madhya Pradesh CM) ଶିବରାଜ ସିଂ ଚୌହାନ (Shivraj Singh Chouhan) ମହିଳାମାନଙ୍କ ପାଇଁ ଏକ ଘୋଷଣା କରିଛନ୍ତି । ଯେଉଁଥିରେ ମହିଳାମାନଙ୍କୁ ପ୍ରତି ମାସରେ ୧୦୦୦ ଟଙ୍କା ଦିଆଯିବ । ମହିଳାମାନଙ୍କ ପାଇଁ ସରକାର 'ଲାଡଲି ବହାନା ଯୋଜନା' (Ladli Bahan Yojana) ଲାଗୁ କରିଛନ୍ତି । ଯେଉଁଥିପାଇଁ ମହିଳାମାନେ ବହୁତ ଉପକୃତ ହେବେ । 

ମଧ୍ୟ ପ୍ରଦେଶରେ ହେବାକୁ ଥିବା ନିର୍ବାଚନ (MP Assembly Election 2023) କୁ ଦୃଷ୍ଟିରେ ରଖି ରାଜ୍ୟର ଅଧା ଜନସଂଖ୍ୟାକୁ ଆକୃଷ୍ଟ କରିବା ପାଇଁ ମୁଖ୍ୟମନ୍ତ୍ରୀ (MP CM) ଶିବରାଜ ସିଂ ଚୌହାନ (Shivraj Singh Chouhan) ଏକ ବଡ଼ ଘୋଷଣା କରିଛନ୍ତି । ନର୍ମଦା ଜୟନ୍ତୀ ଅବସରରେ ରାଜ୍ୟର ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ରାଜ୍ୟର ମହିଳାମାନଙ୍କ ପାଇଁ ଲାଡଲି ବହନା ଯୋଜନା (Ladli Bahna Scheme) ର ଘୋଷଣା କରିଥିଲେ । ବର୍ତ୍ତମାନ ପ୍ରଶାସନ ଓ ସରକାର ଏହା ଉପରେ ପ୍ରସ୍ତୁତି ଚଳାଇଛନ୍ତି । ଅନ୍ତର୍ଜାତୀୟ ମହିଳା ଦିବସ (International Women Day) ଅର୍ଥାତ୍ ମାର୍ଚ୍ଚ ୮ରେ ଏହି ଯୋଜନା ଆରମ୍ଭ ହେବ ।

ବର୍ତ୍ତମାନ ଯେଉଁ ତଥ୍ୟ ସାମ୍ନାକୁ ଆସିଛି, ତାହା ଅନୁଯାୟୀ, ଏହି ସ୍କିମ୍ ଆରମ୍ଭ ହେବାର ଦିନରୁ ଆବେଦନ ଗ୍ରହଣ ପ୍ରକ୍ରିୟା ଆରମ୍ଭ ହେବ । ଏହାପୂର୍ବରୁ ଏହି ଯୋଜନା ରାଜ୍ୟରେ ଆୟୋଜିତ ହେବାକୁ ଥିବା ବିଭିନ୍ନ କାର୍ଯ୍ୟକ୍ରମରେ ମଧ୍ୟ ପ୍ରଚାର କରାଯିବ । ହିତାଧିକାରୀଙ୍କୁ ଚିହ୍ନଟ କରିବା ପାଇଁ ଗ୍ରାମ ଓ ୱାର୍ଡ ପରିଦର୍ଶନ କରି ଫର୍ମଗୁଡ଼ିକ ପୂରଣ କରାଯିବ । ଲାଡଲି ବହନା ଯୋଜନା (Ladli Bahan Yojana) ଅଧୀନରେ ଗରିବ ଓ ମଧ୍ୟବିତ୍ତ ପରିବାରର ମହିଳାମାନଙ୍କୁ ମାସକୁ ୧ ହଜାର ଟଙ୍କା ଦିଆଯିବ । 

ଅର୍ଥାତ୍ ସେମାନଙ୍କୁ ପ୍ରତିବର୍ଷ ସରକାରଙ୍କ ତରଫରୁ ୧୨ ହଜାର ଟଙ୍କା ଦିଆଯିବ । ଏହି ଯୋଜନା ବିଷୟରେ ବର୍ଣ୍ଣନା କରି ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ (Shivraj Singh Chouhan) କହିଛନ୍ତି ଯେ, ପରିବାରକୁ ମଜବୁତ କରିବା ପାଇଁ ସେ ଏହି ଲାଡଲି ବହନା ଯୋଜନା (Ladli Bahan Yojana) ରେ ଦେବାକୁ ଯାଉଥିବା ଅର୍ଥକୁ ବ୍ୟବହାର କରିବା ଆବଶ୍ୟକ । ବର୍ତ୍ତମାନ ମନେ କରାଯାଉଛି ଯେ, ଏହି ନିର୍ବାଚନୀ ବର୍ଷରେ ରାଜନୈତିକ ମାଷ୍ଟର ଷ୍ଟ୍ରୋକ ଅଧା ଜନସଂଖ୍ୟାକୁ ସମ୍ପୂର୍ଣ୍ଣ ରୂପେ ଆକୃଷ୍ଟ କରିବା ପାଇଁ ଏକ ପ୍ଲାନ ।

ଶିବରାଜ ସିଂ ଚୌହାନ (Shivraj Singh Chouhan) ନର୍ମଦା ଜୟନ୍ତୀ ଅବସରରେ ନର୍ମଦାପୁରମ୍ କାର୍ଯ୍ୟକ୍ରମରେ ପହଞ୍ଚିଥିଲେ । ଏଠାରୁ ସେ ଘୋଷଣା କରିଛନ୍ତି ଯେ, "ଆମର ଗରିବ ଭଉଣୀମାନେ, ନିମ୍ନ ମଧ୍ୟବିତ୍ତର ଭଉଣୀମାନେ, କୌଣସି ଜାତି କିମ୍ବା ଧର୍ମ ହେଉ, ଭଉଣୀମାନଙ୍କ ମଧ୍ୟରେ ପାର୍ଥକ୍ୟ କ’ଣ? ଏହିପରି ଭଉଣୀମାନଙ୍କୁ ବର୍ତ୍ତମାନ ପ୍ରତି ମାସରେ ୧,୦୦୦ ଟଙ୍କା ଦିଆଯିବ । ଏହାର ଅର୍ଥ ସେମାନଙ୍କୁ ଗୋଟିଏ ବର୍ଷରେ ୧୨ ହଜାର ଦିଆଯିବ ।"

ମଧ୍ୟ ପ୍ରଦେଶ ମୁଖ୍ୟମନ୍ତ୍ରୀ ଆଗକୁ କହିଛନ୍ତି ଯେ, "ଲାଡଲି ଲକ୍ଷ୍ମୀ ଯୋଜନା, ଲାଡଲି ଲକ୍ଷ୍ମୀ ଯୋଜନା-୨ ପରେ ସରକାର ଲାଡଲି ବହନା ଯୋଜନା ଆରମ୍ଭ କରୁଛନ୍ତି । ଏଥିରେ ରାଜ୍ୟର ପ୍ରତ୍ୟେକ ବର୍ଗର ଭଉଣୀମାନଙ୍କୁ ଏକ ହଜାର ଟଙ୍କା ଦିଆଯିବ । ପ୍ରତି ମାସରେ ପ୍ରତ୍ୟେକ ଯୋଗ୍ୟ ଭଉଣୀଙ୍କ ଆକାଉଣ୍ଟରେ ୧,୦୦୦ ଟଙ୍କା ଜମା ହେବ । ପାଞ୍ଚ ବର୍ଷ ମଧ୍ୟରେ ଏହି ଯୋଜନାରେ ପ୍ରାୟ ୬୦ ହଜାର କୋଟି ଟଙ୍କା ଖର୍ଚ୍ଚ ହେବ ।"

ଅଧିକ ପଢ଼ନ୍ତୁ:-ଅହମ୍ମଦାବାଦ ଟେଷ୍ଟ ମ୍ୟାଚ୍ ପୂର୍ବରୁ ଭାରତକୁ ନେଇ ବଡ଼ ବୟାନ ଦେଲେ ଅଷ୍ଟ୍ରେଲିଆ କୋଚ

ଅଧିକ ପଢ଼ନ୍ତୁ:-ଅହମ୍ମଦାବାଦ ଟେଷ୍ଟ ପୂର୍ବରୁ ଆସିଲା ବଡ଼ ଖବର, ଭାରତ ଛାଡି ବିଦେଶରେ ପହଞ୍ଚିଲେ ଟିମ୍ ଇଣ୍ଡିଆର ଏହି ସୁପରଷ୍ଟାର

ଅଧିକ ପଢ଼ନ୍ତୁ:-ଅଷ୍ଟ୍ରେଲିଆ ବିପକ୍ଷ ଦିନିକିଆ ସିରିଜରେ ଅଧିନାୟକତ୍ୱ କରିବେନି ରୋହିତ ଶର୍ମା! ବିସିସିଆଇ ଦେଲା ବଡ଼ ଅପଡେଟ୍

ଜାଣନ୍ତୁ ଏହି ଯୋଜନାର ଲାଭ କିଏ ନେଇପାରିବ 

୧. କେବଳ ମଧ୍ୟପ୍ରଦେଶର ମହିଳାମାନେ ଏହି ଯୋଜନାର ଲାଭ ଉଠାଇ ପାରିବେ ।

୨. ଆବେଦନ ପାଇଁ ମହିଳାଙ୍କ ବୟସ ୨୩ ବର୍ଷରୁ କମ୍ ଓ ୬୦ ବର୍ଷରୁ ଅଧିକ ହେବା ଉଚିତ୍ ନୁହେଁ ।

୩. ବିଦ୍ୟାଳୟ କିମ୍ବା କଲେଜରେ ପଢୁଥିବା ମହିଳାମାନେ ଏହି ଯୋଜନାର ଲାଭ ପାଇବେ ନାହିଁ ।

୪. କେବଳ ପଛୁଆ ବର୍ଗ, ଅନୁସୂଚିତ ଜାତି ଏବଂ ଜନଜାତିର ମହିଳାମାନଙ୍କ ପାଇଁ ଏହି ସ୍ୱତନ୍ତ୍ର ଯୋଜନା ପ୍ରସ୍ତୁତ କରାଯାଇଛି ।

୫. ଜୁନ୍ ୧୦ରୁ ଭଉଣୀମାନଙ୍କ ଆକାଉଣ୍ଟକୁ ଟଙ୍କା ଆସିବା ଆରମ୍ଭ ହେବ ।

୬. ଆବେଦନ ପାଇଁ ଅଧିକାରୀଙ୍କ ଦଳ ଗାଁ ଗାଁକୁ ଯିବେ ।